دورة عقيدة الزهرة المسلمة ( 11 )

 

دورة عقيدة الزهرة المسلمة ( 11 )

 


وحشتوني



يا ترى لو حد سألنا يعني ايه الايمان بالله هتعرفوا تجاوب؟ ولا هنعمل كده ؟


عارفة انكم عارفين بس معلش نعيد تاني مش ربنا سبحانه وتعالى بيقول : " وذكر فإن الذكرى تنفع المؤمنين "

وهنتكلم النهاردة عن الإيمان بالله عز وجل

يالا بينا نبدأ




معنى الإيمان بالله :
هو التصديق الجازم بوجود الله تعالى، والإقرار بربوبيته وأُلوهيته وأسمائه وصفاته.

يبقى الإيمان بالله يتضمن أربع حاجات :
1- الإيمان بوجود الله سبحانه وتعالى.
2- الإيمان بربوبية الله تعالى.
3- الإيمان بأُلوهية الله تعالى.
4- الإيمان بأسماء الله وصفاته.





فاكرين لما اتكلمنا عن أنواع التوحيد وقلنا توحيد الربوبية والألوهية والأسماء والصفات ولا نسيتوا ؟

يارب تكونوا لسه فاكرين ::





تعالوا نتكلم عن الحاجات دي بالتفصيل
ونبدأ اليوم بالكلام عن :

1 - الإيمان بوجود الله تعالى
أ - يعني أكون مقرة ومؤمنه بأن الله سبحانه وتعالى موجود
ودي حاجة من فطرة الإنسان يعني الإنسان بيحس بوجود الله سبحانه وتعالى من غير ماحد يقول له ولا يعلمه، وأكثر الناس معترفين بوجود الله، ومخالفش ده إلا قلة قليلة من الملاحدة.
وكلنا بنشوف ونسمع من إجابة الداعين وإعطاء السائلين ما يدلُّ دلالة يقينية على وجوده سبحانه تعالى كما قال سبحانه: { إذ تستغيثون ربكم فاستجاب لكم } .

ب - ومن المعلوم عند كل شخص أن الحادث لا بد له من مُحْدِث

يعني ايه؟
يعني كل حاجة بنشوفها أكيد في حد عملها مظهرتش لوحدها

يبقى هذه المخلوقات الكثيرة والتي نشاهدها في كل وقت لا بد لها من خالقٍ أوجدها، وهو الله سبحانه وتعالى، لأنه مش ممكن أن تكون مخلوقة من غير خالقٍ خَلقها، وكمان مش ممكن إنها تكون خلقت نفسها؛ لأن الشيء لا يخلق نفسه.

كما قال تعالى: " أم خلقوا من غير شيء أم هم الخالقون " .
ومعنى الآية: أنهم لم يُخلقوا من غير خالق، ولا هم الذين خلقوا أنفسهم، فلازم يكون خالقهم هو الله تبارك وتعالى.

جـ- إن انتظام هذا الكون بهذا النظام المتقن بسمائه وأرضه ونجومه وأشجاره يدلّ دلالة قطعية على أن لهذا الكون خالقا موحَّدا وهو الله سبحانه وتعالى ، يقول تعالى : { صنع الله الذي أتقن كل شيء} .

فهذه الكواكب والنجوم - مثلا - تسير على نظام ثابت لا يختل، وكل كوكب يسير في مجال لا يتعداه ولا يتجاوزه.
يقول تعالى: { لا الشمس ينبغي لها أن تدرك القمر و لا الليل سابق النهار و كل في قلك يسبحون } .


كده تمام ؟




الواجب:

س1: ما معنى الإيمان بالله؟

س2: كيف يكون الإيمان بوجود الله سبحانه وتعالى ؟