أسئلة مراجعة سورة الدخان

 

حكاية من حياتنا ( الحلقة السادسة )

الحلقة السادسة

ريم باست راس والدها ووالدتها وسلمت عليهم علشان رايحة الدرس واستاذنت انها تعدي على نهى علشان يروحوا سوا

شلبية: بالسلامة يا حبيبتي وخلي بالك من نفسك

ريم: حاضر يا ماما
شلبية : يحضرلك الخير يا روما ، كلمة حاضر دي بتريح اه لو اخواتك يتعلموا يقولوها

********

أول ما ريم شافت نهى وشها قلب وضرب الوان الطيف

نهى : مالك يا بنتي شوفتي عفريت ولا ايه ده أنا حتى شطورة وبعمل كل اللي قولتيه ليا في الصلاة

ريم غاضبة : مش باين ؟

نهى : ليه بقى يا ست ريم ؟

ريم: لأن الصلاة تنهى عن الفحشاء والمنكر واللي شايفاه غير كده

نهى : الله يسامحك بتقولي كده ليه

ريم: بصي يا حبيبتي اللي فرض علينا الصلاة فرض علينا الحجاب

نهى : بس انا لابسة الطرحة اهو !

ريم: الحجاب مش مجرد طرحة بلبسها وخلاص
الحجاب ليه شروطه اللي لازم اطبقها كلها والا مأكونش محجبة وبضحك على نفسي

نهى : وايه هي شروطه ؟

ريم: افتحي ودنك يا جميل
- أن يكون ساتر للجسم كله ما عدا الوجه والكفين على خلاف فيهم
وناس كتير بتفتكر ان ده هو الشرط الوحيد لكن بصي للشروط اللي بعدها مهمة جدا

- أن يكون سميك مش شفاف يبين اللي تحته

- أن يكون فضفاض مش ضيق ،
يعني واسع مش لابسين بدي واسترتش وكل تفاصيل الجسم باينة
ده مش حجاب أبدا بالعكس ده فتنة وذنوب

- أن لا يكون زينة في نفسه يعني مش لابسة واسع لكن لون لبسها فاقع وكله خرز وترتر وبيلمع وبربر
مش قصدي تمشي مبهدلة لكن مش ملفته

- أن لا يشبه لباس الكافرات

-أن لا يكون متعطر ومليان برفان لأان الرسول صلى الله عليه وسلم قال ان اللي بتخرج ويشم ريحتها الناس فهي كذا وكذا يعني زانية

-أن لا يكون لباس شهرة

-أن تكون الطرحة أو الخمار مغطي للصدر والنحر أي الرقبة ويشترط فيها ما يشترط في اللبس يعني طرحة كبيرة مش شفافة وليست زينة في نفسها يعني ما ينفعش طرحة صغيرة وهاي كول ده مش حجاب متضحكيش علينا ولا على نفسك وبعدين كتير مننا بيتساهل في تغطية القدمين ولبس شراب مع إن تغطية القدمين متفق عليها .

نهى: ايه ده كله يا بنتي
ليه كل العقد دي ، الحكاية بسيطة

ريم: لا ينهى يا حبيبتي الحكاية مش بسيطة
انتي عارفة كام عداد سيئات شغال وانتي ماشية كده؟

عداد النظر الحرام ليكى آدى واحد !
عداد المكياج آدى اتنين !
عداد البرفان ثلاثة !
عداد النمص أربعة !
عداد إفساد الشباب آدى خمسة ،
خمس عدادات على الأقل شغالة سيئات وإنتى ماشية !!!



نهى: بس أنا لسه صغيرة وعايزة اعيش حياتي


ريم: ومين قالك ان الحجاب مش هيخليكي تعيشي حياتك
بالعكس
الحجاب مش معناه اني البس مبهدل أو حاجة مش كويسة
كل الحكاية بس أني اختار حاجة حلوة وشيك لكن ترضي ربنا

ووصلوا للدرس فريم قالت نكمل واحنا مروحين

نهى: هو لسه فيه كلام، ارحمني يارب

**********************
خالد وهند بيلعبوا مع بعض وطبعا عارفين انهم ناقر ونقير

خالد: ياماماااااا تعالي شوفي هند
ياريت كنا أيام الجاهلية وكنتم وأدتوها

شلبية: اخص عليك يا خالد ، حد يقول على أخته حبيبته كده ؟
ده أنت أخوها اللي المفروض تكون سندها ، تعتمد عليه وتحس معاه بالأمان كأنك أبوها

خالد مكسوف من نفسه : اصل يا ماما دايما بتغلس عليا وبتزهقني

شلبية : وهل ده الحل انكم تتخانقوا ؟

ونادت على هند علشان تعرف اللي حصل ؟

هند : هو اللي بدا يا ماما
أنا كنت قاعدة بتفرج على الكارتون ومش واخدة بالي راح جه وفرقع كيس جنبي وخضني
فروحت اتغظت منه وحدفت لعبته وكسرتها واتخانقنا

شلبية : انتم اللي اتنين شكلكم ناوي على عقاب كبير
بتخض أختك ليه يا استاذ خالد ؟ وانتي يا ست هند بتردي الغلط بغلط ليه
محروم من المصروف يومين

خالد: كده ظلم انا كنت بلعب معاها لكن هي قاصدة

شلبية : مفيش حاجة اسمها انك تفزع حد حتى لو بالمزاح والهزار
انت مش عارف إن الرسول صلى الله عليه وسلم قال: " لا يحل لمسلم أن يروع مسلما "
وبعدين لعبتك اللي اتكسرت هتفكرك باللي عملته

هند طبعا فرحانه وعمالة تضحك

شلبية : وانت يا هند العنف مش حل للمشاكل
تيجي وتقوليلي وانا أعاقبه لو غلطان
وهتحوشي من مصروفك وتجيبيله لعبة بدل اللي كسرتيها

خالد فرحان : يحيا العدل يحيا العدل

شلبية: لسه العقاب ماخلصش وهتنظفولي الشقة كلها

************
نهى وريم خلصوا الدرس وهما خارجين لقوا شباب واقف على الباب وقعد يعاكس في نهى
طبعا ماهي لابسة ملابس ضيقة

ريم غضبانه : شوفتي جبتلنا الكلام ازاي

نهى : مش انا السبب ماهم بيعاكسوا اللي لابسه واسع كمان

ريم: انا سمعتها بودني مرتين واحد جه يعاكس اللي معاه يقوله دي لابسه محترم مش دي اللي تتعاكس
وياما سمعت تعليقات بودني من شباب بيضحكوا على البنات وهما لابسين ضيق
لانهم مبينين عيوب جسمهم كلها بالضيق
وساعات بشوف حدود الملابس بتاعتهم باينة من كتر ضيق الجيبة ولا البنطلون والبلوزة قصيرة
هل ده منظر يليق بمسلمة ؟؟؟؟!!!!!

وبنسمع تعليقات سخرية وتريقة
يعني من الآخر مش الدين بس
لا ده انتي الكل عمال يتكلم عليكي كلام مش كويس وانتي ماشية
او عمال يتغزل في جسمك

ترضيها لنفسك يا حفيدة أمهات المؤمنين

نهى : ماشي هأمشي معاكي من ألاخر هاتيلي ايه واحدة ولا حديث فيها عقوبة للي مش محجبة

ريم: العقوبة كبيرة وكلها في أحاديث صحيحة

1. بأنها من أهل النار ، و أنها لا تقرب الجنة بل لا تجد ريحها
2. بأنها ملعونة مطرودة من رحمة الله
3. بأنها زانية ولايقبل منها صلاة
4. بأنها منافقة و أنها من شر هذه الأمة
5. بأنها من صاحبات الكبائر التى تعادل الزنا والسرقة و القتل
6. بأنها من جنود الشيطان

وفي حديث منهم الرسول صلى الله عليه وسلم بيقول: ( إلعنوهن فإنهن ملعونات )

نهى: يا خبر ؟
خلاص أوعدك اظبط لبسي بس لما أكبر شوية أنا لسه صغيرة ومام مش هتوافق وهتقولي كده مش هتتجوزي
أنا عارفاها

ريم: أولا انتي ضامنة عمرك لغاية ما تكبري؟
الموت مش بيعرف كبير ولا صغير
لو ربنا اراد ومتنا دلوقتي هنتحاسب ومش هنقدر نقول اننا صغيرين ما دام وصلنا لسن البلوغ
وكمان لا طاعة لمخلوق في معصية الخالق يعني لو تعارض كلام ربنا مع كلام الوالدين يبقى كلام ربنا مقدم
ونبين لها الحكم بالراحة وبهدوء
وأخر حجة اللي عايزك بالشكل ده ميلزمكيش لانه مش غيور عليكي
لانه عايزك سلعة الناس تبص عليها

ليه مش عايزين نكون زي السلف الصالح
هأحكيلك قصة

كان فيه مرأة يصيبها الصرع في عهد الرسول صلى الله عليه وسلم وكانت لما بيجي ليها حالة الصرع ممكن ملابسها تتحرك فيبان جزء منها و تتكشف .
فراحت للرسول صلى الله عليه وسلم تطلب منه إنه يدعيلها ربنا يشفيها من الصرع علشان متتكشفش أمام الناس

الحديث الذي في الصحيحين من حديث ابن عباس رضي الله عنهما أنه قال لعطاء: ألا أريك امرأة من أهل الجنة؟ قال: بلى، قال: هذه المرأة السوداء أتت النبي صلى الله عليه وسلم فقالت: إني أصرع وإني أتكشف فادع الله لي، قال: إن شئت صبرت ولك الجنة، وإن شئت دعوت الله أن يعافيك، قالت: أصبر، قالت: فإني أتكشف فادع الله أن لا أتكشف، فدعا لها.

سبحان الله
مش هاممها المرض
كل اللي يهمها إنها متتكشفش أمام الناس

واحنا بنوقف أمام المراية بالساعات نكشف اللي نقدر نكشفه ولو الكم نزل نرفعه

نهى: عندك حق خلاص بإذن الله العيد فاضل ليه شهر ولا اتنين هشتري هدوم واسعة ومش هجيب نطلونات تاني

ريم : انتي عايزة تجيبيلي سكتة قلبية
قلبي قلبي

نهى ضاحكة : مالك هو انتي مش عاجبك حاجة خالص

ريم: عارفة رد فعل الصحابيات لما سمعوا بنزول آية الحجاب؟
شققن مروطهن فاختمرن بها
دول ما انتظروش يخرجوا ويشتروا حاجة يتحجبوا بيها علشان ينفذوا أمر الحجاب
دول قطعوا من هدومهم اللي في البيت علشان مش ممكن يخرجوا من بيوتهم من غير حجاب بعد ما ربنا أمرهم بيه
قال أم المؤمنين عائشة رضي الله عنها ( يرحم الله نساء المهاجرات الأول لما أنزل الله {وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ} شققن مروطهن فاختمرن بها )
يااااااااااااااااااااااااااااااااااه تعالي يا أم المؤمنين شوفي حفيداتك بيعملوا إيه دلوقتي

نهى وهي باصة في الأرض من كسوفها : معاكي حق من بكرة هاغير لبسي وارضي ربي