مسلسل في كل بيت حكاية ... الحلقة الثانية

 الحلقة الثانية:
شلبية قاعدة مع جارتها أم محمد وبتسألها عن المشكلة اللي عند جارتهم أم سندس

أم محمد : وعرفتي ازاي إن عندهم مشكلة ؟

شلبية : أصلي كنت واقفة في المطبخ وسمعت صوت عالي من المنور
فضلت واقفة احاول أسمع إيه اللي بيحصل معرفتش
بس ماقولكيش صوتهم كان جايب اخر الدنيا
متعرفيش إيه اللي حصل


أم محمد : اه ياني
هو انتي مش هتبطلي الخصلة دي يا شلبية ؟
مسمعتيش قول الله تعالى :" ولا تجسسوا "

شلبية : ايه يا أم محمد هتطلعيني جاسوسة على آخر الزمن
ناقص تقوليلي سلميلي على رافت الهجان لما تشوفيه
مش عايزاني أجيبلك من عنده شوية حبر سري ؟


أم محمد : بالراحة عليا يا شلبية
ترضي حد يسمع اللي بيحصل في بيتك والكلام اللي بينك وبين زوجك ؟

شلبية : طبعا لأه

أم محمد : طيب ليه بتدخلي مناخيرك في اللي ملكيش فيه ؟

شلبية : طيب تعالي بس نزورها ومش هفتح بؤي بحاجة لغاية ما تتكلم هي ولو ماتكلمتش مش هنطق

أم محمد : طيب ماشي نروح نسلم عليها من زمان ماتجمعناش مع بعض

شلبية وهي بتقوم من مكانها فرحانه : قومي يالا البسي

أم محمد : والأولاد اللي على وصول من المدرسة دول ؟
بكرة الصبح بإذن الله نتقابل هناك على الساعة 11

شلبية : اتفقننا
فكرتيني بالعيال الواحد كان ناسيهم
أروح بسرعة أجهز بقية الأكل
سلام

أم محمد : يابنتي قوليها كاملة هتخسري ايه لما تقولي السلام عليكم وتاخدي 10 حسنات ولا كمليهم 30 وقولي السلام عليكم ورحمة الله وبركاته

شلبية : ماشي يا ست الفيلسوفة عندك حق
السلام عليكم ورحمة الله وبركاته

أم محمد : وعليكم السلام ورحمة الله وبركاته

********
شلبية جري راحت جهزت بقية الأكل
والأولاد رنوا جرس الباب
وبدأت اسطوانة كل يوم

الأولاد : السلام عليكم ورحمة الله وبركاته
وحشتينا يا ماما
وبعد القبلات والأحضان والذي منه

لسه شلبية هتتكلم

الأولاد : حافظين يا ماما
علقوا هدومكم على الشماعة
حطوا الشنط والشوز مكانه وإلا هطلع عينكم

شلبية: شاطرين في الكلام
والفعل يوك

خالد : ماما بتتكلم لغات ياولاد وبتقول يوك

شلبية: بتتريق عليا ؟ استنى عليا هوريك

شلبية لاحظت إن ريم مش على عوايدها وأخدت بعضها ودخلت غرفتها من غير ما تهزر زي كل يوم



راحت وراها وقالت مالك ياريم ؟

ريم : مفيش حاجة يا ماما

شلبية : لأه فيه هو أنا مش عارفاكي ؟

ريم : صدقيني مفيش

خالد وهند بدؤا في المظاهرات
عايزين ناكل ، عايزين ناكل



شلبية : حاضر حاضر
وبصت لريم وقالت أغدي اخواتك ولينا كلام تاني

خرجت من الغرفة وقالت : مفيش غدا لغاية ما كله يصلي الظهر
كله يروح يتوضى ويصلي على ما أغرف الأكل
ويكون ابوكم جه

الكل بصوت واحد : حاضر يا ماما

شوية وراح أبو الزغاليل مخبط على الباب

الأولاد: بابا جه ، بابا جه
يالا نسقف ونقول هيه
هناكل ، هناكل



***************
انفض المجلس
قصدي خلصوا أكل وكله قام يشوف حاله
الأولاد بيحلوا الواجب  وعم زغلول قام يريح شوية

وشلبية دخلت تشوف ريم مالها

شلبية : مالك بقى يا ست ريم ؟

ريم والدموع في عنيها : مفيش يا ماما

شلبية: هو حصّلت دموع ؟
مش سايباكي لغاية ما أعرف في إيه ؟
شكل الموضوع كبير


ياترى إيه اللي حصل مع ريم في المدرسة ؟
ده اللي هنعرفه الحلقة الجاية إن شاء الله


تعليقات

إرسال تعليق

المشاركات الشائعة من هذه المدونة

أسئلة مراجعة سورة الدخان

صورة
  أسئلة مراجعة سورة الدخان   السؤال الأول: أكملي الآيات الآتية 1- وما خلقنا السموات والأرض حتـى قوله تعالـى إنه هو العزيز الرحيم. 2- ولقد فتنا حتـى قوله تعالـى وما كانوا منظرين. 3- إن المتقين حتـى قوله تعالـى مرتقبون. 4- إنا أنزلناه حتـى قوله تعالـى يلعبون. 5- إن شجرة الزقوم حتـى قوله تعالـى تمترون. 6- ولقد نجينا حتـى قوله تعالـى إنهم كانوا مجرمين. 7- ولقد أخترناهم على علم حتـى قوله تعالـى لاعبين. 8- فارتقب يوم تأتى حتـى قوله تعالـى رسول كريم. 9- إن يوم الفصل حتـى قوله تعالـى عذاب الجحيم. 10- وأن لا تعلوا على الله حتـى قوله تعالـى آخرين. السؤال الثانى: أذكرى من الآيات ما يدل على ذلك 1- تقول العرب أن السيد عندما يموت تبكى الأرض والسماء عليه. 2- وصف الله الرسول  فى آية ووصف موسى  فى آيتين. 3- ماذا أعد الله للمتقين فى الجنة. 4- نزول القرآن ليلة القدر جملة واحدة. 5- توعد قوم موسى بقتله فاستعاذ بربه والتجأ إليه. 6- ما هو طعام أهل النار وعذابهم وماذا يقال للآثم. 7- من الرسل الذين دعوا على قومه...
قراءة المزيد

اسئلة لمراجعة سورة الأنعام

  اسئلة لمراجعة سورة الأنعام   السؤال الأوّل: اذكري من الآيات ما يدلّ على ذلك : 1- أنّ مكّة هي مركز الأرض . 2- آيات بها الوصايا العشر . 3- آية بها ترهيب بالعقاب السّريع و ترغيب بالمغفرة و الرّحمة . 4- آية بها ذكر نزول المطر و ما ينبت به في الأرض و أخرى مشابهة لها ذكر فيها زكاة الزّروع . 5- آيات ذكر فيها اسماء الكثير من الأنبياء . 6- من هم الّذين لهم الأمن و الهداية. 7- ما جزاء من يرد الله أن يضله . 8- آية بها تحريمٌ على الكفار و أخرى بها تحريمٌ على اليهود. 9- حال الكفّار عندما يعرضون على ربّهم و عندما يعرضون على النّار . 10- ذكر دعاء الاستفتاح في الصّلاة في عدّة آيات . __________________________________________________ السّؤال الثّاني : أكملي النّاقص في آخر الآية : 1- ( و جعلوا لله ممّا ذرأ....... سآء ما .......... ( يزرون – يحكمون – يعملون ) 2- ( قد خسر الّذين كذّبوا ..... ألا سآء ما .......... ( يزرون – يحكمون – يعملون ) 3- ( و إن كان كبر عليك ..... فلا تكوننّ .......... ( الجاهلين – ...
قراءة المزيد

دورة علم أصول الفقه ( 19 - أحوال اللفظ من حيث الظهور والخفاء )

صورة
  دورة علم أصول الفقه ( 19 - أحوال اللفظ من حيث الظهور والخفاء )   19 - أحوال اللفظ من حيث الظهور والخفاء الكلام الدال على الحكم الشرعي ، يحتوي على ألفاظ ، وهذه الألفاظ إما أن تكون ظاهرة المعنى والمراد : بحيث نفهم معانيها والمراد منها بسهولة . أو ألفاظ أخرى في دلالتها على المراد من المعنى نوع من الخفاء : وبالتالي تحتاج إلى نظر وتأمل أو تفسير . وعلى هذه الأساس قسم العلماء اللفظ من حيث الظهور وقوة إفادة المراد إلى : الظاهر ، النص ، المفسر ، المحكم . وقسموه من حيث خفاء المراد إلى : الخفي ، المشكل ، المجمل ، المشكل . اللفظ من حيث الظهور 1- الظاهر : هو ماكان معناه واضح ولا يحتاج إلى تفسير من الشارع لبيان المراد منه ، ولم يكن مسوقاً بالأصل لإفادة هذا المعنى ، واحتمل التأويل إن كان خاصاً ، أو التخصيص إن كان عاماً . نطبقه على مثال علشان يوضح : يقول تعالى : { وأحلَّ اللهُ البيْعَ وحرَّمَ الرِّبا } . هو ماكان معناه واضح ولا يحتاج إلى تفسير من الشارع لبيان المراد منه : اللفظ في الآية دلَّ بنفس صيغتِهِ على إحلال البيع وتحريم الرّبا . ولم يكن مسوقاً بالأصل لإفادة هذا المعنى : الأية نفسها...
قراءة المزيد