ممكن تكون انت اكبر مشكلة في حياتك !!!

 

بنقرأ مشاكل كتيرة وبتأثر فينا و بنتعايش معاها ونحزن كتير وبنتفاعل مع المشكلة وأحيانا بنتحامل على الطرف التاني للمشكلة من غير ما نسمع منه
أو بتسود الدنيا في عنينا ونحس إن الدنيا كلها مأسي وفقط

ويمكن اكتر حاجة بنسمعها دلوقتي ادعولي أنا في كرب
وأغلب الناس في حزن وعندهم مشاكل

وسواء كانت مشاكل بتواجهنا أو لناس قريبين منا أو مشاكل بنسمعها حوالينا

فالحياة علمتني :
إن في مشاكل فعلا حقيقية وكرب الإنسان ملوش دخل فيه وانما هو ابتلاء واختبار أو عقاب على ذنوب
مثل إنسان ظالم أو زوج سيء أو ابن عاق أو أخ متسلط أو أب قاسي .... أو ....

وكتير بتكون المشكلة الحقيقية في عقلنا وطريقة تفكيرنا ونعيش دور الضحية ونعلنها في كل مكان ونبكي ونعلن الصبر على البلاء وإن نصر الله قريب ونعيش الدور فعلا ونفضل عايشين في تعاسة ونتعس كل من حولنا والغلط من أوله لآخره عندنا احنا
وياويل اللي يقول لنا إننا غلطانين
يبقى الله يرحمه

مثلا واحدة كل ما نسمعها نلاقيها بتبكي حرقة على حالها وابتلاءها في زوجها
وانه ظالم ومفتري وفيه العبر
وإنها منتظرة الاجر والثواب وانها ملاك متزوج شيطان ومصدقة ده فعلا مش بتتصنع
وفي المقابل لو شفنا تعاملها مع زوجها وتسلطها عليه ورغبتها انها تلغي شخصيته وتكون هي الامر الناهي
بيصعب علينا الزوج الغلبان
والعكس كمان بنلاقيه

أو بنسمع لتصرفات حماة أو زوجة ابن أو أخت زوج وتدخلاتهم في حياة من حولهم وجعل حياتهم جحيم
وبيعتبروا تدخلهم ده حق مكتسب
ويبقوا هما اللي بيشتكوا وهما المفتريين لكن شايفين نفسهم ملايكة ولازم يتصرفوا مع اللي حواليهم كده م ويكسروهم ويدبحوا ليهم القطة علشان ميشوفوش نفسهم رغم إنهم غلابة

ونادرا لما بنسمع من طرفين لمشكلة وينطبق الكلام على بعضه
لأن كل واحد بيحكي من وجهة نظره هو أو بيقول الأحداث اللي تشهد لوجهة نظره ويمسح بأستيكة أي حاجة ممكن تغلطه أو تدينه
وممكن الاتنين صح لكن كل واحد بينظر من زاوية ولو ضمينا الصورتين وتفهمنا وجهات نظر بعض وقربنا المسافات هتنتهي المشكلة ونعيش في سعادة

وكتير بنركز في رد الفعل ونسيب الفعل نفسه
زوجي ضربني واهاني وانا لازم اتطلق وتقلب الدنيا
طيب ضربك ليه ؟
أبدا شتمت والدته
وكإنه المفروض انه يسمع ده ويسكت
وتبص على رد الفعل وتقلب الدنيا وتنسى الجريمة اللي عملتها

وكتير بنسمع المشاكل من طرف واحد ونشوف ليه عين مفقوعة فنبني حكمنا وتعاملاتنا وردود افعالنا على الكلام
ولو سمعنا وشفنا الطرف التاني هنلاقي ان عنيه الاتنين مفقوعين

ومشاكل كتير حلها سهل وبسيط
مجرد إني أفهم شخصية الزوج او الزوجة أو الأخ او أي حد بتعامل معاه وأشوف مفتاح شخصيته وابعد عن الخطوط الحمراء بتاعته مشاكلي كلها هتتحل
لكن ازاي اتنازل أنا ؟! ليه الطرف التاني مش هو اللي يفهم شخصيتي ويغير من نفسه ؟!!!!
ونعيش في جحيم علشان كبر داخل نفوسنا

ومشاكل بسبب سوء الظن أو تبقى حاجة بسيطة أفضل أفلسفها
وأقول لا ده مادام قال كده يبقى قصده كذا وكذا
ومادام عمل كذا يبقى الخطوة اللي بعدها كذا
واكبر الفكرة وأصدقها وابني حكمي وتعاملاتي على أوهام في دماغي واللي قدامي أصلا مخطرش في باله أي حاجة من أوهامي

أو يحصل ابتلاء معين من تأخر زواج أو تأخر إنجاب أو طلاق أو وفاة عزيز أو غيره
فحياتي تتوقف واتعس نفسي وكل اللي حواليا وأعيش في أحزاني وأنسى كل نعم ربنا عليا ومأحلولش أوجد بديل أو أشغل نفسي بحاجة مفيدة

أو حاسة اني وحيدة والناس كلها وحشة وبتبعد عني وبتتخلى عني في أزمتي وافضل حزينة على حالي وعلى الزمن اللي خلى الناس وحشة
وفي الواقع تصرفاتي وأسلوبي ومعاملتي وكلامي هو اللي بيبعد الناس عني

وبعد كل ده أنا بس اللي صح وبفهم وغيري مش بيفهم وغلطان ومش حاسس بيا ولا بألمي واللي ايده في المية مش زي اللي ايده في النار
لكن في اي مشكلة المفروض اسيب الباب مفتوح يمكن انا اللي غلط أو مزوداها او متعصبة وغضبانه وده مش مخليني أوزن الأمور صح
الرسول صلى الله عليه وسلم وهو المعصوم كان بيقبل النصيحة بل وبيعمل بيها
ومش من اصحابه فقط وانما زوجاته كمان

أغلب مشاكلنا إحنا السبب فيها
أو نقدر نتغلب عليها بكل سهولة لو فكرنا

قبل ما نحكم على نفسنا وعلى اللي حوالينا بالتعاسة لازم وقفة مع نفسنا
نفلتر فيها أفعالنا وأخلاقنا ونوزنها بميزان الشرع
ونشوف تصرفنا وتفكيرنا صح ولا غلط
نحسن الظن بالناس
نعاملهم كما نحب أن يعاملونا وبما يرضي الله لا بما يرضي أهواءنا
نلتمس ليهم الأعذار
منحكمش على مشكلة من غير ما نسمع الطرفين

اللهم أرنا الحق حقا وارزقنا اتباعه وارنا الباطل باطلا وارزقنا اجتنابه

 

تعليقات

إرسال تعليق

المشاركات الشائعة من هذه المدونة

أسئلة مراجعة سورة الدخان

صورة
  أسئلة مراجعة سورة الدخان   السؤال الأول: أكملي الآيات الآتية 1- وما خلقنا السموات والأرض حتـى قوله تعالـى إنه هو العزيز الرحيم. 2- ولقد فتنا حتـى قوله تعالـى وما كانوا منظرين. 3- إن المتقين حتـى قوله تعالـى مرتقبون. 4- إنا أنزلناه حتـى قوله تعالـى يلعبون. 5- إن شجرة الزقوم حتـى قوله تعالـى تمترون. 6- ولقد نجينا حتـى قوله تعالـى إنهم كانوا مجرمين. 7- ولقد أخترناهم على علم حتـى قوله تعالـى لاعبين. 8- فارتقب يوم تأتى حتـى قوله تعالـى رسول كريم. 9- إن يوم الفصل حتـى قوله تعالـى عذاب الجحيم. 10- وأن لا تعلوا على الله حتـى قوله تعالـى آخرين. السؤال الثانى: أذكرى من الآيات ما يدل على ذلك 1- تقول العرب أن السيد عندما يموت تبكى الأرض والسماء عليه. 2- وصف الله الرسول  فى آية ووصف موسى  فى آيتين. 3- ماذا أعد الله للمتقين فى الجنة. 4- نزول القرآن ليلة القدر جملة واحدة. 5- توعد قوم موسى بقتله فاستعاذ بربه والتجأ إليه. 6- ما هو طعام أهل النار وعذابهم وماذا يقال للآثم. 7- من الرسل الذين دعوا على قومه...
قراءة المزيد

اسئلة لمراجعة سورة الأنعام

  اسئلة لمراجعة سورة الأنعام   السؤال الأوّل: اذكري من الآيات ما يدلّ على ذلك : 1- أنّ مكّة هي مركز الأرض . 2- آيات بها الوصايا العشر . 3- آية بها ترهيب بالعقاب السّريع و ترغيب بالمغفرة و الرّحمة . 4- آية بها ذكر نزول المطر و ما ينبت به في الأرض و أخرى مشابهة لها ذكر فيها زكاة الزّروع . 5- آيات ذكر فيها اسماء الكثير من الأنبياء . 6- من هم الّذين لهم الأمن و الهداية. 7- ما جزاء من يرد الله أن يضله . 8- آية بها تحريمٌ على الكفار و أخرى بها تحريمٌ على اليهود. 9- حال الكفّار عندما يعرضون على ربّهم و عندما يعرضون على النّار . 10- ذكر دعاء الاستفتاح في الصّلاة في عدّة آيات . __________________________________________________ السّؤال الثّاني : أكملي النّاقص في آخر الآية : 1- ( و جعلوا لله ممّا ذرأ....... سآء ما .......... ( يزرون – يحكمون – يعملون ) 2- ( قد خسر الّذين كذّبوا ..... ألا سآء ما .......... ( يزرون – يحكمون – يعملون ) 3- ( و إن كان كبر عليك ..... فلا تكوننّ .......... ( الجاهلين – ...
قراءة المزيد

دورة علم أصول الفقه ( 19 - أحوال اللفظ من حيث الظهور والخفاء )

صورة
  دورة علم أصول الفقه ( 19 - أحوال اللفظ من حيث الظهور والخفاء )   19 - أحوال اللفظ من حيث الظهور والخفاء الكلام الدال على الحكم الشرعي ، يحتوي على ألفاظ ، وهذه الألفاظ إما أن تكون ظاهرة المعنى والمراد : بحيث نفهم معانيها والمراد منها بسهولة . أو ألفاظ أخرى في دلالتها على المراد من المعنى نوع من الخفاء : وبالتالي تحتاج إلى نظر وتأمل أو تفسير . وعلى هذه الأساس قسم العلماء اللفظ من حيث الظهور وقوة إفادة المراد إلى : الظاهر ، النص ، المفسر ، المحكم . وقسموه من حيث خفاء المراد إلى : الخفي ، المشكل ، المجمل ، المشكل . اللفظ من حيث الظهور 1- الظاهر : هو ماكان معناه واضح ولا يحتاج إلى تفسير من الشارع لبيان المراد منه ، ولم يكن مسوقاً بالأصل لإفادة هذا المعنى ، واحتمل التأويل إن كان خاصاً ، أو التخصيص إن كان عاماً . نطبقه على مثال علشان يوضح : يقول تعالى : { وأحلَّ اللهُ البيْعَ وحرَّمَ الرِّبا } . هو ماكان معناه واضح ولا يحتاج إلى تفسير من الشارع لبيان المراد منه : اللفظ في الآية دلَّ بنفس صيغتِهِ على إحلال البيع وتحريم الرّبا . ولم يكن مسوقاً بالأصل لإفادة هذا المعنى : الأية نفسها...
قراءة المزيد