أحلى حياة في طاعة الله ... بابا عصبي

 مين فيكم بتقول بابا عصبي ومش بيفهمني وأنا تعبت

طبعا أغلبكم لو مكنش كلكم بيقول أنااااااااااااااااااااا

بابا عصبي جدا ، ويزعق على كل كبيرة وصغيرة اللي يستاهل واللي ميستاهلش ومش بيديني فرصة أتكلم أو أدافع عن نفسي
وكل كلمة أو همسة أو حركه أعملها يعلق عليها
أنا تعبت بجد وزهقت

مش ده حال كتير منكم دلوقتي

مش هضحك عليكي واقولك خدي الأمر ببساطة أو متزعليش لأني عن نفسي بزعل لو حد كلمني بعصبية أو زعق بدون داعي وده طبيعي يعني لو مزعلتيش من العصبية يبقى فيكي حاجة غريبة

لكن أنا عايزة منك حاجتين علشان تخففي عن نفسك

الحاجة الأولى : إنك تبصي ليها أن ده غصب عنه من الضغط العصبي اللي الأب بيكون فيه علشان يوفر لأولاده حياة كريمة في الزمن الصعب اللي عايشين فيه

وكمان التعامل مع الناس بقى صعب واكيد بتواجهه مشاكل كتيرة وده بيأثر عليه ويخليه عصبي غصب عنه فحاولي تقدري النقطة دي

الحاجة التانية : أكيد بعد عشرة السنين دي كلها من وانتي لغاية ما بقيتي بقيتي عارفة ايه اللي بيعصب والدك فحاولي تتجنبيه
أكيد طبعا مش هتقدري تخليه ميتعصبش عليكي خالص لكن أكيد هتقل أوقات العصبية لما تشوفي ايه اللي بيعصبه ومتعملهوش حتى لو تحسي انها حاجة هايفة أو حاجة متستهلش أصلا أو حاجة مش غلط اساسا

انتي مش هتعندي مع والدك
لو عندتي هيبقى انتي الخسرانة لأنه الطرف الأقوى ولازم كلمته تمشي عليكي سواء من منطق القوة
أو بأوامر الدين فربنا سبحانه وتعالى أمرك إنك تطيعيه مادام مش بيؤمر بمعصية
وممكن تشوفي الأمر اللي بيقولك عليه دلوقتي تعسف أو غلط
لكن لما تكبري هتعرفي انه صح وخايف عليكي

عارفة فيه حاجة بحسها جدا ومسمياها كن جميلا ترى الوجود جميلا
لما بتكون نفسيتي مستريحة بشوف كل حاجة حلوة والشقة جميلة ونظيفة والحياة بنبي وأضحك مع الأولاد واهزر
وأول ما أتضايق أو يكون عندي توتر مهما عملت ونظفت أحس انها مش نظيفة
ويبقى الموقف الهايف أزعق للأولاد وأرجع اقول هو أنا عملت كده ليه اصلا دول ما غلطوش
ويفضل ضميري يعذبني

فصدقينا لما والدك بيتعصب عليكي وهو مع نفسه لما يهدى بيبقى زعلان جدا حتى لو مقالش كده
لأن فيه ناس كتيرة بتستكبر انها تعتذر لأولادها حتى لو معترفة جواها إنها غلط

ولما بيتعصب لو اتفرجتي على التلفزيون ولو خمس دقايق أو كمبيوتر أو اي حاجة تانية من اللي بتنرفزهم دي لما بيكون عندكم مذاكرة
ما أنا مجربة برده وعارفة الأبهات بيعملوا ايه
صدقيني ده من خوفه عليكي وعلى مصلحتك
حتى لو متفهمش وجهة نظرنا ساعتها لكن كل تفكيره منصب على انه حاسس ان ده بيضيع وقتك وعايزك تكوني أحسن واحدة ومتضيعيش وقت المذاكرة
ولعلمك والأيام بيننا بكرة تعملي كده في أولادك ان شاء الله
ما حنا كنا بنزعل وبقينا نعمله


عايزة اقولك حاجة مش انتي بس اللي محتاجة لمسة الحنية
تصدقيني لو قلتلك إن والدك محتاجها زيك ويمكن اكتر
حاولي تقربي منه وتبوسيه وتحضنيه وتحسسيه بحبك ليه
بيفرق معاهم جدا
يعني غيري أسلوبك معاه وان شاء الله تلاقي كمان تغيير من ناحيته

وخلينا صرحاء مع بعض أكتر
ممكن فعلا فيه أبهات قاسية وصعبة وعصبيتهم مش حاجة خارجة عن ارداتهم
همه نفسهم مش كويسين
ومحدش بيختار والده او والدته أو أهله

ايه التصرف معاهم ؟
تتصرفي معاهم بما أمرك ربك
إنك تبريه حتى لو عاصي
تبريه حتى لو كان كافر
وتسمعي كلامه مادام مش بيؤمرك بمعصية
وحاولي تتجنبي الحاجة اللي بتضايقه
أو حاولي تتجنبي القعاد معاه مادام ممكن يعمل مشكلة

ربنا يريح بالكم ويفرح قلوبكم ويخلي ليكم والديكم





شكلي قلبت عليكي المواجع
روقي كده يا جميل
خديلك لفة في الشقة وتعالي كملي

تعليقات

إرسال تعليق

المشاركات الشائعة من هذه المدونة

أسئلة مراجعة سورة الدخان

صورة
  أسئلة مراجعة سورة الدخان   السؤال الأول: أكملي الآيات الآتية 1- وما خلقنا السموات والأرض حتـى قوله تعالـى إنه هو العزيز الرحيم. 2- ولقد فتنا حتـى قوله تعالـى وما كانوا منظرين. 3- إن المتقين حتـى قوله تعالـى مرتقبون. 4- إنا أنزلناه حتـى قوله تعالـى يلعبون. 5- إن شجرة الزقوم حتـى قوله تعالـى تمترون. 6- ولقد نجينا حتـى قوله تعالـى إنهم كانوا مجرمين. 7- ولقد أخترناهم على علم حتـى قوله تعالـى لاعبين. 8- فارتقب يوم تأتى حتـى قوله تعالـى رسول كريم. 9- إن يوم الفصل حتـى قوله تعالـى عذاب الجحيم. 10- وأن لا تعلوا على الله حتـى قوله تعالـى آخرين. السؤال الثانى: أذكرى من الآيات ما يدل على ذلك 1- تقول العرب أن السيد عندما يموت تبكى الأرض والسماء عليه. 2- وصف الله الرسول  فى آية ووصف موسى  فى آيتين. 3- ماذا أعد الله للمتقين فى الجنة. 4- نزول القرآن ليلة القدر جملة واحدة. 5- توعد قوم موسى بقتله فاستعاذ بربه والتجأ إليه. 6- ما هو طعام أهل النار وعذابهم وماذا يقال للآثم. 7- من الرسل الذين دعوا على قومه...
قراءة المزيد

اسئلة لمراجعة سورة الأنعام

  اسئلة لمراجعة سورة الأنعام   السؤال الأوّل: اذكري من الآيات ما يدلّ على ذلك : 1- أنّ مكّة هي مركز الأرض . 2- آيات بها الوصايا العشر . 3- آية بها ترهيب بالعقاب السّريع و ترغيب بالمغفرة و الرّحمة . 4- آية بها ذكر نزول المطر و ما ينبت به في الأرض و أخرى مشابهة لها ذكر فيها زكاة الزّروع . 5- آيات ذكر فيها اسماء الكثير من الأنبياء . 6- من هم الّذين لهم الأمن و الهداية. 7- ما جزاء من يرد الله أن يضله . 8- آية بها تحريمٌ على الكفار و أخرى بها تحريمٌ على اليهود. 9- حال الكفّار عندما يعرضون على ربّهم و عندما يعرضون على النّار . 10- ذكر دعاء الاستفتاح في الصّلاة في عدّة آيات . __________________________________________________ السّؤال الثّاني : أكملي النّاقص في آخر الآية : 1- ( و جعلوا لله ممّا ذرأ....... سآء ما .......... ( يزرون – يحكمون – يعملون ) 2- ( قد خسر الّذين كذّبوا ..... ألا سآء ما .......... ( يزرون – يحكمون – يعملون ) 3- ( و إن كان كبر عليك ..... فلا تكوننّ .......... ( الجاهلين – ...
قراءة المزيد

دورة علم أصول الفقه ( 19 - أحوال اللفظ من حيث الظهور والخفاء )

صورة
  دورة علم أصول الفقه ( 19 - أحوال اللفظ من حيث الظهور والخفاء )   19 - أحوال اللفظ من حيث الظهور والخفاء الكلام الدال على الحكم الشرعي ، يحتوي على ألفاظ ، وهذه الألفاظ إما أن تكون ظاهرة المعنى والمراد : بحيث نفهم معانيها والمراد منها بسهولة . أو ألفاظ أخرى في دلالتها على المراد من المعنى نوع من الخفاء : وبالتالي تحتاج إلى نظر وتأمل أو تفسير . وعلى هذه الأساس قسم العلماء اللفظ من حيث الظهور وقوة إفادة المراد إلى : الظاهر ، النص ، المفسر ، المحكم . وقسموه من حيث خفاء المراد إلى : الخفي ، المشكل ، المجمل ، المشكل . اللفظ من حيث الظهور 1- الظاهر : هو ماكان معناه واضح ولا يحتاج إلى تفسير من الشارع لبيان المراد منه ، ولم يكن مسوقاً بالأصل لإفادة هذا المعنى ، واحتمل التأويل إن كان خاصاً ، أو التخصيص إن كان عاماً . نطبقه على مثال علشان يوضح : يقول تعالى : { وأحلَّ اللهُ البيْعَ وحرَّمَ الرِّبا } . هو ماكان معناه واضح ولا يحتاج إلى تفسير من الشارع لبيان المراد منه : اللفظ في الآية دلَّ بنفس صيغتِهِ على إحلال البيع وتحريم الرّبا . ولم يكن مسوقاً بالأصل لإفادة هذا المعنى : الأية نفسها...
قراءة المزيد