انفصام الشخصية !!!

 

 

 

انفصام الشخصية !!!

انفصام الشخصية !!!

من اكبر المشاكل اللي بتواجهنا في حياتنا ان كتير فاكر ان التدين او الدين عموما صلاة وصوم وصدقات وتلاوة قران وعبادات وفقط
واقوم من على سجادة الصلاة وامسح دموعي واقوم اقول لاولادي غشوا في الامتحان وادفع رشوة بمسمى إكرامية او تمشية حال وانشر غسيلي المبلول على غسيل جارتي الناشف او ارمي اكياس القمامة اعزكم الله من الشباك في الشارع

ولا هنتكلم عن الغيبة والنميمة ولا اني ادق مسمار في حيطة جاري بدون اذنه ولا اني اوقف مصالح الناس في الشغل او ازوغ منه ولا اني اقبل هدية من موظف عندي ولا اني ادوس على غيري واكدب علشان اخد ترقية ولا ميزة مش من حقي ولا اني اخد دور غيري في الطابور ولا السب والشتم حتى بالهزار والصراعات على الدنيا والمال مهما كان مصدره حلال ولا حرام وابرر


يااااااااااه
لو فضلنا نعد من هنا لبكرة على الانحدار اللي وصل ليه كتير من المسلمين للاسف مش هنلحق



احنا عايزين نعيد حساباتنا كلها
ناسيين اننا هنتحاسب على كل كبيرة وصغيرة
على كل كلمة
على كل همسة
على كل قرش اكتسبناه منين وانفقناه فين
هنتحاسب على كل دمعة كنا سبب

ويجي وقت الصلاة جري نروح نصلي وكان شيئا لم يكن

مسكين مش عارف انه مهما كان عنده ملايين الجنيهات لكن في رصيد الحسنات ممكن يكون مفلس


في الحديث النبوي الشريف عن أبي هريرة رضي الله عنه:

(( أَنَّ رَسُولَ اللَّهِ صَلَّى اللَّهم عَلَيْهِ وَسَلَّمَ قَالَ : أَتَدْرُونَ مَا الْمُفْلِسُ قَالُوا : الْمُفْلِسُ فِينَا مَنْ لا دِرْهَمَ لَهُ وَلا مَتَاعَ ، فَقَالَ : إِنَّ الْمُفْلِسَ مِنْ أُمَّتِي يَأْتِي يَوْمَ الْقِيَامَةِ بِصَلاةٍ وَصِيَامٍ وَزَكَاةٍ وَيَأْتِي قَدْ شَتَمَ هَذَا وَقَذَفَ هَذَا وَأَكَلَ مَالَ هَذَا وَسَفَكَ دَمَ هَذَا وَضَرَبَ هَذَا فَيُعْطَى هَذَا مِنْ حَسَنَاتِهِ وَهَذَا مِنْ حَسَنَاتِهِ فَإِنْ فَنِيَتْ حَسَنَاتُهُ قَبْلَ أَنْ يُقْضَى مَا عَلَيْهِ أُخِذَ مِنْ خَطَايَاهُمْ فَطُرِحَتْ عَلَيْهِ ثُمَّ طُرِحَ فِي النَّارِ ))


و عَنْ أَبِي هُرَيْرَةَ، قَالَ : قِيلَ لِرَسُولِ اللَّهِ : امْرَأَةٌ تَصُومُ النَّهَارَ، وَتَقُومُ اللَّيْلَ، وَتُؤْذِي جِيرَانَهَا بِلِسَانِهَا، قَالَ : " لا خَيْرَ فِيهَا، هِيَ فِي النَّارِ "، وَقِيلَ : فَامْرَأَةٌ تُصَلِّي الْمَكْتُوبَةَ، وَتَصَّدَّقُ مِنْ أَثْوَارِ الأَقِطِ، وَلا تُؤْذِي أَحَدًا بِلِسَانِهَا، قَالَ : " هِيَ فِي الْجَنَّةِ " .

الامر مش هين


عن انس رضي الله عنه قال ... "إنكم لتعملون أعمالاً هي أدق في أعينكم من الشعر، كنا نعدها على عهد رسول الله -صلى الله عليه وسلم- من الموبقات"



مش لاقية كلام قادرة اعبر بيه عن حال كثير من المسلمين دلوقتي

مش هنقدر نغير اللي حوالينا
لكن نقدر نبدأ بنفسنا
ويكون شعارنا سأتغير حتى تتغير الامة