مسلسل في كل بيت حكاية ... الحلقة 14

 الحلقة 14:

حسن طالع من صلاة الجمعة
وبيفتح باب الشقة راح واقف وقال :
أكيد أنا غلطت في الشقة

منال ضاحكة : لا متخافش دي شقتك

حسن: ومين حضرتك يا فندم ؟ جاية تزوري منال ؟

منال : بطل غلاسة بقى ومتضيعش اللحظة الرومانسية دي

حسن : ماهو سفرة فيها مالذ وطاب وشموع وورودوبتقولي رومانسية كمان
يبقى انا غلطان في الشقة فعلا

منال : خلاص نروح نشيل كل ده

حسن : لااااااااااااااااااااااااااااااااااااااااااااااااا اااااااااااااااااااااااااا
اوعي ده انا ما صدقت
بس خير اللهم أجعله خير

منال : مفيش حبيت اصالحك
بعد اللي حكته ولاء امبارح عرفت قيمتك وأوعدك حياتنا هتتغير وانسى منال القديمة خالص



****************
شلبية وهند وريم هيحصل ليهم حاجة من الرعب لو زغلول شاف الزجاج المكسور

شلبية وريم : هند علشان خاطرنا يا رويتر متقوليش حاجة لبابا لغاية ما نرجع علشان الخروج متبوظش
احنا مستنينها من زمان

هند : حاضر يا ماما

ريم : هأديلك الموبايل بتاعي تلعبي باللعبة بس متقوليش لبابا علشان خاطري

هند : اتفقنا

واول ما اتفتح باب الشقة هند جري على الباب وشلبية وريم بيغمزولها

هند : بابا بابا
أنا مش هأقولك إن ريم كسرت ازاز الترابيزة علشان نخرج

زغلول : ضحك
وقال أهو علشان الكلمتين دول هنخرج
وحسابك يا هند لما نرجع

ريم: والله يا بابا مكنش قصدي أنا اتخبطت ووقعت عليها

زغلول مسك اعصابه رغم انها عايز يكسر دماغ ريم : حصل خير المرة دي
يالا اجهزوا علشان نلحق نخرج

كله في صوت واحد : هييييييييييييييييييييييييييييييييييييييه



******************
أبو محمد طالع من صلاة الجمعة وبيفكر يخلي الولاد تغير جو بدل جو الاكتئاب والحزن اللي معيشهم فيه بقاله كام يوم
بسبب مشاكل الشغل

فدخل البيت وقال : يالا اجهزوا علشان نخرج نتغدى بره

أم محمد والأولاد مش مستوعبين الموقف شكلهم بيحلموا


أبو محمد ضاحكا : انتم لسه هنا
بسرعة قبل ما أرجع في كلامي

أم محمد : ترجع في كلامك ايه
ثواني هنكون جاهزين

وعزمهم على الغدا في مطعم بيعمل سندوتشات تحفة
دخلوا المطعم وأخدوا مكانهم وكله أخد مكانه في أرض المعركة
قصدي على الكراسي والريحة مش مخلياهم صابرين



أبو محمد قام يطلب الطلبات لكن لفت نظره حوار بين طفل صغير والعامل في المطعم

الولد في انكسار :  عمو لو سمحت انا جعان اوي وماكلتش من امبارح ممكن شوية بطاطس بس

العامل بسخرية : مش عايز سندوتش لحمة كمان

الولد : لا شكرا كفاية بطاطس

العامل : انت صدقت ولا ايه
امشي بره مش بنأكل الأشكال دي يا شاطر

خرج الولد بانكسار شديد والدموع في عينه
وخرج أبو محمد وراه ولقاه قاعد على السلم بيبكي

أبو محمد : انت جعان يا حبيي

الولد: ايوه يا عمو مأكلتش من امبارح


أبو محمد : قوم معايا
ودخله المطعم وقعده على الترابيزة اللي قدام العامل بالظبط وقال : اطلب اللي نفسك فيه

الولد محرج : شكرا يا عمو كفاية بطاطس بس

أبو محمد : والله مش هسيبك الا لما تطلب

الولد محرج بص على أرخص حاجة وطلبها

أبو محمد : بابا وماما فين وعندك اخوات ؟

الولد : بابا متوفي وأمي تعبانه وعندي أخين

أبو محمد قام طلب أكل للولد ضعف اللي طلبه وجاب كمان 3 وجبات لاخواته وأمه

الولد باكيا : شكرا يا عمو
ربنا يجزيك خير ويفرج كربك

وكانت أحلى دعوة محتاجها أبو محمد
وبعد ما اطمن انه اكل وشبع راح شاف ولاده وجاب ليهم الأكل


**************
أما فوزية وزوجها بيقضوا يوم الجمعة عند عيلته كالعادة
لكن المرة دي فوزية كانت ناوية تقطع عرق وتسيح دم بعد ما فقدت الأمل في زوجها وسلبيته
وقررت لو لقت فرصة تلمح لحماها باللي بيحصل من وراه لأنه راجل حقاني ومش هيرضى عن اللي بتعمله مراته
وهي عارفة كده فكانت موصية أحمد إنه ميقولش لأبوه
لكن خلاص فاض بيها فصلت استخارة وفوضت امرها لله يدلها على الصواب تتكلم ولا متتكلمش

أبو أحمد : أهلا أهلا بحبايب قلبي
وأخد عمر ومنى وقال وهو بيضحك أنا عايز دول بس انتم خلاص امشوا
واخدهم وقعد يلاعبهم على جنب

شوية وكلهم قعدوا مع بعض
أبو أحمد : منى عاملة ايه دلوقتي وعملتوا ايه عند الدكتور

أحمد : الحمد لله بخير كالعادة جدد العلاج وربنا هو الشافي المعافي

أبو أحمد : الا صحيح فين حلق البنت اللي كنت جايبهولها مش لابساه ليه

أحمد ارتبك : مفيش يا بابا

فوزية استجمعت شجاعتها : معلش يا عمي أصلي بعه علشان اجيب علاج منى الشهر ده
اصلها مأزمة شوية والحمد لله ماشية

أبو احمد جه يتكلم لكن أم أحمد قالت : سيبونا من السيرة الغم دي ونفرح شوية
انت معرفتش ان أحمد ابني حبيبي عازمنا احنا واخواته وازواجهم على المصيف

أبو احمد : مصيف ايه وبتاع ايه
اما انت معندكيش دم ، بتقولك باعت حلقة البنت علشان تجيب العلاج تقولي عازمكم على مصيف
مش مكسوفة من نفسك

أحمد حس ان الموضوع اتأزم فقال وهو بيزغر لفوزية : ايه بس يا بابا الموضوع بسيط
فيها ايه لما ابسطكم واخليكم تغيروا جو

أبو أحمد : ده لو حاجة زيادة عن حاجتك انت وبيتك وعيالك لكن تستلفوا علشان نتفسح ده اسمه تهريج ولعب عيال
مفيش مصيف والموضوع انتهى
روح الغي الحجز ومش عايز اسمع كلام في الموضوع ده تاني

وغير الكلام في الموضوع

وفوزية مش عارفة تفرح ولا تخاف من اللي هيحصل ليها في البيت
ربنا يسترها لما تروح






تعليقات

إرسال تعليق

المشاركات الشائعة من هذه المدونة

دورة علم أصول الفقه ( 19 - أحوال اللفظ من حيث الظهور والخفاء )

صورة
  دورة علم أصول الفقه ( 19 - أحوال اللفظ من حيث الظهور والخفاء )   19 - أحوال اللفظ من حيث الظهور والخفاء الكلام الدال على الحكم الشرعي ، يحتوي على ألفاظ ، وهذه الألفاظ إما أن تكون ظاهرة المعنى والمراد : بحيث نفهم معانيها والمراد منها بسهولة . أو ألفاظ أخرى في دلالتها على المراد من المعنى نوع من الخفاء : وبالتالي تحتاج إلى نظر وتأمل أو تفسير . وعلى هذه الأساس قسم العلماء اللفظ من حيث الظهور وقوة إفادة المراد إلى : الظاهر ، النص ، المفسر ، المحكم . وقسموه من حيث خفاء المراد إلى : الخفي ، المشكل ، المجمل ، المشكل . اللفظ من حيث الظهور 1- الظاهر : هو ماكان معناه واضح ولا يحتاج إلى تفسير من الشارع لبيان المراد منه ، ولم يكن مسوقاً بالأصل لإفادة هذا المعنى ، واحتمل التأويل إن كان خاصاً ، أو التخصيص إن كان عاماً . نطبقه على مثال علشان يوضح : يقول تعالى : { وأحلَّ اللهُ البيْعَ وحرَّمَ الرِّبا } . هو ماكان معناه واضح ولا يحتاج إلى تفسير من الشارع لبيان المراد منه : اللفظ في الآية دلَّ بنفس صيغتِهِ على إحلال البيع وتحريم الرّبا . ولم يكن مسوقاً بالأصل لإفادة هذا المعنى : الأية نفسها...
قراءة المزيد

اسئلة لمراجعة سورة القصص

  اسئلة لمراجعة سورة القصص السؤال الأوّل : أكملي الآيات 1-و لقد وصّلنا لهم القول ...... لا نبتغي الجاهلين. 2-و قال موسى ..... أنّهم إلينا لا يرجعون. 3-إنّ الذي فرض عليك القرءان ..... و إليه ترجعون. 4-و ما أوتيتم من شيء ...... كنتم تزعمون. 5-قال ذلك بيني و بينك ..... لعلكم تصطلون. 6-و قالوا إن نتبع الهدى ..... و أهلها ظالمون. 7-فإن لم يستجيبوا لك ..... هم به يؤمنون. 8-فأخذناه و جنوده ..... لعلّهم يتذكّرون . 9-و لمّا بلغ أشدّه ..... ظهيرًا للمجرمين. 10-اسلك يدك ..... الغالبون. 11-و نزعنا من كلّ أمّة ...... الفرحين. 12-و لمّا توجّه ..... القوم الظالمين. 13-فلمّا قضى موسى الأجل ..... من الآمنين. 14-و قال فرعون ..... لايرجعون. 15-ولقد ءاتينا موسى الكتاب ..... و لكنّا كنّا مرسلين. 16-ومن رحمته ..... ما كانوا يفترون. 17-قلمّا أتاها ..... قومًا فاسقين. 18-إنّ قارون ..... حظٌ عظيم . 19-إنّ فرعون ..... ما كانوا يحذرون. 20-قال الذين حقّ عليهم القول ..... من المفلحين. ---------------------------------------------------- السؤال الثاني : اذكري من الآيات ما يدلّ على ذلك 1-جعل الله الدار الآخرة لم...
قراءة المزيد

أسئلة مراجعة سورة الشورى

صورة
  أسئلة مراجعة سورة الشورى   السؤال الأول: أكملى الآيات الآتية 1- وجزاؤا سيئة حتى قوله تعالي وما لكم من نكير. 2- ذلك الذي يبشر الله عباده حتى قوله تعالي إنه بعباده خبير بصير. 3- لله ملك السموات والأرض حتى قوله تعالي إلي الله تصير الأمور. 4- له مقاليد السموات والأرض حتى قوله تعالي لفي شك منه مريب. 5- ومن آياته الجوار حتى قوله تعالي هم ينتصرون. 6- وتراهم يعرضون عليها حتى قوله تعالي فإن الإنسان كفور. 7- من كان يريد حرث الآخرة حتى قوله تعالي الفضل الكبير. 8- والذين اتخذوا من دونه أولياء حتى قوله تعالي وهو السميع البصير. 9- ويستجيب الذين آمنوا حتى قوله تعالي ولا نصير. 10- فلذلك فادع واستقم حتى قوله تعالي وهو القوي العزيز. السؤال الثانى: أذكري من الآيات ما يدل على ذلك 1- في الفضاء الخارجي مخلوقات ودواب غير مخلوقات الأرض. 2- ينزل الله الرزق علي عباده بقدر لأن الغني إذا افتقر فسد دينه، والفقير إذا أغتني فسد دينه وبغي كل منهم في الأرض. 3- أمر لرسول الله  بالاستقامة كما قال الله  في سورة هود ( فأس...
قراءة المزيد