دورة عقيدة الزهرة المسلمة ( 8)

 

دورة عقيدة الزهرة المسلمة ( 8)

هنتكلم النهاردة على حاجة جميلة وبسيطة وهيه
أنواع التوحيد
هتقولي يعني ايه توحيد

أقولك التوحيد : هو إفراد الله تعالى بالربوبية والألوهية وكمال الأسماء والصفات.

يعني لازم نعرف إن ربنا هو اللي خلقنا وخلق كل شيء وهو اللي بيرزقنا وبيحينا وبيموتنا ونعبد ربنا سبحانه وتعالى لوحده ومنعبدش أي حد معاه ونؤمن بكل اسمائه وصفاته اللي أخبرنا بيها أو أخبرنا بيها رسوله صلى الله عليه وسلم







طيب
ماهي أنواعه ؟

أنواع التوحيد: ثلاثة، وهي توحيد الربوبية، وتوحيد الألوهية وتوحيد الأسماء والصفات.



متخافوش هنفهم مع بعض حالا

1- توحيد الربوبية: وهو توحيد الله بأفعاله - سبحانه - مثل الخلق والرزق وتدبير الأمور والإحياء والإماتة ونحو ذلك.
يعني ربنا سبحانه وتعالى هو اللي خلقنا ورزقنا وهو اللي بيحينا ويموتنا وهو اللي انعم علينا بالنعم كلها
وما ينفعش نقول إن حد غير ربنا سبحانه وتعالى هو اللي خالقنا أو بيرزقنا

فلا خالق إلا الله، كما قال تعالى: { الله خالق كل شيء } .
ولا رازق إلا الله، كما قال تعالى: { وما من دابة في الأرض إلا على الله رزقها } .
ولا مدبِّر إلا الله، كما قال تعالى: { يدبر الأمر من السماء إلى الأرض} .
ولا محيي ولا مميت إلا الله، كما قال تعالى: { هو يحيي ويميت وإليه ترجعون } .

و الكفار كانوا مقتنعين إن ربنا سبحانه وتعالى هو اللي خلقهم ورزقهم وخلق السموات والأرض كما قال تعالى: { ولئن سألتهم من خلق السموات والأرض ليقولن الله }.
ومع ذلك مدخلوش الإسلام
لأنهم محققوش شروط النوعين التانيين اللي هناخدهم دلوقتي من أنواع التوحيد





نيجي للنوع التاني
مصحصحين معايا ولا نمتوا ؟

2- توحيد الألوهية: وهو توحيد الله بأفعال العباد التي أمرهم بها. فتصرف جميع أنواع العبادة لله وحده لا شريك له، مثل الدعاء والخوف والتوكل والاستعانة والاستعاذة وغير ذلك.

يعني أنا عرفت إن ربنا سبحانه وتعالى اللي خلقني ورزقني وخلق كل شيء
يبقى أعبده وحده ولا أعبد أي حد معاه
أصلي ليه وأدعو ليه وأتوكل عليه وأستعين بيه

فلا ندعو إلا الله، كما قال تعالى: { وقال ربكم ادعوني أستجب لكم } .
ولا نخاف إلا الله، كما قال تعالى: { فلا تخافوهم وخافون إن كنتم مؤمنين } .
ولا نتوكل إلا على الله، كما قال تعالى: { وعلى الله فتوكلوا إن كنتم مؤمنين } .
ولا نستعين إلا بالله، كما قال تعالى: { إياك نعبد وإياك نستعين } .
ولا نستعيذ إلا بالله، كما قال تعالى: { قل أعوذ برب الناس } .

وعلشان النوع ده من التوحيد ربنا سبحانه وتعالى بعت الرسل يعلموا الناس يعبدوا ربنا سبحانه وتعالى وحده ازاي ، قال تعالى: { وَلَقَدْ بَعَثْنَا فِي كُلِّ أُمَّةٍ رَسُولًا أَنِ اُعْبُدُوا اللَّهَ وَاجْتَنِبُوا الطَّاغُوتَ  } .
ورغم إن الكفار كانوا مؤمنين ومعترفين بتوحيد الربوبية ، لكن أنكروا توحيد الألوهية وكانوا بيعبدوا الأصنام مع الله

وده طبعا ما ينفعش
وكانوا بيقولوا : { أجعل الآلهة إلها واحدا إن هذا لشئ عجاب} .





نيجي للنوع الثالث والأخير وهو

3- توحيد الأسماء والصفات: وهو الإيمان بكل أسماء الله وصفاته التي وصف بها نفسه أو وَصفه بها رسوله على الحقيقة.اللي وردت في القرآن أو في السنة النبوية الصحيحة
وأسماء الله كثيرة، منها: الرحمن، والسميع، والبصير، والعزيز، والحكيم
طبعا كلنا عارفينها

قال تعالى: { لَيْسَ كَمِثْلِهِ شَيْءٌ وَهُوَ السَّمِيعُ الْبَصِيرُ} .



الواجب :
س1:مامعنى التوحيد؟
س2: ماهي أنواع التوحيد؟ عرفي كل نوع .