مسلسل في كل بيت حكاية ... الحلقة العاشرة

 الحلقة العاشرة :

أم محمد دخلت البلكونة تلم الغسيل


وطبعا بملابسها الرسمية بالحجاب الكامل يعني
ماهو البلكونة جزء من الشارع مش جزء من البيت

وإذا بها تنزل عليها صاعقة من السماء



عااااااااااااااااااااااااااااااااااااااااااااااااا ااااااا
الغسيل بقى لونه اسود الجيران اللي فوق كنسوا البلكونة ورموا التراب عليه ومش كده بس دول مسحوها ورموا المية فوق الغسيل



أم محمد : إنا لله وإنا إليه راجعون ، منك لله يا شهيرة
حسبي الله ونعم الوكيل فيكي
والله ما أنا سكتالك مشفتش غير الأذى منك من ساعة ما عرفتك ، والصبر ليه حدود

وجري على باب الشقة تطلع تكلمها وخلاص الدخان هيطلع من مناخيرها

لكن وهي طالعة على السلم لقت يوسف وجيهان قاعدين على السلم

أم محمد متفاجأة : مالك يا حبايبي قاعدين هنا ليه ؟
هي شهيرة مش في البيت ولا ايه ؟

يوسف: في البيت يا طنط

أم محمد : وقاعدين هنا ليه ؟

جيهان : علشان مش بترضى تدخلنا البيت لغاية قبل ما بابا يجي من الشغل على طول

أم محمد : المفترية ، حسبنا الله ونعم الوكيل فيها ، الله يرحم أمكم كان مفيش زيها
تعالو معايا أنا رايحة ليها


يوسف وجيهان اتفزعوا وبان على عنيهم الرعب


يوسف : لا يا طنط أرجوكي لو عرفت اننا قلنا لحد هتضربنا
علشان خاطري



أم محمد : خلاص يا حبايبي متخافوش ، خليكم هنا وأنا راجعالكم

راحت ضربت الجرس وطلعتلها الست شريرة قصدي شهيرة

شهيرة بقرف : أهلا يا ام محمد ، اتفضلي

أم محمد : ملوش لزوم ، ممكن أعرف إنتي بتعملي كده ليه ؟

شهيرة : يا قاعدين يكفيكم شر الجايين
عملت ايه يعني ؟

أم محمد : هيخس عليكي ايه قبل ما ترمي حاجة من البلكونة تبصي وتشوفي حد ناشر حاجة ولا لأه !

شهيرة ببرود : مأخدتش بالي ، حقك عليا يا ستي

أم محمد : دي مش أول مرة على فكرة وصبرت وسكت كتير لكن للصبر حدود

شهيرة: هتعملي ايه يعني أعلى ما في خيلك اركبيه
 أنا محدش يقولي أعمل ايه ومأعملش ايه

وراحت رازعة الباب في وش أم محمد

أم محمد : حسبي الله ونعم الوكيل
ونزلت من على السلم وقالت ليوسف وجيهان تعالوا يا حبيابي معايا

*************
شلبية على نار مستنية تعرف ريم عملت ايه

شلبية : يالا احكي يا شهرزاد قبل ما اجيبلك السجان يقطع راسك

ريم : وعلى ايه ، الطيب أحسن يحكى ان بنت اسمها ريم راحت المدرسة ودمها بيغلي في دماغها وناوية تاخد حقها من اللي اتكلم في عرضها

ريم: رحت المدرسة ياماما وأول ما شفت ميرنا في الفصل مقدرتش أمسك نفسي ورحت متخانقة معاها

شلبية غاضبة : برده يا ريم مفيش سمع كلام كده

ريم: أهو ده اللي حصل
حضرتك مش قادرة تتخيلي أنا هموت من الغيظ منها ازاي

شلبية : المهم وبعدين ؟

ريم : قلتلها قدام الفصل كله ، يا كذابة شفتيني من امتى خرجت ولا كلمت ولد
أنا بس مش بعمل كده علشان أنا بنت مؤدبة
لكن علشان كمان ربنا قال كده
ديني بيؤمرني بكده ومش ممكن أعصي ربنا
ومش هضيع اخرتي علشان أي حد مهما كان
لكن اللي بتألف كلام زي ده وبيخطر في بالها أصلا الله اعلم بتعمل إيه ؟

ميرنا : الزمي حدودك واعرفي انتي بتكلمي مين ؟


وحاولت تمد ايدها رحت مسكاها وقلت : بكلم مين يعني واحدة كذابة وبتسوء سمعة الناس

وراحت المس دخلت علينا بالمنظر ده
زعقت وقالت يالا على المديرة انتم الاتنين

***************
نرجع لأم محمد ويوسف وجيهان اللي صعبوا عليها ونفسها تعمل ليهم اي حاجة

بتفتح باب الشقة وبتقولهم : تعالوا يا حبيايبي ادخلوا

قعدتهم على الكراسي وفضلت تضحكهم وقالتلهم أكيد جعانين
وراحت قامت غرفت ليهم الأكل

يوسف وجيهان مكسوفين وبصوا لبعض : شكرا يا طنط احنا مش جعانين

أم محمد : هتاكلوا يعني هتاكلوا عايزيني أزعل منكم

وهما بيتغدوا قعدوا يتكلموا مع بعض

أم محمد: طنط شهيرة عاملة معاكم ايه ؟

يوسف : الحمد لله

أم محمد : ده سر بيني وبينكم متخافوش
محدش هيعرفوا لا بابا ولا طنط شهيرة

جيهان : بجد يا طنط

أم محمد : ايوه يا حبيبتي

يوسف : مادام كده هنحكيلك على كل حاجة

ياترى قالولها ايه ؟

تعليقات

إرسال تعليق

المشاركات الشائعة من هذه المدونة

دورة علم أصول الفقه ( 19 - أحوال اللفظ من حيث الظهور والخفاء )

صورة
  دورة علم أصول الفقه ( 19 - أحوال اللفظ من حيث الظهور والخفاء )   19 - أحوال اللفظ من حيث الظهور والخفاء الكلام الدال على الحكم الشرعي ، يحتوي على ألفاظ ، وهذه الألفاظ إما أن تكون ظاهرة المعنى والمراد : بحيث نفهم معانيها والمراد منها بسهولة . أو ألفاظ أخرى في دلالتها على المراد من المعنى نوع من الخفاء : وبالتالي تحتاج إلى نظر وتأمل أو تفسير . وعلى هذه الأساس قسم العلماء اللفظ من حيث الظهور وقوة إفادة المراد إلى : الظاهر ، النص ، المفسر ، المحكم . وقسموه من حيث خفاء المراد إلى : الخفي ، المشكل ، المجمل ، المشكل . اللفظ من حيث الظهور 1- الظاهر : هو ماكان معناه واضح ولا يحتاج إلى تفسير من الشارع لبيان المراد منه ، ولم يكن مسوقاً بالأصل لإفادة هذا المعنى ، واحتمل التأويل إن كان خاصاً ، أو التخصيص إن كان عاماً . نطبقه على مثال علشان يوضح : يقول تعالى : { وأحلَّ اللهُ البيْعَ وحرَّمَ الرِّبا } . هو ماكان معناه واضح ولا يحتاج إلى تفسير من الشارع لبيان المراد منه : اللفظ في الآية دلَّ بنفس صيغتِهِ على إحلال البيع وتحريم الرّبا . ولم يكن مسوقاً بالأصل لإفادة هذا المعنى : الأية نفسها...
قراءة المزيد

اسئلة لمراجعة سورة القصص

  اسئلة لمراجعة سورة القصص السؤال الأوّل : أكملي الآيات 1-و لقد وصّلنا لهم القول ...... لا نبتغي الجاهلين. 2-و قال موسى ..... أنّهم إلينا لا يرجعون. 3-إنّ الذي فرض عليك القرءان ..... و إليه ترجعون. 4-و ما أوتيتم من شيء ...... كنتم تزعمون. 5-قال ذلك بيني و بينك ..... لعلكم تصطلون. 6-و قالوا إن نتبع الهدى ..... و أهلها ظالمون. 7-فإن لم يستجيبوا لك ..... هم به يؤمنون. 8-فأخذناه و جنوده ..... لعلّهم يتذكّرون . 9-و لمّا بلغ أشدّه ..... ظهيرًا للمجرمين. 10-اسلك يدك ..... الغالبون. 11-و نزعنا من كلّ أمّة ...... الفرحين. 12-و لمّا توجّه ..... القوم الظالمين. 13-فلمّا قضى موسى الأجل ..... من الآمنين. 14-و قال فرعون ..... لايرجعون. 15-ولقد ءاتينا موسى الكتاب ..... و لكنّا كنّا مرسلين. 16-ومن رحمته ..... ما كانوا يفترون. 17-قلمّا أتاها ..... قومًا فاسقين. 18-إنّ قارون ..... حظٌ عظيم . 19-إنّ فرعون ..... ما كانوا يحذرون. 20-قال الذين حقّ عليهم القول ..... من المفلحين. ---------------------------------------------------- السؤال الثاني : اذكري من الآيات ما يدلّ على ذلك 1-جعل الله الدار الآخرة لم...
قراءة المزيد

أسئلة مراجعة سورة الشورى

صورة
  أسئلة مراجعة سورة الشورى   السؤال الأول: أكملى الآيات الآتية 1- وجزاؤا سيئة حتى قوله تعالي وما لكم من نكير. 2- ذلك الذي يبشر الله عباده حتى قوله تعالي إنه بعباده خبير بصير. 3- لله ملك السموات والأرض حتى قوله تعالي إلي الله تصير الأمور. 4- له مقاليد السموات والأرض حتى قوله تعالي لفي شك منه مريب. 5- ومن آياته الجوار حتى قوله تعالي هم ينتصرون. 6- وتراهم يعرضون عليها حتى قوله تعالي فإن الإنسان كفور. 7- من كان يريد حرث الآخرة حتى قوله تعالي الفضل الكبير. 8- والذين اتخذوا من دونه أولياء حتى قوله تعالي وهو السميع البصير. 9- ويستجيب الذين آمنوا حتى قوله تعالي ولا نصير. 10- فلذلك فادع واستقم حتى قوله تعالي وهو القوي العزيز. السؤال الثانى: أذكري من الآيات ما يدل على ذلك 1- في الفضاء الخارجي مخلوقات ودواب غير مخلوقات الأرض. 2- ينزل الله الرزق علي عباده بقدر لأن الغني إذا افتقر فسد دينه، والفقير إذا أغتني فسد دينه وبغي كل منهم في الأرض. 3- أمر لرسول الله  بالاستقامة كما قال الله  في سورة هود ( فأس...
قراءة المزيد