ترضى إنك تبقى قنبلة تنفجر فى كبد الدين ؟!! أديكي رضيتي ونفذتي

 

ترضى إنك تبقى قنبلة تنفجر فى كبد الدين ؟!! أديكي رضيتي ونفذتي

 

وحشتوني فقلت اجي أسلم عليكم وبالمرة أتخانق شوية وممكن الأمور تتطور ويكون فيها ضرب وطبعا ضرب الحبيب زي أكل الزبيب
مش كلكم يعني في يستاهل دعوة حلوة بالثبات

وقبل ما نتكلم اعتبروني أختكم اللي بحبكم وخايفة عليكم
ومتزعلوش لو شديت في كلامي
فده من حبي ليكم وخوفي عليكم واستحملوني ومعلش اعصروا شوال لمون وكملوا الموضوع للاخر




ينفع كده ؟
ينفع اللي بنشوفه في الشارع
ينفع البنات اللي بتخرج لابسه من غير هدوم ؟
ولا البنات اللي ماشية وحاطة 10 كيلو مكياج ومطلعة حتة من شعرها علشان تثبت ان عندها شعر
ولا البنات اللي ريحة برفانها جايبة لأخر الشارع

ولا اللي بيلبس هدوم ضيقة وبنطلون استرتش وعليه بلوزه متفصلة على الجسم ببقى نفسي أعرف اتلبست ازاي والاسم محجبة


الواحد طول ماهو ماشي في الشارع عمال يقول اللهم إن هذا منكر لا يرضيك




نتكلم جد شوية بقى لأن حالنا يحزن فعلا ويعكس الدرجة اللي بعدنا فيها عن الدين

تخيلي وانت في الشارع ماشية قابلتي فجأة الرسول صلى الله عليه وسلم ومعاه أمهات المؤمنين هتعملي ايه ؟
يا ترى هتجري عليهم فرحانه توريهم ازاي تمسكتي بأوامره وتشبهتي بزوجاته ؟ وتقولي ان المسلمة اللي تعبت وتحملت الصعاب والمشاق والأذى علشان أكون كده ؟

ولا هتستخبي مكسوفة لا يشوفك على الحال اللي انتي فيه

ولا مش هيفرق معاكي أصلا لأنك لو كنتي بتحبيه كنتي أطعتيه فإن المحب لمن يحب مطيع

ولا ياترى اصلا لما يشوف منظر المسلمات هيفتكر إنه موجود في بلاد مسلمين ولا بلاد الغرب ؟

يااااااااااااااااااااااااااااااااااااااااااااااااا ااااااااااااااااااه
رضيتي انك تفقدي هويتك الإسلامية
رضيتي اللي يشوفك ميعرفش إنتي مسلمة ولا لأه ؟


أنا عارفة إن أغلبكم كله خير وبيحب دينه
بس فين الدليل على كده ؟؟؟؟؟؟؟؟
فين المظهر اللي بيدل على المخبر ؟؟؟؟؟؟؟

فرق شاسع بين المسلمات اليوم وبين الصحابيات

عارفين رد فعل الصحابيات لما سمعوا بنزول آية الحجاب؟
شققن مروطهن فاختمرن بها
دول ما انتظروش يخرجوا ويشتروا حاجة يتحجبوا بيها علشان ينفذوا أمر الحجاب
دول قطعوا من هدومهم اللي في البيت علشان مش ممكن يخرجوا من بيوتهم من غير حجاب بعد ما ربنا أمرهم بيه

قال أم المؤمنين عائشة رضي الله عنها ( يرحم الله نساء المهاجرات الأول لما أنزل الله {وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ} شققن مروطهن فاختمرن بها )
يااااااااااااااااااااااااااااااااااه
تعالي يا أم المؤمنين شوفي حفيداتك بيعملوا إيه دلوقتي

ولا المرأة كان يصيبها الصرع في عهد الرسول صلى الله عليه وسلم وكانت لما بيجي ليها حالة الصرع ممكن ملابسها تتحرك فيبان جزء منها و تتكشف .
فراحت للرسول صلى الله عليه وسلم تطلب منه إنه يدعيلها ربنا يشفيها من الصرع علشان متتكشفش أمام الناس

الحديث الذي في الصحيحين من حديث ابن عباس رضي الله عنهما أنه قال لعطاء: ألا أريك امرأة من أهل الجنة؟ قال: بلى، قال: هذه المرأة السوداء أتت النبي صلى الله عليه وسلم فقالت: إني أصرع وإني أتكشف فادع الله لي، قال: إن شئت صبرت ولك الجنة، وإن شئت دعوت الله أن يعافيك، قالت: أصبر، قالت: فإني أتكشف فادع الله أن لا أتكشف، فدعا لها.

سبحان الله
مش هاممها المرض
كل اللي يهمها إنها متتكشفش أمام الناس

واحنا بنوقف أمام المراية بالساعات نكشف اللي نقدر نكشفه ولو الكم نزل نرفعه

المشكلة إنك مش حاسة الناس بتقول عليكي ايه
واه يا مسكينة لو سمعتي
هتبكي على حالك واللي وصلتي ليه وازي خليتي نفسك صغيرة في عيون الناس

بتعملي كده علشان العريس؟
لو تعرفي إنك أصبحتي في نظره شيء للمتعة والتسلية ومش ممكن تكوني زوجة مؤتمنة على بيت لأنك مش أمينة على نفسك
ممكن يتسلى أه لكن زوجة لا
وحتى لو لقيتي واحد عاجبه ده فده إنتي اللي لازم مترضيش بيه وميلزمكيش
لأن اللي مش هيغير على أهل بيته ويصونهم ويرضى عليهم إنهم يخرجوا كده ويبقى شايف عيون الناس بتنهش فيهم وساكت ومبسوط يبقى مش أمين عليهم
وميستاهلكيش
انتي تستاهلي واحد يصونك ويحافظ عليكي

بتعملي كده علشان مبسوطة بجمالك وشعرك؟
من أعطاكي هذا الجمال قادر يصيبك بمرض أو يبتليكي بحريق يذهب عنك كل ده
وساعتها هتلبسي الحجاب غصب عنك

بتعملي كده علشان صديقاتك بيسخروا منك وبيزعجوكي بكلامهم ؟
اللي تركتي لبس الحجاب أو خلعتيه علشانهم يوم القيامة هيكونوا أول ناس هيتبروا منك ومش هينفعوكي

بتعملي كده علشان لسه صغيرة
مسمعتيش عن فلانة اللي ماتت وعندها سنتين وفلانة اللي ماتت وعندها 8 سنين ؟
طيب مشوفتيش فلانة اللي ماتت وعندها 16 سنة ؟
هاتي حاجة تثبت إنك هتعيشي لغاية يوم كذا وهتموتي وانتي عندك كام سنة وإن قدامك فرصة تلبسي الحجاب بعدين

وصدقيني هتلبسيه هتلبسيه يا اما بارادتك يا هتلبسيه غصب عنك وهتستري عورتك كلها غصب عنك وانتي بتلبسي الكفن
وانتي بتقابلي ربنا علشان يحاسبك
علشان يبقى قبرك روضة من رياض الجنة أو حفرة من حفر النار
ومش هينفعك جمالك ولا هينفعك اصحابك مش هينفعك غير عملك

 يا اختي والله أنتي في مصيبة كبيرة وانت مش واخدة بالك

تعرفى الرسول صلى الله عليه وسلم وصف المتبرجة بإيه ؟
بصوا الكلام ده بالذات ، مش كلامى لكن ده حكم رسول الله صلى الله عليه وسلم فى المتبرجة !!! و إنتى قيسى على نفسك

الرسول صلى الله عليه وسلم يصف المتبرجة بأوصاف كل واحد فيها اصعب من التاني :
1. بأنها من أهل النار ، و أنها لا تقرب الجنة بل لا تجد ريحها
قال رسول الله صلى الله عليه و سلم "صنفان من أهل النار لم أرهما ، قوم معهم سياط كأذناب البقر يضربون بها الناس،ونساء كاسيات عاريات مميلات مائلات ، رؤوسهن كأسنمة البخت المائلة ، لا يدخلن الجنة ولا يجدن ريحها ، وإن ريحها لتوجد من مسيرة كذا وكذا" رواه مسلم

2. بأنها ملعونة مطرودة من رحمة الله
قال رسول الله صلى الله عليه وسلم "يكون في آخر أمتي رجال يركبون على سروج كأشباه الرحال ، ينزلون على أبواب المساجد ، نساؤهم كاسيات عاريات ، على رؤوسهن كأسنمة البخت العجاف ، العنوهن فإنهن ملعونات" حسن


3. بأنها زانية ولايقبل منها صلاة

قال رسول الله صلى الله عليه وسلم :"أيما امرأة استعطرت ، فمرت على قوم ليجدوا ريحها فهي زانية ، وكل عين زانية" صححه الألبانى


4. بأنها منافقة و أنها من شر هذه الأمة
قال رسول الله صلى الله عليه وسلم : "شر نسائكم المتبرجات المتخيلات ، و هن المنافقات لا يدخل الجنة منهن إلا مثل الغراب الأعصم" صحيح


5. بأنها من صاحبات الكبائر التى تعادل الزنا والسرقة و القتل

6. بأنها من جنود الشيطان


أخدتي بالك من كلام الرسول صلى الله عليه وسلم؟
العنوهن فإنهن ملعونات !
ترضى تكونى ملعونة ...ترضى تطردى من رحمة ربنا ؟

الرسول صلى الله عليه وسلم حط المتبرجة مع الظلمة اللى بيضربوا الناس بالكرابيج ، ليه ؟ لأن الأتنين إجرام ، والإتنين هدم فى الأمة

ما هما زمان لما حاربوا الأمة بالمدافع والقنابل رجعوا قالوا : الناس دى مينفعش معاها الكلام ده ، فنعمل معاهم إيه؟

بسيطة أول مرة نكشفلها وش فلانة الفلانية فى ثورة سنة كذا ، و بعد كدة كشف الوش يبقى عادى ! بعد كدة ننزلها مجلات الأزياء تبقى أزياء طويلة و بعد كدة تفضل تقصر تقصر تقصر ! و بعد كدة تبدأ تظهر مجلات فاضحة هذا فستان يكشف مفاتن الظهر ، و هذا فستان يكشف مفاتن مش عارف إيه !

قال أحد قادة الماسون: (كأس وغانية يفعلان بالأمة المحمدية ما لا يفعله ألف مدفع ودبابة فأغرقوها، أي أمة محمد أغرقوها في حب المادة والشهوات)

ترضى إنك تبقى قنبلة تنفجر فى كبد الدين ؟!! ترضى إنك تبقى سكينة يطعن بيها قلب الدين ؟!
أديكى رضيتى ! و أديكى وافقتى ! وأديكى نفذتي كمان !

لما أميمة بنت رقيقة جت تبايع النبى صلى الله عليه وسلم بايعها على إيه ؟ قال لها :"أبايعك على أن لا تشركي بالله شيئا "مافيش كفر "ولا تسرقي ، ولا تزني ، ولا تقتلي ولدك ، ولا تأتي ببهتان تفترينه بين يديك ورجليك ، ولا تنوحي" اسمع و إسمعى يا أختى "ولا تتبرجي تبرج الجاهلية الأولى" حسن

مافيش تبرج يعنى عشان بس نحط إيديك فى إيد الإسلام كدة تبقى على عهد مع دين ربنا مافيش تبرج ده رقم واحد فى الدين
و حط عدم التبرج مع عدم السرقة و عدم الزنا وعدم القتل ...كل ده كبائر


إنتى عارفة المتبرجة كام عداد سيئات شغال و هي ماشية ؟!!!
عداد النظر الحرام ليها آدى واحد !
عداد المكياج آدى اتنين !
عداد البرفان ثلاثة !
عداد النمص أربعة ! : قال رسول الله صلى الله عليه وسلم "لعن الله النامصة و المتنمصة" صحيح
عداد إفساد الشباب ، و إفساد البنات الصغيرين آدى خمسة ،
خمس عدادات على الأقل شغالة سيئات وإنتى ماشية !!!

بس استني تعالي هنا
اوعي تفتكري ان الحجاب معناه تلبسي اللي يخطر في بالك وعليه حتة قماشة بتسميها طرحة

الحجاب ليه شروط

- أن يكون ساترا للجسد كله ما عدا الوجه والكفين على خلاف فيهم"يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً"


- أن يكون سميكا لايصف الجسم أي غير شفاف يقول صلى الله عليه وسلم " سيكون في آخر أمتي نساء كاسيات عاريات على رؤوسهن كأسنمة البخت العنوهن فإنهن ملعونات"

- أن يكون فضفاضا غير ضيق يعني واسع مش ماشيين في الشارع لابسين عباية لازقة على الجسم وكل تفاصيله باينة ده مش حجابحتى لو غطت وشها بميت نقاب. عن أسامة بن زيد رضي الله عنه قال: كساني رسول الله صلى الله عليه وسلم قبطية كثيفة مما أهداها له دحية الكلبي فكسوتها امرأتي فقال لي رسول الله صلى الله عليه وسلم: "ما لك لم تلبس القبطية قلت يا رسول الله كسوتها امرأتي فقال رسول الله صلى الله عليه وسلم فلتجعل تحتها غلالة فإني أخاف أن تصف حجم عظامها"

- أن لا يكون زينة في نفسه يعني مش لابسة واسع لكن لون لبسها فاقع وكله خرز وترتر وبيلمع مش قصدي تمشي مبهدلة لكن مش ملفته
قال تعالى " ولا يبدين زينتهن " وقوله صلى الله عليه وسلم " ثلاثة لا تسأل عنهم : رجل فارق الجماعة وعصى إمامه ومات عاصيا ، وأمة أو عبد أبق فمات ، وامرأة غاب عنها زوجها قد كفاها مؤونة الدنيا فتبرجت بعده فلا تسأل عنهم"- أن لا يكون فيه تشبه بالرجال قال أبو هريرة لعن رسول الله صلى الله عليه وسلم الرجل يلبس لبسة المرأة والمرأة تلبس لبسة الرجل "

- أن لا يشبه لباس الكافرات


-أن لا يكون مبخرا مطيبا قال صلى الله عليه وسلم " أيما امرأة استعطرت فمرت على قوم ليجدوا ريحها فهي زانية"

-أن لا يكون لباس شهرة

-أن تكون الطرحة أو الخمار مغطي للصدر والنحر أي الرقبة ويشترط فيها ما يشترط في اللبس يعني طرحة كبيرة مش شفافة وليست زينة في نفسها يعني ما ينفعش طرحة صغيرة وهاي كول ده مش حجاب متضحكيش علينا ولا على نفسك وبعدين كتير مننا بيتساهل في تغطية القدمين ولبس شراب مع إن تغطية القدمين متفق عليها .

حققي الشروط دي والبسي بعد كده اللي عايزاه اسدال ، ملحفة ، خمار ، عباية ، تايير
المهم تتوفر فيه الشروط دي