على دربهم أسير .. الحسن والحسين

 
كعادتنا قبل ما نبدأ كل أسبوع جمعتلكم اجاباتكم وكلها كانت مميزة ماشاء الله

#13
بس المهم نلتزم ونطبق اللي اتعلمناه


وفيه مفاجأة حلوة في اخر الدرس خلوا بالكم منها

ندخل على الدرس الجديد




( 10 )

هنتكلم اليوم عن موقف عظيم لسيدا شباب أهل الجنة

كده عرفتوهم أكيد


الحسن والحسين
سيدي شباب أهل الجنة


ابني الخليفة الراشد علي رضي الله عنه،


وابني فاطمة بنت رسول الله صلى الله عليه وسلم سيدة نساء الجنة،

عن أسامة بن زيد قال: " طرقت النبي صلى الله عليه وسلم في بعض الحاجة فقال: هذان ابناي وابنا ابنتي اللهم إني أحبهما فأحبهما وأحب من يحبهما."


وقال صلى الله عليه وسلك " الحسن والحسين سيدا شباب أهل الجنة "


وفي البخاري عن أبي بكر: رأيت النبي صلى الله عليه وسلم على المنبر والحسن بن علي معه وهو يقبل على الناس مرة وعليه مرة ويقول إن ابني هذا سيد ولعل الله أن يصلح به بين فئتين من المسلمين.،


وفي صحيح البخاري عن ابن عمر عن رسول الله صلى الله عليه وسلم أنه قال عن الحسن والحسين: هما ريحانتاي من الدنيا. رضي الله عنهما وأرضاهما.


قصة مشهورة كتير عارفها
وهذه القصة المشهورة وإن كان المحدث الشيخ/ أبو عبد الرحمن ناصر الدين الألباني قال بأنه ليس لها سند يعرف للحكم عليها، ولكن فيها مغزى وفيها عبرة عظيمة وفيها تعليم جميل، وهذا الحدث ليس بمستبعد أبداً على أناس وردوا حوض التربية النبوية، فتضلعوا منه وشربوا منه شربةً عظيم



ذكر في مرة من المرات بأنهما دخلا مكاناً للوضوء، فوجدا رجلاً من المسلمين يسيء الوضوء، أي: لا يتوضأ وضوءاً طيباً، فيهمل الوضوء كما يفعل كثير من المسلمين اليوم، تجد أحدهم يغسل يده، فلا يصل إلى المرفق مطلقاً، ويغسل قدمه، فلا يصل إلى العقب مطلقاً، والرسول صلى الله عليه وسلم يقول: ( ويلٌ للأعقاب من النار ).

دخل الحسن و الحسين على هذا الرجل وهو يتوضأ، فرأيا سوء وضوئه، وهما يعلمان بأن الله لا يقبل صلاة بغير وضوء صحيح.

ما هي الطريقة الآن لنصح الرجل؟ ما هي أمثل طريقة لتعليم الرجل من غير جرح لكبريائه وهو شيخ يفوقهما سناً، والكبير عادةً لا يتقبل من الصغير.

فنظر الحسن و الحسين إلى بعضهما نظرةً ذات مغزى، ثم اقتربا من الرجل، فقالا له: يا أبانا أو يا شيخ! إني أنا وأخي قد اختصمنا أينا أحسن وضوءاً، أنا أقول أنا أحسن وضوءاً من أخي، وأخي يقول: هو أحسن وضوءاً مني، فأردنا أن نحتكم إليك لتحكم بيننا أينا أحسن وضوءاً من الآخر، فتقدم الحسن فتوضأ وضوءاً نبوياً كاملاً، وأسبغ الوضوء، ما ترك شيئاً من سننه، ثم تقدم الحسين لما فرغ الحسن ، فتوضأ وضوءاً نبوياً كاملاً، وأسبغ الوضوء، ما ترك شيئاً من سننه، ثم التفتا إلى الرجل ينتظران منه الحكم، فوقع هذا العمل في قلب الرجل أشد موقع،

وقال لهما بلسان معترف مستجيب: بل أنا والله الذي لا يحسن الوضوء، وأنتما علمتماني كيف أحسن الوضوء.


تخيلوا كنتم في الموقف ده ولقيتوا ست كبيرة بتتوضأ غلط أو بتصلي غلط ، هتعملوا إيه ؟
هل تقولوا دي ست كبيرة عيب نكلمها؟
ولا هتروحوا تقولوا إيه الوضوء اللي بتتوضيه ده مش عيب عليكي واحدة كبيرة مش عارفة تتوضأ ولا تصلي ؟
ولا هتكلميها بكل ذوق واحترام وتقوليلها معلش يا طنط لو تسمحي فيه حاجة بسيطة كنت عايزة اقول لحضرتك عليها وتقوليلها الطريقة الصحيحة ؟

فيه حاجة احلى وأهم وافضل كمان وتبقي داعية ليل ونهار في البيت وفي الشارع وفي المدرسة وفي كل مكان تروحيه

النصيحة بالقدوة

الناس تشوفك بتتصرفي تصرف صحيح في موقف من المواقف ، فيقلدوكي ويعملوا زيك
خليكي قدوة
خليكي داعية إلى الله تعالى بفعلك
الإسلام دخل كثير من البلاد علشان الناس في البلاد دي كانت بتشوف تعاملات المسلمين واخلاقهم فكانت بتدخل للإسلام
فبفعلك تقدري تهدي ناس كتيرة وتكوني قدوة ليهم يقتدوا بيها



كل مسلم ومسلمة لازم يدعوا إلى الله تعالى
يقول صلى الله عليه وسلم : " بلغوا عني ولو آية "
متستقليش بالمعلومة اللي هتقوليها
ممكن الحاجة البسيطة دي تاخدي عليها ثواب كبير جدا جدا جدا وتفضل في ميزان حسناتك طول ما الناس بتعمل زي ما قلتي


بس المهم الأسلوب
أحيانا الأسلوب بينفر اللي قدامك ويخليه مش ممكن يستجيب للكلام اللي بتقوليهلازم تدعي بالحكمة والموعظة الحسنة

وكمان التوقيت والمكان المناسب
مينفعش في وسط الناس كده بصوت عالي تقولي يا فلانه ايه اللي بتعمليه ده انتي كده بتفضحيها مش بتنصحيها
ولا تكلميها في وقت متعصبة فيه ومش مستعدة تتقبل كلام من حد

وكمان دايما ارفعي من قدر اللي قدامك وانتي بتنصحيه
يعني تقولي مثلا ماشاء الله عليكي إنتي انسانة كويسة جدا بس ياريت الجزئية دي بس البسيطة دي تاخدي بالك منها أو أنا أحسبك على خير وعلشان كده بحب تكوني من أهل الجنة وهاقولك على حاجة حلوة
كده يعني



حاجة مهمة كمان
لازم تبقوا عارفين إن ممكن حد يتريق عليكم
ممكن حد يتهمك بالنفاق أو الرياء
ممكن تسمعي كلام يضايقك
كل ده ولا يهمك
إنتي بتعملي حاجة لله علشان تاخدي الثواب لكن الهداية بأمر ربنا سبحانه وتعالى
المهم تدعي صح وبأسلوب حلو وفي المكان والزمان المناسبين ، زي ما اتفقنا



الواجب:
اختاري موقف من الموقفين التاليين لقيتي صاحبتك بتعمله وقولي هتعملي معاها إيه بالظبط وممكن تنصحيها ازاي

- شوفتي واحدة زميلتك بتكلم أولاد على النت
أو
- واحدة زميلتك مش محجبة وبتحط مكياج