أحلى حياة في طاعة الله ... تفسير سورة النور 4

 

الدرس الرابع :

أخبار الحفظ معاكم إيه ؟

حفظ القران سهل على فكرة يقول تعالى : ( ولقد يسرنا القرآن للذكر فهل من مدكر )
شدي حيلك انتي بس وهتحسي بلذة وبركة في حياتك كلها



نكمل سورة النور



الآيات النهاردة مثل كل أيات سورة النور مهمة في حياتنا

قلنا المرة اللي فاتت إني مأدخلش أي بيت بدون استئذان وكمان نسلم على أهل البيت

طيب لو ملقيناش حد موجود ؟
مأدخلش لغاية ما حد يأذن لي حتى لو كان الباب مفتوح

طيب لو قال معلش مش هاقدر أستقبلك النهاردة ؟
( وَإِنْ قِيلَ لَكُمُ ارْجِعُوا فَارْجِعُوا ) أي: فلا تمتنعوا من الرجوع, ولا تغضبوا منه.
فأنتم لا يأخذ أحدكم الكبر والاشمئزاز, من هذه الحال.

ده في البيوت المسكونة ، طيب البيوت اللي أصحابها مش ساكنين فيها وفيها متاع لينا ؟
عارفين زي ايه ؟ زي بيوت الإيجار
هو لما بنأجر بيت من صاحبه مش معناه ان صاحبه مش ساكن فيها لكن فيه متاع لينا ؟
يبقى ده أقدر أدخله براحتي

وبعدين اتكلمت الآيات عن حاجة مهمة جدا وهي غض البصر وحفظ الفرج سواء للرجال أو النساء
تعالو نشوف تفسير الاية دي لأنه مهم لينا جدا
" وَيَحْفَظْنَ فُرُوجَهُنَّ " من التمكن من جماعهن, أو مسهن, أو النظر المحرم إليهن.

" وَلَا يُبْدِينَ زِينَتَهُنَّ " كالثياب الجميلة والحلي, وجميع البدن كله من الزينة.
ولما كانت الثياب الظاهرة, لا بد لها منها, قال: " إِلَّا مَا ظَهَرَ مِنْهَا " أي الثياب الظاهرة, التي جرت العادة بلبسها إذا لم يكن في ذلك, ما يدعو إلى الفتنة بها.

" وَلْيَضْرِبْنَ بِخُمُرِهِنَّ عَلَى جُيُوبِهِنَّ " وهذا لكمال الاستتار.
يعني الطرحة اللي بتلبسيها بتغطي الرقبة والصدر

ثم كرر النهي عن إبداء زينتهن, ليستثنى منه قوله: " إِلَّا لِبُعُولَتِهِنَّ " أي: أزواجهن " أَوْ آبَائِهِنَّ أَوْ آبَاءِ بُعُولَتِهِنَّ " يشمل الأب بنفسه, والجد, وإن علا. ( يعني ابو الجد وابو ابو الجد وهكذا)
" أَوْ إِخْوَانِهِنَّ أَوْ بَنِي إِخْوَانِهِنَّ " أشقاء, أو لأب, أو لأم.
" أَوْ بَنِي أَخَوَاتِهِنَّ أَوْ نِسَائِهِنَّ " أي: يجوز للنساء أن ينظر بعضهن إلى بعض مطلقا.
" أَوْ مَا مَلَكَتْ أَيْمَانُهُنَّ " فيجوز للملوك, إذا كان كله للأنثى, أن ينظر لسيدته, ما دامت مالكة له كله, فإذا زال الملك أو بعضه, لم يجز النظر. ( وطبعا ده مش موجود دلوقتي )
" أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ " أي: والذين يتبعونكم, ويتعلقون بكم, من الرجال, الذين لا إربة لهم, في هذه الشهوة كالمعتوه
" أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ " أي: الأطفال الذين دون التمييز, فإنه يجوز نظرهم للنساء الأجانب.
وعلل تعالى ذلك, بأنهم لم يظهروا على عورات النساء, أي: ليس لهم علم بذلك, ولا وجدت فيهم الشهوة بعد.
ودل هذا, أن المميز تستتر منه المرأة, لأنه يظهر على عورات النساء.

" وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ " أي: لا يضربن الأرض بأرجلهن, ليصوت ما عليهن من حلي, كخلاخل وغيرها, فتعلم زينتها بسببه, فيكون وسيلة إلى الفتنة.

والكلام ده مش نسمعه وخلاص
لازم كمان نطبقه






طولت عليكم النهاردة في القران لكن مهم نركز على الأحكام اللي وردت في الآيات

لسه مخلصناش خليكم قاعدين أو غيروا جو شوية وتعالوا كملوا