عذرا للأعذار
*ليه مقصرة في الصلاة وخصوصا صلاة الفجر ؟
-محدش عارف ولا حاسس الولاد بيعملوا فيا ايه طول النهار ومش بلاقي وقت اصلي الا بالعافية
والفجر ببقى لسه نايمة من شوية ومش بعرف اصحى
وغيرها يقول
- طول النهار بره في المدرسة والدروس او الجامعة او الشغل ومش لاقية وقت ولا مكان أصلي فيه
*ليه البيت مش نظيف بالشكل ده ؟
-محدش حاسس ولا مقدر تعبي ولا ضيق الوقت
*بس انت كنت نايمة من شوية
وقبلها كنت ماسكة موبايلك ومن قبلها الكمبيوتر يعني عندك وقت
- هو حرام الواحد يرفه عن نفسه شوية ؟!
*مالك قاعدة كده وحالك واقف لا بيت متابعاه ولا اولاد شايفاهم ولا زوج مهتمية بيه ؟!
- أصلي كنت متضايقة ومخنوقه ومليش نفس أقوم من مكاني
*ليه توقفتي عن حفظ القران؟
- نفسي وزعلانة بس مفيش وقت خالص عندي خالص ومش عارفة أعمل إيه ؟!
*زوجها يقول أنا مش قولت تعملي كذا ديشيليون مرة من ساعة ما اتجوزنا ؟
-وماله جل من لا يسهو
*انت غلطانه ازاي تقولي كده لزوجك ؟!
- هو السبب انا موقفي رد فعل بس
* طيب ماهو رد فعل غلط ومينفعش وتجاوزتي الحدود ولازم تعترفي انك غلطتي زي ماهو غلط
- مادام هو اللي بدأ خلاص انا مش هاعتذر ولا أغير موقفي وانا مش غلطانه
*ليه رجعتي لورا بعد ما كنتي ملتزمة وقريبة من ربنا
- أصل معنديش حد يعيني والعيلة والمجتمع ضدي
*أنا زعلانه منك عرفتي اني تعبانه وماتصلتيش بيا حتى تطمني عليا ولا تسالي لو مسألتش
- معلش الدنيا مشاغل
وهكذا عايشين حياتنا كلها أعذار في أعذار علشان نبرر تقصيرنا ومنحسش بالذنب على أخطاءنا
مش لاقيين وقت للصلاة ولا للعبادة
مفيش وقت نشوف فيه مسئولياتنا ونؤدي واجباتنا
لكن فيه وقت نتفرج على المسلسلات ونقعد بالساعات على الواتس آب والفيس بوك والانستغرام وغيرها من وسائل التواصل والتكنولوجيا
ذاكرتنا بتتمسح عند الطلبات المهمة
وننسى الزوج أو الأب طلب مننا ايه
لكن عمرنا ما هننسى فلانة قالتلي اعمل ايه على الوتس
ولا فلانة قالتلي ايه على الفيس
ماهو لو في بالك فعلا ترضيه ومهتمة بيه كنت افتكرتي هو طلب ايه
آسيا كانت زوجة فرعون ومع ذلك ثبتت
وابن نوح عليه السلام كان أبوه نبي ومع ذلك كان كافر فمتتحججيش ان محدش بيعينك
الموضوع نابع من جواكي
غيرك كتير عندهم نفس ظروفك ونفس وقتك وقدروا يعملوا كل اللي بتبرري تقصيرك فيه
لو بتنسي هتكتبي في ورقة
لو وقتك ضيق فعلا هتتنازلي او تقللي من الحاجة اللي بتضيع الوقت وتركزي على الأولويات
لو يومك ملخبط هتعملي جدول او تنظمي وقتك
دمرنا حياتنا وقصرنا في واجباتنا واخطأنا كتير في حق نفسنا وحق اللي حوالينا بسبب أعذار واهية مش حقيقية بنسكت بيها ضميرنا
لكن الحقيقة اللي بنغفل عنها ان اللي عايز يعمل حاجة هيعملها بالاستعانة بالله والاعتراف بالتقصير وترك المبررات وتحديد الاولويات وتنظيم الاوقات
*ليه مقصرة في الصلاة وخصوصا صلاة الفجر ؟
-محدش عارف ولا حاسس الولاد بيعملوا فيا ايه طول النهار ومش بلاقي وقت اصلي الا بالعافية
والفجر ببقى لسه نايمة من شوية ومش بعرف اصحى
وغيرها يقول
- طول النهار بره في المدرسة والدروس او الجامعة او الشغل ومش لاقية وقت ولا مكان أصلي فيه
*ليه البيت مش نظيف بالشكل ده ؟
-محدش حاسس ولا مقدر تعبي ولا ضيق الوقت
*بس انت كنت نايمة من شوية
وقبلها كنت ماسكة موبايلك ومن قبلها الكمبيوتر يعني عندك وقت
- هو حرام الواحد يرفه عن نفسه شوية ؟!
*مالك قاعدة كده وحالك واقف لا بيت متابعاه ولا اولاد شايفاهم ولا زوج مهتمية بيه ؟!
- أصلي كنت متضايقة ومخنوقه ومليش نفس أقوم من مكاني
*ليه توقفتي عن حفظ القران؟
- نفسي وزعلانة بس مفيش وقت خالص عندي خالص ومش عارفة أعمل إيه ؟!
*زوجها يقول أنا مش قولت تعملي كذا ديشيليون مرة من ساعة ما اتجوزنا ؟
-وماله جل من لا يسهو
*انت غلطانه ازاي تقولي كده لزوجك ؟!
- هو السبب انا موقفي رد فعل بس
* طيب ماهو رد فعل غلط ومينفعش وتجاوزتي الحدود ولازم تعترفي انك غلطتي زي ماهو غلط
- مادام هو اللي بدأ خلاص انا مش هاعتذر ولا أغير موقفي وانا مش غلطانه
*ليه رجعتي لورا بعد ما كنتي ملتزمة وقريبة من ربنا
- أصل معنديش حد يعيني والعيلة والمجتمع ضدي
*أنا زعلانه منك عرفتي اني تعبانه وماتصلتيش بيا حتى تطمني عليا ولا تسالي لو مسألتش
- معلش الدنيا مشاغل
وهكذا عايشين حياتنا كلها أعذار في أعذار علشان نبرر تقصيرنا ومنحسش بالذنب على أخطاءنا
مش لاقيين وقت للصلاة ولا للعبادة
مفيش وقت نشوف فيه مسئولياتنا ونؤدي واجباتنا
لكن فيه وقت نتفرج على المسلسلات ونقعد بالساعات على الواتس آب والفيس بوك والانستغرام وغيرها من وسائل التواصل والتكنولوجيا
ذاكرتنا بتتمسح عند الطلبات المهمة
وننسى الزوج أو الأب طلب مننا ايه
لكن عمرنا ما هننسى فلانة قالتلي اعمل ايه على الوتس
ولا فلانة قالتلي ايه على الفيس
ماهو لو في بالك فعلا ترضيه ومهتمة بيه كنت افتكرتي هو طلب ايه
آسيا كانت زوجة فرعون ومع ذلك ثبتت
وابن نوح عليه السلام كان أبوه نبي ومع ذلك كان كافر فمتتحججيش ان محدش بيعينك
الموضوع نابع من جواكي
غيرك كتير عندهم نفس ظروفك ونفس وقتك وقدروا يعملوا كل اللي بتبرري تقصيرك فيه
لو بتنسي هتكتبي في ورقة
لو وقتك ضيق فعلا هتتنازلي او تقللي من الحاجة اللي بتضيع الوقت وتركزي على الأولويات
لو يومك ملخبط هتعملي جدول او تنظمي وقتك
دمرنا حياتنا وقصرنا في واجباتنا واخطأنا كتير في حق نفسنا وحق اللي حوالينا بسبب أعذار واهية مش حقيقية بنسكت بيها ضميرنا
لكن الحقيقة اللي بنغفل عنها ان اللي عايز يعمل حاجة هيعملها بالاستعانة بالله والاعتراف بالتقصير وترك المبررات وتحديد الاولويات وتنظيم الاوقات
تعليقات
إرسال تعليق