الأسعار بترتفع وأنا خايفة من بكرة
مش عارفين بكرة فيه ايه
ياترى هتترفع أكتر ولا الأمور هتستقر؟
هأعمل ايه واللي جاي مش مكفي ؟!
كل واحد بيفكر وحامل الهم وعمال يدور على أسباب ترفع رزقه
لكن للاسف نسينا رب الأسباب
حد فينا فكر في اسم الله الرزاق ، القابض الباسط ، اللطيف ، الرحيم ، الخبير ، العليم ، الودود
وغيرها من اسمائه الحسنى ؟
طيب الأهم
احنا عارفين معنى هذه الأسماء ؟ حسيناها ؟ عندنا يقين في الله ؟
المؤمن لازم يكون عنده يقين إن كل واحد رزقه مكتوب ليه مش ممكن يزيد قرش ولا ينقص قرش
عارف إن بالطاعة وبالرزق الحلال ربنا هيبارك ليه في القليل وهيغنيه من فضله
عارف إن بصدق توكله على الله وتفويض أمره له وبالاستغفار والدعاء ربنا هيفرجها عليه من حيث لا يحتسب
عارف إن الغلاء والبلاء عقوبة من ربنا فيراجع نفسه ويفزع إلى التوبة والاستغفار ورد الحقوق إلى اصحابها لو كان ظلمهم في أنفسهم أو أموالهم أو أعراضهم
ويصبر ويحتسب ويدعي إن ربنا يتوب على الأامة ويرفع عنهم العقوبة والبلاء اللي نزلت بسبب ذنوبهم
قيل لأبي حازم رحمه الله :
أما ترى قد غلا السعر ..!
فقال : وما يغُمُّكم من ذلك ..!
إنّ الذي يرزقنا في الرخص يرزقنا في الغلاء ..
لكن ده مش معناه عدم الأخذ بالأسباب بل على المؤمن التوكل على الله وليس التواكل
فبجانب كل اللي فات أسعى لزيادة دخلي أو اقلل من مصروفاتي
ده حال المؤمن الواثق بربه الراضي بقضائه المتوكل على الله
تعليقات
إرسال تعليق