على دربهم أسير ... علي بن أبي طالب

 




( 2)

هنتكلم النهاردة إن شاء الله عن قصة عارفينها كلنا لكن عايزين نبص عليها من منظور تاني
عايزين نطلع منها دروس نستفيد منها في حياتنا ومتبقاش مجرد قصة سمعناها وحفظناها وخلاص

عارفين مين أول واحد اسلم من الصبيان ؟
كلنا حافظينه من واحنا في حضانة طبعا
علي بن ابي طالب رضي الله عنه

طيب عارفين كان عنده كام سنة ؟
10 سنين

أيوه متستغربوش
10 سنين فقط

يعني بمقاييس الأيام دي كان يبقى حوالي سنة خامس ابتدائي
مقالش أنا إيه اللي هيخليني أشغل نفسي بحاجات الكبار
وأنا مالي دين جديد أشغل نفسي بيه ليه وانا لسه صغير ؟
لكن بمجرد أنه عرف الحق وتبين له الباطل الذي يعيش عليه مجتمعه شهد شهادة الحق ولم يقل كيف أخالف أهلي وقومي وعشيرتي وهو عارف إن ممكن يلاقي اذى كبير منهم



وشوفوا في السن الصغير ده مكنش همه اللعب واللهو والضياع لكن رأى في نفسه إنه جدير كل الجدارة أن يكون فخراً لكل شباب الإسلام في كل زمان ومكان بأن يكون أول من دخل في دين الإسلام وهو غلام لا يتجاوز عمره العشر سنين .

عارفين لإن همته عالية من صغره ما كبر عمل إيه ؟

نام في فراش النبي صلى الله عليه وسلم وهو عارف إن المشركين عايزين يقتلوا النبي صلى الله عليه وسلم



وفي غزوة الخندق ضرب مثال عظيم في الشجاعة «خرج عمرو بن عبد ود وهو مقنع بالحديد، فنادى:من يبارز ؟ فقام علي بن أبي طالب فقال : أنالها يا نبي الله، فقال : إنه عمرو، اجلس. ثم نادى عمرو :ألا رجل يبرز ؟ فجعل يؤنبهم ويقول : أين جنتكم التي تزعمون أنه من قتل منكم دخلها، أفلا تبرزون إلي رجلاً ؟! فقام (علي) فقال : أنا يا رسول الله , فقال : اجلس , ثم نادى الثالثة، فقام علي رضي الله عنه، فقال : يا رسول الله أنا , فقال : إنه عمرو فقال : وإن كان عمرًا , فأذن له رسول الله صلى الله عليه وسلم، فمشى إليه، فقال له : يا عمرو، إنك كنت تقول : لا يدعوني أحد إلى واحدة من ثلاث إلا قبلتها , قال له : أجل , فقال له : إني أدعوك أن تشهد أن لا إله إلا الله وأن محمدًا رسول الله، وتسلم لرب العالمين، فقال عمرو :يا ابن أخي، أخر عني هذه، قال علي : وأخرى : ترجع إلى بلادك، فإن يك محمد رسول الله صادقًا كنت أسعد الناس به، وإن يك كاذبًا كان الذي تريد , فقال عمرو : هذا ما لا تتحدث به نساء قريش أبدًا , كيف وقد قدرت على استيفاء ما نذرت ؟! ثم قال عمرو : فالثالثة، ما هي؟ فقال : البراز. فضحك فارس قريش عمرو - وكان فارسًا- مشهورًا معمرًا قد جاوز الثمانين - ثم قال لعلي : إن هذه الخصلة ما كنت أظن أحدًا من العرب يروعني بها , ثم قال لعلي : من أنت ؟ قال له : أنا علي , قال : ابن عبد مناف ؟ فقال علي : أنا علي بن أبي طالب , فقال عمرو : يا ابن أخي من أعمامك من هو أسن منك؛ فوالله ما أحب أن أقتلك , فقال علي : ولكني والله أحب أن أقتلك , فعند ذلك غضب عمرو غضبًا شديدًا، ونزل فسل سيفه، كأنه شعلة نار، ثم أقبل نحو علي مغضبًا، واستقبله علي بدرقته فضربه عمرو في درقته فقدها، وأثبت السيف فيها، وأصاب رأسه فشجه، وضربه علي على حبل عاتقه فسقط، وثار العجاج، وسمع رسول الله صلى الله عليه وسلم التكبير، فعرف الناس أن عليًّا قد قتل عمرًا .


* وفي فتح خيبر كان له هنا الموقف مع فارس فرسان اليهود (مرحب) » .
ففي حديث سلمة بن الأكوع عند مسلم: «ثم أرسلني رسول الله صلى الله عليه وسلم إلى علي وهو أرمد، فقال : لأعطين الراية رجلا ً يحب الله ورسوله، أو يحبه الله ورسوله. قال: فأتيت عليا فجئت به أقوده وهو أرمد، حتى أتيت به رسول الله صلى الله عليه وسلم، فبصق في عينيه فبرأ، وأعطاه الراية، وخرج «مرحب» فقال :
قد علمت خيبر أني مرحبُ

شاكي السلاح بطلٌ مجربُ
إذا الحروب أقبلت تلهبُ
فقال علي :
أنا الذي سمتني أمي حيدره
كليث غاباتٍ كريه المنظرهُ
أوفيهم الصاع كيلَ السندره
قال : فضرب رأس «مرحب» فقتله، وكان الفتح على يديه» .


شوفي بقى اللي في السن ده دلوقتي بيفكروا في إيه واهتماماتهم إيه
هل عندهم القدرة ورجاحة العقل إنهم يفكروا كده ويختاروا اختيار مصيري بالشكل ده
ويخالفوا اللي اتولدوا ووجدوا أهلهم كلهم بيعملوه ؟

طيب هل عندهم القدرة أو هل من اهتماماتهم إنهم يقدروا يميزوا بين الحق والباطل ؟
ويعملوا الحق حتى لو كان المجتمع مش متعود عليه ؟



ناخد امثلة :
مثلا في مجتمعنا عادي جدا السلام بين الرجال والنساء والولاد والبنات
تقولي لواحدة حرام تسلمي على راجل لأن الرسول صلى الله عليه وسلم يقول : (لأن يطعن في رأس أحدكم بمخيط من حديد خير له من أن يمس امرأة لا تحل له )
تقول أصلي هأكسفه
أو مش حرام ما كل الناس بتعملها
نقولها ده الرسول صلى الله عليه وسلم اللي بيقول تقول بس أهلي والناس كلهم بيعملوا كده
أو تقول أنا لسه صغيره لما أبقى اكبر





ليه همتك مش عالية
ليه مش حريصة إنك تبقي عارفة إيه اللي يرضي ربنا وتنفذيه فورا حتى لو كل الناس بتعمل عكسه مادام متاكده إن ده اللي يرضي ربنا ؟






الواجب:
س1 : ماهي الدروس المستفادة من درس اليوم ؟ مع ذكر مثال من الواقع غير السلام بين الرجال والنساء على حاجة الناس منتشرة بين الناس وهي غلط ولازم ناخد بالنا منها حتى لو كتير من الناس بتعملها

واحلى اجبات هأحطها في الدرس القادم ان شاء الله الكل يستفيد منها وتحتها اسم اللي كتبتها طبعا
مستنية ابداعاتكم