حكاية من حياتنا ( الحلقة السابعة )
دقت الساعة السادسة صباحا وأصبح البيت شعلة نشاط
يعني مش اوي
شلبية دخلت غرفة البنات : يالا ياريم انتي وهند اصحوا للمدرسة
وبعدين الدور على خالد : اصحى يا خالد
ودخلت تجهز الفطار وكالعادة كله لسه نايم في السرير وبعد صولات وجولات تمت المهمة بنجاح وكل واحد راح لمدرسته
*************
ريم دخلت الفصل وكانت سعيدة لأن النهاردة عليها حصة الدين وهتشوف معلمتها حنان اللي بتحبها جدا
لكن لسه كام حصة على ما تشوفهامس حنان : السلام عليكم ورحمة الله وبركاته
الفصل : وعليكم السلام ورحمة الله وبركاته
مس حنان : ازيكم يا حلوات عقلتم ولا لسه مجانين
نورا : وده سؤال يا مس احنا حالة مستعصية
ممكن مثلا تسمعي ان اليهود خرجوا من فلسطين ولا ابو الهول نطق لكن احنا مش ممكن نعقل
مس حنان : في دي عندك حق
ريم : حضرتك وعدتينا يا مس إنك تكلمينا في حاجة مهمة النهاردة لكل بنت
مس حنان : برافو يار يم لسه فاكرة ، تتوقعوا ممكن نتكلم في ايه ؟
منار : بتهم البنات بتهم البنات
يبقى الريجيمماهي كل البنات يا بتعمل ريجيم يا بتفكر تعمل ريجيم يا نمفسها تعمل ريجيم
مس حنان : لا يا لمضة ما انتي رفيعة اهو كمان عايزة تعملي ريجيم ؟
منار : لا أنا عايزة حد بيعمل ريجيم متنازل عن كام كيلو كده يجبيهوملي ألزقهم على جسمي
مس حنان : فكروا في حاجة كده ليها علاقة بكل البنات وبتجيلهم مرة في الشهر وبسببها بيتركوا الصيام و الصلاة
ليلى : ان أن أن ليه بس الإحراج ده يا مس
معانا بنات برضه بتتكسف من الحاجات دي
مس حنان : ماهو ده حاجة من الدين ولازم كلنا نعرف أحكامها وفي كتير بتيكسف يسأل والدته عنها وبيفوته احكام كتير وعلشان كده هنتكلم عنها النهاردة
وبدات تكتب على السبورة
أولاً: تعريف الحيض:
الحيض : دم جبلة يخرج من أقصى رحم المرأة بعد بلوغها على سبيل الصحة -أي من
غير مرض- في أوقات مخصوصة.
ريم: يعني ايه جبلة ؟
مس حنان : يعني طبيعي من خلقة النساء
نرجع نكمل كلامنا
ثانياً: شروط الحيض:
لا يعد الدم الخارج حيضا، إلا إن كان من رحم المرأة بغير سبب الولادة
والمرض، ولا بد أن يتقدمه نصاب الطهر ولو حكما، ونصاب الطهر خمسة عشر يوما
على الصحيح.
مس حنان : يعني ايه الكلام ده ؟
ريم: أنا يا مس
مس حنان : اتفضلي يا ريم
ريم: يعني مش اي دم بنعتبره حيض ممكن يكون بسبب مرض او بسبب ولاده
ولازم يكون قبله مده من الطهارة متقلش عن 15 يوم
يعني لو الطهارة اقل من 15 يوم ونزل دم يبقى ده مش حيض
مس حنان : برافو يا ريم الله يفتح عليكي
ثالثاً: ألوان دم الحيض:
ألوان دم الحيض هي: السواد والحمرة والصفرة والخضرة والكدرة والتربية،
فالصفرة كالصديد، والكدرة كالماء الكدر، والتربية نوع من الكدرة على لون
التراب، والصفرة والكدرة لا يعدان حيضا إلا إن كانا بعد نزول دم الحيض، فإن
نزلا في زمن الطهر فلا يعتد بهما.
مريم: مش فاهمة يا مس جزئية الصفرة والكدرة دي
مس حنان : نقدر نقول ان الصفرة والكدرة يعني الإفرازات البنية والصفراء دي لو كانت في فترة الحيض بنعتبرها عادي من الدورة
يعني الدم أثناء الحيض بيتدرج من السواد لغاية ما يبقى افرازات صفرا كل ده بعتبره حيض وأول ما خلاص اطهر يبقى مهما شفت من افرازات مش هأعتبرها حيض وانما افرازات عادية
رابعاً: أقل زمن الحيض وأكثره:
أقل زمن الحيض يوم وليلة، وغالب زمن الحيض ستة أيام أو سبعة، وأكثر زمن
الحيض خمسة عشر يوما بلياليهن.
مس حنان : اظن دي سهلة
خامسا: الحكم الشرعي:
وبناء على ذلك فإن نزول الدم من فرج المرأة في زمن الحيض بالقدر المعهود في
نزوله في أول أيام الحيض فإنه يكون دم حيض، أياً كان لونه: أحمر، أو أسود،
أو بنيا، أو يميل إلى الاصفرار، فكل هذه الألوان هي ألوان لدم الحيض، وعلى
المرأة التوقف عما يحرم على الحائض فعله من صلاة، أو صيام، أو غير
ذلك
مس حنان : يعني أول ما يجي الحيض يبقى حرام إن المرأة تصلي وتصوم
منال: بس أنا بتكسف من بابا واخواتي وبصلي وبصوم عادي
مس حنان : مينفعش يا حبيبتي كده حرام وتاخدي اثم
انتي مش بتصلي ولا بتصومي
منال : طيب وهل أقضيهم تاني بعد ما أطهر؟
مس حنان : مش هتقضي الصلاة وده من رحمة ربنا بينا لأانها صعبة علينا
لكن لازم نقضي الصيام بعد ما يخلص رمضان
مريم:
ايه ده المفروض نقضي الصيام؟اول مرة اعرف وكده فات عليا رمضانات كتير أعمل ايه وكمان مش هأقدر اعرف عددهم
مس حنان: لازم تقضي كل اللي عليكي ـ ول مش عرافة عددهم تصومي بالتقريب
يعني تقولي مثلا انا بتجيلي كذا يوم في الشهر وأضربهم في عدد السنين اللي فاتتك وصوميهم
وأغلب العلماء قالوا مادام اخرتي القضاء لغاية ما جه رمضان اللي بعده لازم تطعمي عن كل يوم مسكين
لكن أبو حنيفة قال يكفي القضاء والتوبة
نكمل الدرس
وكل ما ينزل على المرأة في فترة الحيض أيا كان لونه من إفرازات هي من
دم الحيض كذلك، ولا تطهر المرأة من الحيض إلا بالنقاء التام، وتعرف ذلك
بانتهاء عادتها لمن لها عادة كما يختبر ذلك بالقصة البيضاء، بإدخال قطعة من
القماش في الفرج فإن خرجت بلا إثر كان النقاء، فتغتسل وتفعل ما كان محرما
عليها
مس حنان : يعني علامة الطهر من الحيض هتكون بحاجة من اتنين
اما الجفاف أو النقاء التام
أو حاجة اسمها القصة البيضاء ودي افرازات بيضاء ليها مواصفات معينة لو شافتها بتبقى طهرت
وعلى كل حال فلا يزيد الحيض عن خمسة عشر يوما لمن لا تستطيع أن تميز
انتهاء دم الحيض، فإن زاد على ذلك اغتسلت واعتبرت ما زاد عن هذه المدة
استحاضة، ويحل للمستحاضة ما كان محرما عليها أثناء الحيض، من صلاة وصيام
مس حنان : وهيبقى حاجة مهمة كمان لازم ناخد بالنا منها
مادام البنت حاضت يبقى بلغت ومكلفة وهتتحاسب على كل حاجة بتعملها
نور: طيب يا مس أول ما نطهر نصلي على طول؟
مس حنان : لا يا جميل لازم نغتسل الأول
نور: وهل في طريقة معينة ؟
مس حنان : في صفتين للغسل واحد كامل وواحد مجزئ ، يعني مش الصفة الكاملة لكن تمشي الحال
الوجه الأول ( المجزئ) : صفة واجبة ، وهي أن يعم بدنه كله بالماء ، ومن ذلك المضمضة والاستنشاق
يعني تاخدي دش وخلاص المهم المية توصل لجسمك كله وكمان متنسيش المضمضة والاستنشاق
الوجه الثاني : صفة كاملة ، وهي أن نغتسل كما اغتسل النبي صلى الله عليه وسلم
تغسل كفك وبعدين تنظفي مكان الحيض ،وبعدين تتوضي وضوء كاملا ، وبعدين تغسلي رأسك بالماء ثلاث مرات ، وبعدين جسمك كله .
وادرك مس حنان جرس الحصة فسكتت عن الكلام المباح
تعليقات
إرسال تعليق