حكاية من حياتنا ( الحلقة الرابعة )
زغلول غضبان وصوته جايب أخر الدنيا
شلبياااااااااااااااااااااااااااااااوشلبية جت جري وبتقول في نفسها يارب استر
شلبية : خير يا زغلول مالك
زغلول : مفيش فايدة !! كام مرة اقولك فتشي جيوب الحاجة قبل ما تغسليها
شلبية : بفتشهم والله اكيد حد حطها قبل ما افتشهم
زغلول: 100 جنيه اهي مغسولة
شلبية: حقك عليا يا زغلولي أخر مرة
وقعدت تطيب في خاطره
**************
وراح الشغل ورجع وعلى الغدا كان راق شوية
وقال : يا جماعة انا مسافر إن شاء الله في مؤتمر مهم
شلبية والأولاد : ربنا معا لكن هتوحشنا
زغلول ضاحكا : معلش أكل العيش يحب الملوخية
جهزيلي يا شلبوكا اللي على الحبل ، كام بدلة كده على كام جرافته
شلبية : من عيوني حاضر
وجه معاد السفر وكله سلم عليه
وطبعا بعد ما وصاهم الوصايا العشرة
اسمعوا كلام أمكم ومتغلبوهاش
اقفلوا الباب كويس ومتفتحوش لحد ما تعرفهوش و .....................
حاضر يا بابا
********
خالد نزل يشتري حاجة لشلبية من تحت وهو ماشي رجله خبطت في حاجة بيبص لقاها محفظة
وطبعا عاش الدور دهب ياقوت مرجان
أحمدك يارب
وراح راجع البيت جري والباب هيتخلع من كتر الخبط
شلبية: ايه مالك مسروع كده ليه كأن حد بيجري وراك
خالد: لقد وقعت على كنز
وراح مطلع المحفظة وموريها لشلبية
شلبية: ايه ده لقيتها فين ؟
وفتحتها لقت فيها مبلغ وقدره
خالد: هشتري كل اللي نفسي فيه
شلبية : لا يا فالح دي مش بتاعتك ولازم ترجع لصاحبها
خالد وقد تحطمت أماله : ليه يا ماما ؟؟؟
شلبية: لأن دي في الإسلام اسمها لقطة وليها احكام يعني مينفعش أي حاجة تلاقيها تاخدها
خالد: لقطه ؟!!
ده انتي اللي لقطه يا ست الكلشلبية : أيوه يا لماضة لقطة
خالد: طيب وايه أحكامها يا ماما ؟
اللقطة ليها حالات
لو لقيت حاجة بسيطة ملهاش قيمة عند الناس مثلا جنيه ، رغيف عيش ، حبل ولا عصايا
دي ممكن اخدها ليا
لأان الرسول صلى الله عليه وسلم قال : ( رخص رسول الله صلى الله عليه وسلم في العصا والسوط والحبل يلتقطه الرجل )
خالد: طيب ولو كانت حاتجة ليها قيمة زي محفظتي حبيبتي
شلبية : محفظتك مين يا أبو محفظة دي مش بتاعتك
في الحالة دي تفضل سنة كاملة تدور على صاحبها تسأل مثلا في المكان اللي وقعت فيه ولا تعلق إعلان عنها أو تخبر عنها في مسجد
المهم تدور عليها سنة كاملة
بعد ما تخلص السنة وتكون بذلت جهد في إنك تلاقي صاحبها فعلا لكن معرفتش توصل ليه تقدر تستخدمها
لكن بشرط إنك تعرف أوصافها كويس بحيث لو جالك صاحبها بعد السنة في أي وقت تديله بدالها
خالد: طيب لو حد جه وقالي انها بتاعته اديها ليه على طول؟
شلبية: لا طبعا لازم يقولك اوصافها كويس وعلامتها بحيث يثبت انها بتاعته الأول قبل ما يشوفها
مش ممكن نصاب ؟
خالد : سؤال كمان معلش
طيب افرضي كانت قفص فاكهة هتبوظ ولا خروف ماقدرش اربيه عندي لمدة سنة أعمل ايه ؟
شلبية: سؤال ذكي يا خلودي
نفرض كان خروف أو حاجة بيتاكل لحمها
يقدر يعمل 3 حاجات :
1- أكله وعليه قيمته في الحال .
يعني لو جه صاحبه لازم يدفع ليه قيمته
2- بيعه والاحتفاظ بثمنه لصاحبه بعد معرفة أوصافه طبعا
3 - حفظه والإنفاق عليه من ماله ، ولا يملكه ،ولما يجي مالكه ويستلمه ياخد منه كل اللي دفعه لتربية الحيوان ده
، لأنه صلى الله عليه وسلم لما سئل عن الشاة قال : ( خذها ، فإنما هي لك أو لأخيك أو للذئب ) متفق عليه ، ومعناه : أنها ضعيفة ، عرضة للهلاك ، مترددة بين أن تأخذها أنت أو يأخذها غيرك أو يأكلها الذئب
خالد : طيب ولو كانت فاكهة أو حاجة هتبوظ ؟
شلبية : نعمل الأفيد إما نعرف ثمنه وناكله ولما يجي صاحبه ندفع ثمنه أو نبيعه ونحتفظ بثمنه لغاية ما يجي صاحبه
الملتقط الأحظّ لمالكه من أكله ودفع قيمته لمالكه ، وبيعه وحفظ ثمنه حتى يأتي مالكه .
وزي ما اتفقنا هنعرف عنها سواء فاكهة أو حيوان لمدة سنة كاملة
شلبية: تعالى نشوف المحفظة يمكن نلاقي بطاقة ولا رقم تليفون
فتحت شلبية المحفظة والحمد لله لقت بطاقة عليها اسم صاحبها لكن مفيش رقم تليفون
شلبية: أنا مش عارفة العنوان ده نوصل ليه ازاي
عموما انت دلوقتي هتنزل تسأل مطرح مالقيتها يمكن صاحبها يرجع
مكنش لما والدك يرجع يدور على العنوان ويروح يوديها أو حتى يوديها للشرطة وهي توصلها
خالد: حاضر يا ماما ، ويارب ملقهوش
شلبية : ليه بس يا شرير زمان صاحبها قلقان وزعلان وانت لو لقيته هتفرج كربته وهتفرحه وربنا هيرضى عنك
********************
خالد نزل للشارع يسال المحلات محدش جه سأل عن محفظة ضايعة
وهو واقف في أخر محل لقى واحد لونه مخطوف جاي يسأل عن محفظة ضايعة
خالد: يمكن هو
عمو شكل المحفظة اللي حضرتك بتدور عليها ايه
الراجل: انت تعرفها ؟
خالد: أنا لقيت واحدة بس لازم تقولي الأاول مواصفاتها
شاطر يا خالد ذاكرت كلام شلبية كويس
وبعد ما قال مواصفاتها
خالد قاله هي دي
دقايق يا عمو أجيبها من البيت وأرجع
وراح جري جابها وسلمها ليه
الراجل : مصدقش نفسه وكان هيموت من الفرحة لدرجة خلت خالد يتأثر من المنظر
وجابله حاجة ساقعة وحلويات وظبطه
*******************
وجه اليوم الموعود وزغلول رجع من السفر
ضرب الجرس وفتح الباب وكانت القبلات والأشواق
بابا جه بابا جه
يالا نسقف ونقول هيه
زوغلول استرح واتتغدى وكل شي تمام
وبعد ما خلص نادى على الأولاد
أما انا جبتلكم شوية حاجات هتعجبكم
زغلول: الشنطة فين ؟
شلبية والأولاد : مشفنهاش لما دخلت
زغلول : يا خبر نسيتها في التاكسي
شلبية : وهنعمل ايه فاكر رقم التاكسي مثلا
زغلول : ولا أي حاجة الدنيا بالليل ومشوفتش رقمه
شلبية: هنعمل ايه !! فداك
الحمد لله إنها جت على كده
طبعا وقلبها بيتقطع من جوه
زغلول : دي فيها حاجات غالية البدلتين بتوعي وهدايا جايبها للاولاد
شلبية : معلش قوم نام وربنا هيعوضك خير
تتوقعوا الشنطة هترجع تاني؟
تعليقات
إرسال تعليق