♥ اختاري أن تكوني إما ملكة أو ............. ♥
أمي واختي وابنتي
اسمحولي أتكلم معاكم كلمتين من القلب وأتمنى أن يتسع صدركم لكلامي حتى لو كان شديد لأن الأمر مش هين ولا بسيط
يقول الله تعالى : "وتحسبونه هينا وهو عند الله عظيم "
وكلامي نابع من حرصي عليكم لأني أحبكم في الله وأخاف عليكم من عقاب الله
واعذروني لو الموضوع طويل لكن مش هأقدر أختصر منه أكتر من كده
وأتمنى تقرؤه للآخر لو مش علشانكم يبقى علشان تنصحوا أخواتكم أو بناتكم أو صديقاتكم أو أهلكم وتكسبوا فيهم ثواب
سمعنا كتير للأسف الفترة اللي فاتت عن إن فيه بنات ونساء كثيرة خلعت النقاب
مع إن القلب بيحزن والعين بتدمع لما نلاقي حد ربنا أكرمه بدرجة معينة من الطاعة ويرجع فيها
ومش هندخل في خلاف هل النقاب فرض ولا فضل لأن باختصار عبارة واحدة بتلخص كل حكاية النقاب
إن كان فرضا فقد ارتديته وإن كان فضلا فلا غنى لي عن فضله
وأهو ده أمر ممكن نتغاضى عنه لأن المسألة خلافية
لكن المصيبة الكبيرة إن كتير دلوقتي بيخلعوا الحجاب وليس النقاب سواء كبار أو صغار
لا والأدهى من كده بنلاقي ناس في بلاد المسلمين اللي اتولدوا وعاشوا
بين المسلمين وسط المآذن والمساجد لسه بيجادلوا أو بيسألوا هو الحجاب فرض ولا لأه ؟
بنلاقي حفيدات أمهات المؤمنين
بيقولوا فلانة عاملة بحث بتثبت فيه إن الحجاب مش فرض وفلان بيقول إنه أخد رسالة الماجستير من الأزهر إن الحجاب مش فرض
ويطلع الأزهر ينفي ويكذب لكن مش مهم التكذيب المهم إنها لاقت شماعة تتعلق بيها علشان متلبسش الحجاب أو تخلعة
للدرجة دي بقينا بعاد عن ديننا ؟
للدرجة دي بقت أوامر الله صعبة على نفوسنا وبنحاول نلاقي مخرج علشان منلتزمش بيها ؟
للدرجة دي بقينا مسلمين بالبطاقة وفقط ؟
مفيش كلام يعبر عن الحال اللي وصل ليه بعض المسلمين
ممكن تقابلي صديقتك وتلاقيها غيرت في لبسها أو غيرت في كلامها وتسأليها عن السبب تقولك اصل فلان قالي مش عاجبه لبسي
وفلان ( اللي كلامها معاه أصلا حرام في حرام ) لا هو أبوها ولا أخوها ولا زوجها ولا حتى اي حد من محارمها
ولو حد فيهم قالها تعمل كده الدنيا تتقلب
عارفين ليه ؟
لأن المحب لمن يحب مطيع
لو حبيتي ربك
لو حبيتي رسولك صلى الله عليه وسلم
كنتي قولتي سمعنا وأطعنا ونفذتي من غير جدال
لكن قلبك مشغول بحب الدنيا وما فيها ومتاعها وفقط ومفيش فيه مكان لغيرها
عارفين رد فعل الصحابيات لما سمعوا بنزول آية الحجاب؟
شققن مروطهن فاختمرن بها
دول ما انتظروش يخرجوا ويشتروا حاجة يتحجبوا بيها علشان ينفذوا أمر الحجاب
دول قطعوا من هدومهم اللي في البيت علشان مش ممكن يخرجوا من بيوتهم من غير حجاب بعد ما ربنا أمرهم بيه
قال أم المؤمنين عائشة رضي الله عنها ( يرحم الله نساء المهاجرات
الأول لما أنزل الله {وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ}
شققن مروطهن فاختمرن بها )
يااااااااااااااااااااااااااااااااااه
تعالي يا أم المؤمنين شوفي حفيداتك بيعملوا إيه دلوقتي
صعبان عليكي تداري جسمك عن عيون الذئاب؟
صعبان عليكي تحمي نفسك من شياطين الإنس؟
هان عليكي نفسك تعرضيها للناس
ده لو ماشية في الشارع ولقيتي محل عارض حلويات من غير ما يغطيها وجنبه واحد مغطيها مش هترضي تشتري من المكشوفة
بقى الحلويات أهم عندك من نفسك ؟
للدرجة دي نفسك لا تساوي عندك حتى قطعة حلوى ولا رغيف عيش ؟
لو تعرفي نظرة الناس ليكي وإنتي ماشية !
لو تعرفي تعليقاتهم عليكي وانتي ماشية !
لو تعرفي الشباب والرجال بيقولوا عليكي ايه !
هتبكي على حالك واللي وصلتي ليه وازي خليتي نفسك صغيرة في عيون الناس
بتعملي كده علشان العريس؟
لو تعرفي إنك أصبحتي في نظره شيء للمتعة والتسلية ومش ممكن تكوني زوجة مؤتمنة على بيت لأنك مش أمينة على نفسك
ممكن يتسلى أه لكن زوجة لا
وحتى لو لقيتي واحد عاجبه ده فده إنتي اللي لازم مترضيش بيه وميلزمكيش
لأن اللي مش هيغير على أهل بيته ويصونهم ويرضى عليهم إنهم يخرجوا كده
ويبقى شايف عيون الناس بتنهش فيهم وساكت ومبسوط يبقى مش أمين عليهم
وميستاهلكيش
انتي تستاهلي واحد يصونك ويحافظ عليكي
بتعملي كده علشان مبسوطة بجمالك وشعرك؟
من أعطاكي هذا الجمال قادر يصيبك بمرض أو يبتليكي بحريق يذهب عنك كل ده
وساعتها هتلبسي الحجاب غصب عنك
بتعملي كده علشان صديقاتك بيسخروا منك وبيزعجوكي بكلامهم ؟
اللي تركتي لبس الحجاب أو خلعتيه علشانهم يوم القيامة هيكونوا أول ناس هيتبروا منك ومش هينفعوكي
بتعملي كده علشان لسه صغيرة
مسمعتيش عن فلانة اللي ماتت وعندها سنتين وفلانة اللي ماتت وعندها 8 سنين ؟
طيب مشوفتيش فلانة اللي ماتت وعندها 16 سنة ؟
هاتي حاجة تثبت إنك هتعيشي لغاية يوم كذا وهتموتي وانتي عندك كام سنة وإن قدامك فرصة تلبسي الحجاب بعدين
تعرفى الرسول صلى الله عليه وسلم وصف المتبرجة بإيه ؟
تعرفي حكم رسول الله صلى الله عليه وسلم فيكى إيه ؟
بصوا الكلام ده بالذات ، مش كلامى لكن ده حكم رسول الله صلى الله عليه وسلم فى المتبرجة إيه ؟!!! و إنتى قيسى على نفسك
عايزة تعرفي قال إيه ؟
الرسول صلى الله عليه وسلم يصف المتبرجة بأوصاف كل واحد فيها اصعب من التاني :
1. بأنها من أهل النار ، و أنها لا تقرب الجنة بل لا تجد ريحها
2. بأنها ملعونة مطرودة من رحمة الله
3. بأنها زانية ولايقبل منها صلاة
4. بأنها منافقة و أنها من شر هذه الأمة
5. بأنها من صاحبات الكبائر التى تعادل الزنا والسرقة و القتل
6. بأنها من جنود الشيطان
مش مصدقاني ؟
شوفي أحاديث رسول الله صلى الله عليه وسلم
قال
رسول الله صلى الله عليه و سلم "صنفان من أهل النار لم أرهما ، قوم معهم
سياط كأذناب البقر يضربون بها الناس،ونساء كاسيات عاريات مميلات مائلات ،
رؤوسهن كأسنمة البخت المائلة ، لا يدخلن الجنة ولا يجدن ريحها ، وإن ريحها
لتوجد من مسيرة كذا وكذا" رواه مسلم
قال رسول الله صلى الله عليه
وسلم "يكون في آخر أمتي رجال يركبون على سروج كأشباه الرحال ، ينزلون على
أبواب المساجد ، نساؤهم كاسيات عاريات ، على رؤوسهن كأسنمة البخت العجاف
، العنوهن فإنهن ملعونات" حسن
الرسول صلى الله عليه وسلم بيتنبأ
بالسيارات اللى بيركبها الرجال "ينزلون على أبواب المساجد" تلاقى العربيات
واقفة على باب المساجد ، والراجل نازل يصلى فى المسجد و بنته ومراته فى
البيت شكلهم إيه ! "نساؤهم كاسيات عاريات ، على رؤوسهن كأسنمة البخت العجاف
، العنوهن فإنهن ملعونات"
وقال رسول الله صلى الله عليه وسلم :"أيما امرأة استعطرت ، فمرت على قوم ليجدوا ريحها فهي زانية ، وكل عين زانية" صححه الألبانى
و
قال رسول الله صلى الله عليه وسلم "لا يقبل الله من امرأة صلاة خرجت إلى
المسجد وريحها تعصف حتى ترجع فتغتسل" ..."وريحها تعصف" يعنى البرفان بتاعها
، برفان عاصف ، برفان صارخ
وقال رسول الله صلى الله عليه وسلم :
"شر نسائكم المتبرجات المتخيلات ، و هن المنافقات لا يدخل الجنة منهن إلا
مثل الغراب الأعصم" صحيح
أخدتي بالك من كلام الرسول صلى الله عليه وسلم؟
العنوهن فإنهن ملعونات !
ترضى تكونى ملعونة ...ترضى تطردى من رحمة ربنا ؟
الرسول
صلى الله عليه وسلم حط المتبرجة مع الظلمة اللى بيضربوا الناس
بالكرابيج ، ليه ؟ لأن الأتنين إجرام ، والإتنين هدم فى الأمة
ما هما زمان لما حاربوا الأمة بالمدافع والقنابل رجعوا قالوا : الناس دى مينفعش معاها الكلام ده ، فنعمل معاهم إيه؟
بسيطة أول مرة نكشفلها وش فلانة الفلانية فى ثورة سنة كذا ، و بعد كدة
كشف الوش يبقى عادى ! بعد كدة ننزلها مجلات الأزياء تبقى أزياء طويلة و
بعد كدة تفضل تقصر تقصر تقصر ! و بعد كدة تبدأ تظهر مجلات فاضحة هذا
فستان يكشف مفاتن الظهر ، و هذا فستان يكشف مفاتن مش عارف إيه !
قال
أحد قادة الماسون: (كأس وغانية يفعلان بالأمة المحمدية ما لا يفعله ألف
مدفع ودبابة فأغرقوها، أي أمة محمد أغرقوها في حب المادة والشهوات)
ترضى إنك تبقى قنبلة تنفجر فى كبد الدين ؟!! ترضى إنك تبقى سكينة يطعن بيها قلب الدين ؟!
أديكى رضيتى ! و أديكى وافقتى ! وأديكى نفذتي كمان !
لما
أميمة بنت رقيقة جت تبايع النبى صلى الله عليه وسلم بايعها على إيه ؟ قال
لها :"أبايعك على أن لا تشركي بالله شيئا "مافيش كفر "ولا تسرقي ، ولا تزني
، ولا تقتلي ولدك ، ولا تأتي ببهتان تفترينه بين يديك ورجليك ، ولا تنوحي"
اسمع و إسمعى يا أختى "ولا تتبرجي تبرج الجاهلية الأولى" حسن
مافيش تبرج يعنى عشان بس نحط إيديك فى إيد الإسلام كدة تبقى على عهد مع دين ربنا مافيش تبرج ده رقم واحد فى الدين
و حط عدم التبرج مع عدم السرقة و عدم الزنا وعدم القتل ...كل ده كبائر
إنتوا عارفين التبرج ده كام عداد شغال فيه ؟!!!
إنتى عارفة كام عداد سيئات شغال و إنتى ماشية ؟!!!
عداد النظر الحرام ليكى آدى واحد !
عداد المكياج آدى اتنين !
عداد البرفان ثلاثة !
عداد النمص أربعة ! : قال رسول الله صلى الله عليه وسلم "لعن الله النامصة و المتنمصة" صحيح
عداد إفساد الشباب ، و إفساد البنات الصغيرين آدى خمسة ،
خمس عدادات على الأقل شغالة سيئات وإنتى ماشية !!!
طيب هتقولي كده أنا تمام أنا محجبة والحمد لله وبلبس الطرحة
انتي بتضحكي على نفس ولا بتضحكي على ربنا ؟
هو الحجاب مجرد طرحة بتداري بيها شعرك وياريت حتى مدارياه كله وبعدين
ألبس بنطلون ضيق الواحد أصلا بيوقف يستعجب لبستيه ازاي وبلوزة قصيرة
وماسكة ومبينة كل تفاصيل الجسم ؟
عايزة تعرفي يعني ايه حجاب؟
تابعي المشاركة الجاية
مستنية إيه بعد كل اللي قرأتيه ؟
مستنية عقوبة ربنا فى الدنيا ، و الا مستنية عقوبة ربنا فى النار ، والا مستنية عذاب القبر ؟! و الا مستنية أهوال القيامة ؟!
محدش ضامن عمره لحظة
بدري بلبس الحجاب الشرعي واعرفيه بالتفصيل من هنا
حجابك طريقك الي الجنه.. تعالــــــــي معانا صححي حجابــــــــــك
تعليقات
إرسال تعليق