حكاية من حياتنا ( الحلقة الأولى )
الحلقة الأولى
البيت في حالة طوارئ والكل مترقب بكرة رمضان ولا بعد بكرة
زغلول: افتحوا التلفزيون يا ولاد زمان الرؤية هتبان
هند جري: حاضر يا بابا
وأعلن المفتي إن بكرة بإذن الله أول يوم من ايام رمضان
زغلول وشلبية في نفس واحد : كل سنة وانتم طيبين ياولاد
الكل : وانتم طيبين
زغلول : ها ياهند نويتي تصومي السنة دي ؟
هند : أنا لسه صغيرة يا بابا
شلبية : ايه رأيك يا هنودة تبدئي تتعودي على الصيام واليوم اللي هتصوميه ليكي هديه فيه
هند وهي مترددة : ماشي بس متزعليش مني لو فطرت
لكن يعني ايه صيام ؟
ريم : الصيام يا نونتي إنك متاكليش ولا تشربي من الفجر لغاية المغرب
وكمان لسانك يصوم عن السب والشتم وأي كلام مش كويس
سامع يا أستاذ خالد
خالد بيتسحب وقايم قبل ما يتكلموا معاه في موضوع الصيام
زغلول: رايح فين يا باشا تعالى هنا
خالد : نعم يا بابا يا حبيب قلبي
زغلول : اضحك عليا بكلمتين يابكاش
مفيش من لعب العيال بتاع رمضان اللي فات
هتصومه كله معانا السنة دي إن شاء الله
خالد :
يا بابا الجو حر وبتعب وبعدين لسه الصيام مش فرض عليا
شلبية : يا حبيبي لازم تتعود من صغرك على الصيام وإنك تطيع ربنا وعلى قدر المشقة بيكون الأجر
مش مكسوف من أحمد ابن طنط هدى جارتنا اللي صام رمضان كله السنة اللي فاتت وهو في ثالثة ابتدائي يعني اصغر منك بسنتين
يعني هو بيحب ربنا أكتر منك ؟
عايز يرضيه اكتر منك ؟
وصدقني ربنا بيعين وهتلاقيه سهل وحتى لو تعبت شوية بيكون يوم ولا اتنين على ما تتعود
زغلول : وبعدين يا خالد اشمعنى بصيت لعادل وبتغير منه لأنه بيلعب كورة احسن منك ؟
احنا يهمنا نقارن اللي أحسن مننا في الدين !
خالد : حاضر يابابا أوعدك اصوم رمضان كله السنة دي وربنا يعين
دي المنافسة الحقيقية
ريم وهي فرحانه : أخيرا الأستاذ خالد قرر يصوم
وقالت: يالا يا جماعة احنا هنضيع الليلة في الكلام
كده رمضان بدا يالا نستعد لصلاة التراويح
****************
صلوا ورجعوا البيت واتكلموا شوية وقعدوا لغاية الساعة 12
شلبية : يالا يا ريم نقوم نعمل لقمتين ناكلهم احسن خلاص تعبت وعايزة أنام
ريم: لا يا ماما يا حبيبتي السنة تأخير السحور وتعجيل الفطور
والنبي - صلى الله عليه وسلم -ثبت عنه أنه تسحر في آخر الليل، وقاموا إلى الصلاة بعد السحور،
وسئل أنس عن ذلك، كم كان بين الأذان والسحور؟ قال: قدر خمسين آية، فالتأخير أفضل، لكن طبعا لازم ننتهي قبل الأذان
وقامت باست راس والدتها وقالت : ادخلي نامي وانا مسئولة عن تجهيز السحور وصحيكم كلكم تتسحروا
خالد : لا ياماما أرجوكي كده مش هنتسحر
انا عايز اتسحر كويس علشان اعرف أصوم
ريم : إنت بالذات محتاج طلب وعليه دمغة واتنين شهود وبعدين أفكر أصحيك وأسمحلك تاكل من ايدي اللولي دي
زغلول : احنا هنبدأ المعركة ؟!
كله يروح يمسك مصحف ولا ينام على ما يجي السحور
يالا بيتك بيتك اوضتك أوضتك سريرك سريرك
يا كتاكيتي قصدي يا ديوكي
**********
على الساعة 10 الكل صحي على صوت خناقة كبيرة في الشارع
اتنين ماشيين بعربياتهم في الشارع وواحد قفل على واحد نزل التاني يسب ويشتم والتاني رد عليه
ريم: ايه ده احنا في رمضان
محدش قادر يقول ليهم احنا في رمضان وده بينقص الصيام
يعني بيتعبوا على الفاضي
قال رسول الله صلى الله عليه وسلم : " إذا كان يوم صوم أحدكم فلا يرفث ، ولا يسخب ، فإن سابه أحد أو شاتمه أو قاتله فليقل : إني امرؤ صائم " .
شلبية: ربنا يهديهم ويهدينا
سامعين يا ولاد
سامعة ياهند انتي وخالد الكلام ليكم كمان
*********
أول يوم في رمضان ومش متعودين على الصيام
هند خلصانه خالص
وماستحملتش الا للظهر وفطرت
كويس ماهي أول مرة تصوم
أما خالد فلسه صامد
وقبل المغرب بساعتين
هند دخلت المطبخ على خالد وكانت الصدمة
*********
هند : إنت بتعمل إيه يا خالد
ياماما ياماما الحقي خالد بيشرب مية
خالد : وفيها ايه يا رويتر
هو شرب المية اتمنع
هند : إنت مش صايم يا أستاذ ؟
شلبية وريم دخلوا المطبخ يشوفوا ايه اللي حصل
هند : الحقوا لقيت خالد بيشرب من ورانا
خالد : ياخبر نسيت
تعبي ضاع ضاع ضاع
اليوم كله ضاع مني بعد كل التعب ده
ريم : إنت هتندب ياعم خالد
اطمن صيامك صحيح مادام ناسي
عن أبي هريرة رضي الله عنه عن النبي صلى الله عليه وسلم قال ( من نسي وهو صائم فأكل أو شرب فليتم صومه فإنما أطعمه الله وسقاه )
خالد : الحمد لله
ياسلام لو كل يوم أنسى وأشرب
وهند متشوفنيش وتفكرني واشرب براحتي
***************
وأخيرا فاضل دقايق على المغرب والسفرة جهزت وكله مستني الأذان
وقفت ريم وقالت : سيداتي سادتي أنساتي وخالد فوق البيعة
خالد: ياسلام
ليكم الشرف أصلا
ريم وهي بتضحك : أقدم لكم سنن الفطور اللي عايزين نلتزم بيها
1- تعجيل الفطور
خالد: يعني نفطر قبل ما يؤذن
ريم: لا يافالح .. يعني منتأخرش بعد الأذان ما يخلص أو نصلي وبعدين نفطر
خالد : أستنى لأخر الأذان ؟؟ !!! ده انا أول ما يقول الله أكبر هافطر
جعان يا ناااااااااااس
زغلول: بس لازم نخلي بالنا من فروق التوقيت يعني مابقاش في اسكندرية وافطر على اذان القاهرة
لازم اتأكد كويس من وقت غروب الشمس
ريم : احم احم خلوني اكمل قبل ما ياذن
2- يستحب الإفطار على رطب، فإن لم يوجد فتمر، فإن لم يوجد فعلى ماء
شلبية : فكرتيني بالخشاف هاقوم اجيبه من المطبخ
هند : وبنقول ايه قبل الفطار
خالد : بتسأل !!! ... قال يعني صايمة
زغلول: ياواد مش هتبطل غلاسة
ريم : مش هيبقى خالد
بنقول يا هنودة زي ما ورد في الحديث عن ابن عمر رضي الله عنهما، قال: كان رسول الله صلى الله عليه وسلم إذا أفطر قال: ((ذهب الظمأ وابتلت العروق وثبت الأجر إن شاء الله))
وأخيرا قال المؤذن
الله اكبر وكله قام يفطر
البيت في حالة طوارئ والكل مترقب بكرة رمضان ولا بعد بكرة
زغلول: افتحوا التلفزيون يا ولاد زمان الرؤية هتبان
هند جري: حاضر يا بابا
وأعلن المفتي إن بكرة بإذن الله أول يوم من ايام رمضان
زغلول وشلبية في نفس واحد : كل سنة وانتم طيبين ياولاد
الكل : وانتم طيبين
زغلول : ها ياهند نويتي تصومي السنة دي ؟
هند : أنا لسه صغيرة يا بابا
شلبية : ايه رأيك يا هنودة تبدئي تتعودي على الصيام واليوم اللي هتصوميه ليكي هديه فيه
هند وهي مترددة : ماشي بس متزعليش مني لو فطرت
لكن يعني ايه صيام ؟
ريم : الصيام يا نونتي إنك متاكليش ولا تشربي من الفجر لغاية المغرب
وكمان لسانك يصوم عن السب والشتم وأي كلام مش كويس
سامع يا أستاذ خالد
خالد بيتسحب وقايم قبل ما يتكلموا معاه في موضوع الصيام
زغلول: رايح فين يا باشا تعالى هنا
خالد : نعم يا بابا يا حبيب قلبي
زغلول : اضحك عليا بكلمتين يابكاش
مفيش من لعب العيال بتاع رمضان اللي فات
هتصومه كله معانا السنة دي إن شاء الله
خالد :
يا بابا الجو حر وبتعب وبعدين لسه الصيام مش فرض علياشلبية : يا حبيبي لازم تتعود من صغرك على الصيام وإنك تطيع ربنا وعلى قدر المشقة بيكون الأجر
مش مكسوف من أحمد ابن طنط هدى جارتنا اللي صام رمضان كله السنة اللي فاتت وهو في ثالثة ابتدائي يعني اصغر منك بسنتين
يعني هو بيحب ربنا أكتر منك ؟
عايز يرضيه اكتر منك ؟
وصدقني ربنا بيعين وهتلاقيه سهل وحتى لو تعبت شوية بيكون يوم ولا اتنين على ما تتعود
زغلول : وبعدين يا خالد اشمعنى بصيت لعادل وبتغير منه لأنه بيلعب كورة احسن منك ؟
احنا يهمنا نقارن اللي أحسن مننا في الدين !
خالد : حاضر يابابا أوعدك اصوم رمضان كله السنة دي وربنا يعين
دي المنافسة الحقيقية
ريم وهي فرحانه : أخيرا الأستاذ خالد قرر يصوم
وقالت: يالا يا جماعة احنا هنضيع الليلة في الكلام
كده رمضان بدا يالا نستعد لصلاة التراويح
****************
صلوا ورجعوا البيت واتكلموا شوية وقعدوا لغاية الساعة 12
شلبية : يالا يا ريم نقوم نعمل لقمتين ناكلهم احسن خلاص تعبت وعايزة أنام
ريم: لا يا ماما يا حبيبتي السنة تأخير السحور وتعجيل الفطور
والنبي - صلى الله عليه وسلم -ثبت عنه أنه تسحر في آخر الليل، وقاموا إلى الصلاة بعد السحور،
وسئل أنس عن ذلك، كم كان بين الأذان والسحور؟ قال: قدر خمسين آية، فالتأخير أفضل، لكن طبعا لازم ننتهي قبل الأذان
وقامت باست راس والدتها وقالت : ادخلي نامي وانا مسئولة عن تجهيز السحور وصحيكم كلكم تتسحروا
خالد : لا ياماما أرجوكي كده مش هنتسحر
انا عايز اتسحر كويس علشان اعرف أصوم
ريم : إنت بالذات محتاج طلب وعليه دمغة واتنين شهود وبعدين أفكر أصحيك وأسمحلك تاكل من ايدي اللولي دي
زغلول : احنا هنبدأ المعركة ؟!
كله يروح يمسك مصحف ولا ينام على ما يجي السحور
يالا بيتك بيتك اوضتك أوضتك سريرك سريرك
يا كتاكيتي قصدي يا ديوكي
**********
على الساعة 10 الكل صحي على صوت خناقة كبيرة في الشارع
اتنين ماشيين بعربياتهم في الشارع وواحد قفل على واحد نزل التاني يسب ويشتم والتاني رد عليه
ريم: ايه ده احنا في رمضان
محدش قادر يقول ليهم احنا في رمضان وده بينقص الصيام
يعني بيتعبوا على الفاضي
قال رسول الله صلى الله عليه وسلم : " إذا كان يوم صوم أحدكم فلا يرفث ، ولا يسخب ، فإن سابه أحد أو شاتمه أو قاتله فليقل : إني امرؤ صائم " .
شلبية: ربنا يهديهم ويهدينا
سامعين يا ولاد
سامعة ياهند انتي وخالد الكلام ليكم كمان
*********
أول يوم في رمضان ومش متعودين على الصيام
هند خلصانه خالص
وماستحملتش الا للظهر وفطرت
كويس ماهي أول مرة تصوم
أما خالد فلسه صامد
وقبل المغرب بساعتين
هند دخلت المطبخ على خالد وكانت الصدمة
*********
هند : إنت بتعمل إيه يا خالد
ياماما ياماما الحقي خالد بيشرب مية
خالد : وفيها ايه يا رويتر
هو شرب المية اتمنع
هند : إنت مش صايم يا أستاذ ؟
شلبية وريم دخلوا المطبخ يشوفوا ايه اللي حصل
هند : الحقوا لقيت خالد بيشرب من ورانا
خالد : ياخبر نسيت
تعبي ضاع ضاع ضاع
اليوم كله ضاع مني بعد كل التعب ده
ريم : إنت هتندب ياعم خالد
اطمن صيامك صحيح مادام ناسي
عن أبي هريرة رضي الله عنه عن النبي صلى الله عليه وسلم قال ( من نسي وهو صائم فأكل أو شرب فليتم صومه فإنما أطعمه الله وسقاه )
خالد : الحمد لله
ياسلام لو كل يوم أنسى وأشرب
وهند متشوفنيش وتفكرني واشرب براحتي
***************
وأخيرا فاضل دقايق على المغرب والسفرة جهزت وكله مستني الأذان
وقفت ريم وقالت : سيداتي سادتي أنساتي وخالد فوق البيعة
خالد: ياسلام
ليكم الشرف أصلا
ريم وهي بتضحك : أقدم لكم سنن الفطور اللي عايزين نلتزم بيها
1- تعجيل الفطور
خالد: يعني نفطر قبل ما يؤذن
ريم: لا يافالح .. يعني منتأخرش بعد الأذان ما يخلص أو نصلي وبعدين نفطر
خالد : أستنى لأخر الأذان ؟؟ !!! ده انا أول ما يقول الله أكبر هافطر
جعان يا ناااااااااااس
زغلول: بس لازم نخلي بالنا من فروق التوقيت يعني مابقاش في اسكندرية وافطر على اذان القاهرة
لازم اتأكد كويس من وقت غروب الشمس
ريم : احم احم خلوني اكمل قبل ما ياذن
2- يستحب الإفطار على رطب، فإن لم يوجد فتمر، فإن لم يوجد فعلى ماء
شلبية : فكرتيني بالخشاف هاقوم اجيبه من المطبخ
هند : وبنقول ايه قبل الفطار
خالد : بتسأل !!! ... قال يعني صايمة
زغلول: ياواد مش هتبطل غلاسة
ريم : مش هيبقى خالد
بنقول يا هنودة زي ما ورد في الحديث عن ابن عمر رضي الله عنهما، قال: كان رسول الله صلى الله عليه وسلم إذا أفطر قال: ((ذهب الظمأ وابتلت العروق وثبت الأجر إن شاء الله))
وأخيرا قال المؤذن
الله اكبر وكله قام يفطر
تعليقات
إرسال تعليق