نفسك في وسام ينور جنب اسمك؟
اسمحولي أتكلم معاكم شوية عن المسابقات
طبعا كتير مننا أول ما بتشوف كلمة مسابقة جري بتروح تشترك وكلها أمل إن كاس ينور جنب اسمها
وده حق مشروع ومفيش فيه مشكلة
المشكلة ازاي هنوصل للكاس ده
للأسف بلاحظ من خلال المسابقات اللي بنعملها إن كتير من المشتركات بتطلب من العضوات انهم يدخلوا يصوتوا لموضوعها في الاستفتاء
واللي بيخلي الواحد يتجنن إننا بنكون كاتبين ومنبهين ان ممنوع انك تطلبي التصويت من العضوات ونكتب قوله صلى الله عليه وسلم: من غشنا فليس منا. وهو حديث متفق عليه. وفي رواية لمسلم: من غش فليس منا.
واللي يحزن أكتر إن أحيانا المسابقة بتكون في القسم الاسلامي
تبقى المسابقة موضوعها عن الأمانة أو الصدق أو موضوع يحث على الفضائل
وللأسف بيكون مجرد كلام مكتوب ممسش قلوبنا ولا أثر فينا ونروح نعمل عكسه في نفس اللحظة
لأننا بنعمله علشان الكاس بس مش علشان ناخد أجر ونستفيد ونفيد غيرنا
تعالوا نحط نفسنا مكان المشتركات اللي كلهم اشتركوا وعندهم أمل في الكاس زيك بالظبط
واحدة تعبت واجتهدت وحاولت تعمل موضوع جميل مستوفي شروط المسابقة وتعبت فيه
وواحدة عملت اي حاجة بسرعة أو حتى تعبت فيه وفضلت تبعت للعضوات تصوت ليها والبنات بقوا يدخلوا من غير قراءة ويختاروا الرقم اللي قالت عليه
مش ده اللي بيحصل ؟
والنتيجة اخدتي الكاس
بس مقدرش اقولك مبروك عليكي لأنك اذا كنتي كسبتي كاس جنب اسمك
فمع الكاس كسبتي ذنب كبير و خسرتي حاجات كتير
كسبتي اثم وذنب هيجي في صحيفة اعمالك يوم القيامة
مش هتاخدي الكاس معاكي وانتي قدام ربنا لكن هتدخلي قبرك وتوقفي يوم العرض وانتي واخده حق غيرك
واوعي تستهوني بالأمر
وافتكري قوله تعالى : " وتحسبونه هينا وهو عند الله عظيم "
ده اللي كسبتيه
وفي نفس الوقت خسرتي فرحتك بالكاس لأنك متستحقهوش
وخسرتي احترام الناس ليكي لما تكتشف انك بتغشي وانك خرجتي من المسابقة
وحرمتي واحدة تستحق الكاس من حقها فيه وظلمتيها
وفكري في كلمة ظلمتيها
وخلي بالك حق الناس مش ممكن ربنا يغفره الا بعفو صاحب المظلمة
شوفي بقى ظلمتي كام واحدة لغاية دلوقتي
واحنا مش دايما بنقدر نكتشف إن حصل غش لكن ربنا عارف وشايف وشاهد
ولو حصل واكتشفتي ان حد فاز في مسابقة انتي مشتركة فيها وكنتي أحق بالكاس مكنتيش هتسكتي ولا هترضي إن حقك يضيع
فليه تقبلي لغيرك اللي متقبليهوش لنفسك
المشكلة مش في كده بس
تعالو نبص للموضوع من زاوية اكبر شوية
اللي اتعودت انها تاخد اللي عايزاه بالغش وتوصل للي عايزاه بسهوله حتى لو أخدت حق غيرها
مش هتفرق معاها مسابقة ولا غيرها
زي ما غشت في مسابقة هتغش في الامتحان
أو هتدور لبنتها أو ابنها على حد يساعدهم في الغش
وهكذا في كل حياتها
لأن الأمر سهل عليها وبتستمتع وبتفرح بيه حتى لو على حساب غيرها
المهم هيه توصل للي عايزاه وخلاص
وكلمة اخيرة للي راحت وصوتت لموضوع من غير ما تقرأ بقية المواضيع وتختار الموضوع اللي يستحق من وجهة نظرها
بقولها صوتك أمانة واللي بتعمليه خيانة للأمانة ومعاونة لغيرك على انه ياخد حق غيره وظلم للي كان يستحق
يقول تعالى : " وتعاونوا على البر والتقوى ولا تعاونوا على الإثم والعدوان واتقوا الله إن الله شديد العقاب "
وخلوا بالك من الحديث ده
قال رسول الله صلى الله عليه وسلم: انصر أخاك ظالماً أو مظلوماً، فقال: رجل يا رسول الله صلى الله عليه وسلم أنصره إذ كان مظلوماً، أفرأيت إذا كان ظالماً كيف أنصره؟! قال: تحجزه أو تمنعه من الظلم، فإن ذلك نصره.
متقوليش دي صاحبتي ونفسي افرحها أو أحرجتني ومقدرتش أقولها لأه
لأنها مش هتنفعك يوم القيامة ولا هتتحاسب مكانك
بدل ما كنتي تساعديها على الغلط كنتي نبهيها وذكريها بالله والخوف من عقابه والا تبقي مشاركة معاها في الاثم
مين أحق إنك تخافي من غضبه رب العباد ولا واحدة من عباده ؟
مين أحق إنك تستحي منه رب العباد ولا واحدة من عباده ؟
ويارب كل واحدة نفسها في كاس أو وسام تاخده بس بالمنافسة الشريفة
وساعتها كلنا نقولها مبروك من كل قلوبنا
طبعا كتير مننا أول ما بتشوف كلمة مسابقة جري بتروح تشترك وكلها أمل إن كاس ينور جنب اسمها
وده حق مشروع ومفيش فيه مشكلة
المشكلة ازاي هنوصل للكاس ده
للأسف بلاحظ من خلال المسابقات اللي بنعملها إن كتير من المشتركات بتطلب من العضوات انهم يدخلوا يصوتوا لموضوعها في الاستفتاء
واللي بيخلي الواحد يتجنن إننا بنكون كاتبين ومنبهين ان ممنوع انك تطلبي التصويت من العضوات ونكتب قوله صلى الله عليه وسلم: من غشنا فليس منا. وهو حديث متفق عليه. وفي رواية لمسلم: من غش فليس منا.
واللي يحزن أكتر إن أحيانا المسابقة بتكون في القسم الاسلامي
تبقى المسابقة موضوعها عن الأمانة أو الصدق أو موضوع يحث على الفضائل
وللأسف بيكون مجرد كلام مكتوب ممسش قلوبنا ولا أثر فينا ونروح نعمل عكسه في نفس اللحظة
لأننا بنعمله علشان الكاس بس مش علشان ناخد أجر ونستفيد ونفيد غيرنا
تعالوا نحط نفسنا مكان المشتركات اللي كلهم اشتركوا وعندهم أمل في الكاس زيك بالظبط
واحدة تعبت واجتهدت وحاولت تعمل موضوع جميل مستوفي شروط المسابقة وتعبت فيه
وواحدة عملت اي حاجة بسرعة أو حتى تعبت فيه وفضلت تبعت للعضوات تصوت ليها والبنات بقوا يدخلوا من غير قراءة ويختاروا الرقم اللي قالت عليه
مش ده اللي بيحصل ؟
والنتيجة اخدتي الكاس
بس مقدرش اقولك مبروك عليكي لأنك اذا كنتي كسبتي كاس جنب اسمك
فمع الكاس كسبتي ذنب كبير و خسرتي حاجات كتير
كسبتي اثم وذنب هيجي في صحيفة اعمالك يوم القيامة
مش هتاخدي الكاس معاكي وانتي قدام ربنا لكن هتدخلي قبرك وتوقفي يوم العرض وانتي واخده حق غيرك
واوعي تستهوني بالأمر
وافتكري قوله تعالى : " وتحسبونه هينا وهو عند الله عظيم "
ده اللي كسبتيه
وفي نفس الوقت خسرتي فرحتك بالكاس لأنك متستحقهوش
وخسرتي احترام الناس ليكي لما تكتشف انك بتغشي وانك خرجتي من المسابقة
وحرمتي واحدة تستحق الكاس من حقها فيه وظلمتيها
وفكري في كلمة ظلمتيها
وخلي بالك حق الناس مش ممكن ربنا يغفره الا بعفو صاحب المظلمة
شوفي بقى ظلمتي كام واحدة لغاية دلوقتي
واحنا مش دايما بنقدر نكتشف إن حصل غش لكن ربنا عارف وشايف وشاهد
ولو حصل واكتشفتي ان حد فاز في مسابقة انتي مشتركة فيها وكنتي أحق بالكاس مكنتيش هتسكتي ولا هترضي إن حقك يضيع
فليه تقبلي لغيرك اللي متقبليهوش لنفسك
المشكلة مش في كده بس
تعالو نبص للموضوع من زاوية اكبر شوية
اللي اتعودت انها تاخد اللي عايزاه بالغش وتوصل للي عايزاه بسهوله حتى لو أخدت حق غيرها
مش هتفرق معاها مسابقة ولا غيرها
زي ما غشت في مسابقة هتغش في الامتحان
أو هتدور لبنتها أو ابنها على حد يساعدهم في الغش
وهكذا في كل حياتها
لأن الأمر سهل عليها وبتستمتع وبتفرح بيه حتى لو على حساب غيرها
المهم هيه توصل للي عايزاه وخلاص
وكلمة اخيرة للي راحت وصوتت لموضوع من غير ما تقرأ بقية المواضيع وتختار الموضوع اللي يستحق من وجهة نظرها
بقولها صوتك أمانة واللي بتعمليه خيانة للأمانة ومعاونة لغيرك على انه ياخد حق غيره وظلم للي كان يستحق
يقول تعالى : " وتعاونوا على البر والتقوى ولا تعاونوا على الإثم والعدوان واتقوا الله إن الله شديد العقاب "
وخلوا بالك من الحديث ده
قال رسول الله صلى الله عليه وسلم: انصر أخاك ظالماً أو مظلوماً، فقال: رجل يا رسول الله صلى الله عليه وسلم أنصره إذ كان مظلوماً، أفرأيت إذا كان ظالماً كيف أنصره؟! قال: تحجزه أو تمنعه من الظلم، فإن ذلك نصره.
متقوليش دي صاحبتي ونفسي افرحها أو أحرجتني ومقدرتش أقولها لأه
لأنها مش هتنفعك يوم القيامة ولا هتتحاسب مكانك
بدل ما كنتي تساعديها على الغلط كنتي نبهيها وذكريها بالله والخوف من عقابه والا تبقي مشاركة معاها في الاثم
مين أحق إنك تخافي من غضبه رب العباد ولا واحدة من عباده ؟
مين أحق إنك تستحي منه رب العباد ولا واحدة من عباده ؟
ويارب كل واحدة نفسها في كاس أو وسام تاخده بس بالمنافسة الشريفة
وساعتها كلنا نقولها مبروك من كل قلوبنا
تعليقات
إرسال تعليق