مسلسل في كل بيت حكاية ... الحلقة الثامنة

 الحلقة الثامنة :



شلبية وأختها قاعدين في الصالون بيتكلموا مع بعض

شلبية : خير يا حبيبتي مالك ، فضفضي


فوزية : مش عارفة اقول ايه ، لكن محتاجة نصيحتك

انتي عارفة ظروف منى الصحية والحمد لله فضل ونعمة من ربنا

لما اتولدت وعندها ضمور في كليتها الشمال وكليتها اليمين محتاجة علاج وبتاخد علاج ميقلش عن 1000 جنيه في الشهر ومستورة والحمد لله

لكن حماتي مش سايبانا في حالنا، انتي عارفة ان أحمد جوزي ولد على بنتين

والبنتين متجوزين وميسورين الحمد لله وحتى حماتي وحمايا معاشهم كويس ماشاء الله ربنا يبارك ليهم ، لكن حماتي الله يهديها حاسة ان كل قرش بيصرفوا أحمد علينا بناتها أولى بيه وإني غريبة مليش حق في مال ابنها ، وعلشان كده مش بتبطل طلبات علشان ميفضلش لينا حاجة .

هات يا احمد علشان عازمة اخواتك البنات وازواجهم على مصيف في الغردقة ، هات يا أحمد أصلي مش عاجبني ديكور الشقة وعايزة أغير فيه شوية



شلبية : معلش يا فوزية أمه برده ومش هيقدر يقولها حاجة!



فوزية : انتي هتجننيني كمان ماهو كل شوية يقولي انت ومالك لابيك

يعني يرضي ربنا يستلف علشان يطلعهم مصيف وانا بايعة حلق بنتي علشان أجيب لها العلاج

هو عمر ومنى أولادي بس ولا أولاد ابنها كمان ؟



شلبية : يا حبيبتي وأنا رحت فين أنا واخواتك ليه مقولتيش لينا ؟

فوزية : مستورة الحمد لله
أنا مش بكلمك علشان عايزة فلوس
لو سابونا في حالنا المرتب هيكفي ويفيض الحمد لله
أنا بتكلم معاكي علشان نشوف حل

شلبية : طيب اتناقشتي مع زوجك في الموضوع ده ؟



فوزية : يييييييييييه متعديش  ، وكل مرة تقلب بخناقة ويقول مأقدرش أقول لأمي لأه على أي طلب

أنا نفسي أعرف هو اللي صح ولا أنا ؟


عايزة أعرف ايه اللي يرضي ربنا وأنا هأعمله ، أنا مش عايزاه يعق أمه ولا اخواته لأن اللي ملوش خير في أهله مش هيبقى فيه خير لزوجته وأولاده وربنا مش هيبارك في حياتهم
لكن مش عايزاه يظلمني ويظلم ولاده .



شلبية : طيب استني أقوم أجيب اللاب وندور على فتوى يا تقتنعي يا توريها ليه .



قامت شلبية جابت اللاب وقعدت تدور على فتوى بخصوص الموضوع ده وأخيرا لقوا فتوى.



فوزية : الحمد لله أنا ارتحت كده وطلعت أنا اللي صح
شوفتي بيقول ايه في الفتوى ؟


أجمع أهل العلم على أن نفقة الوالدين الفقيرين الذين لا كسب لهما ولا مال واجبة في مال الولد.

ولكن يشترط لوجوب الإنفاق أن يجد الابن ما ينفقه على والده زائداً عما يحتاج إليه، لقول رسول الله صلى الله عليه وسلم: ابدأ بنفسك.
ما بالك بقى انهم بياخدوها علشان رفاهيات ؟


معلش انتي عارفة ان النت فاصل عندي هاتي ورقة وقلم أنقل الفتوى .



شلبية : حاضر يا حبيبتي


ربنا يهديلك بالك ويصلح حالك ويوسع رزقك .

قطع كلامهم منى وهي داخلة وجري في حضن مامتها
وبتقول ليها ، يالا ياماما مبنيناش النهاردة بيت في الجنة .


*******************

زغلول مريح على السرير وفي ايده الموبايل بيكلم أشرف زميله في الشغل

أصله هيقعد مع الستات يعمل ايه ؟

أخت وجاية تزور أختها ومش معاها زوجها يقعد معاهم ليه ؟



زغلول : انت السبب ، قلتلك مليون مرة سيبك من الكلام مع البنات والستات في الشغل وانت ولا هنا

أشرف : هو فيها ايه يعني لما اقعد في المكتب معاهم شوية؟ نتكلم كلام بريء ونهزر ونضحك مع بعض

زغلول : أهو الكلام البريء ده خلى سيرتهم على كل لسان وهيخرب بيت مدام ندى.



أشرف : زوجها هو اللي مخه مقفل ومعندوش ثقة في مراته وبيصدق أي حاجة بتتقال
واحد فاضي عامل نفسه فاعل خير كلمه في التليفون وقال كلام ملوش معنى



زغلول : لسه بتكابر ؟

بالله عليك يا شيخ وانت قاعد معاها ولا مع غيرها من الموظفات اللي داير على مكاتبهم بتغض بصرك زي ما ربنا سبحانه وتعالى بيقول : " قل للمؤمنين يغضوا من أبصارهم ويحفظوا فروجهم ذلك أزكى لهم "

وبعدين عايزني أصدقك ولا أصدق كلام الرسول صلى الله عليه وسلم ؟ وهو بيقول" ما تركتُ بعدي فتنة أضر على الرجال من النساء "

وقال صلى الله عليه وسلم: " ألا لا يخلون رجل بامرأة إلا كان ثالثهما الشيطان "

وانت قاعد معاها لوحدكم في المكتب وقافلين الباب عليكم وصوت الضحك طالع يبقى عايز الناس تقول ايه ؟



أشرف : بصراحة تحس إنها ست عاقلة كده مش زي اللي عندي في البيت



زغلول : جالك كلامي ، أهو الكلام البريء قلب باعجاب .



انت شايف منظر واحدة لابسة ومتشيكة وحاطة 10 كيلو مكياج قدامك

والست الغلبانة في البيت عماله تطبخلك وتشوف طلباتك و طلبات عيالك

ومدام ندى دي تلاقيها بترجع البيت بتبقى حاجة تانية خالص



أشرف : يعني اعمل ايه دلوقتي ؟



زغلول : تعمل الصح ، الكلام بينكم يكون على قد الشغل من غير ضحك وهزار ومياعة

باب المكتب ميتقفلش عليكم أبدا لو حدكم .



أشرف : ربنا يسهل

يالا كفاية عليك ونكمل بكرة في الشغل ان شاء الله

سلام


تعليقات

إرسال تعليق

المشاركات الشائعة من هذه المدونة

دورة علم أصول الفقه ( 19 - أحوال اللفظ من حيث الظهور والخفاء )

صورة
  دورة علم أصول الفقه ( 19 - أحوال اللفظ من حيث الظهور والخفاء )   19 - أحوال اللفظ من حيث الظهور والخفاء الكلام الدال على الحكم الشرعي ، يحتوي على ألفاظ ، وهذه الألفاظ إما أن تكون ظاهرة المعنى والمراد : بحيث نفهم معانيها والمراد منها بسهولة . أو ألفاظ أخرى في دلالتها على المراد من المعنى نوع من الخفاء : وبالتالي تحتاج إلى نظر وتأمل أو تفسير . وعلى هذه الأساس قسم العلماء اللفظ من حيث الظهور وقوة إفادة المراد إلى : الظاهر ، النص ، المفسر ، المحكم . وقسموه من حيث خفاء المراد إلى : الخفي ، المشكل ، المجمل ، المشكل . اللفظ من حيث الظهور 1- الظاهر : هو ماكان معناه واضح ولا يحتاج إلى تفسير من الشارع لبيان المراد منه ، ولم يكن مسوقاً بالأصل لإفادة هذا المعنى ، واحتمل التأويل إن كان خاصاً ، أو التخصيص إن كان عاماً . نطبقه على مثال علشان يوضح : يقول تعالى : { وأحلَّ اللهُ البيْعَ وحرَّمَ الرِّبا } . هو ماكان معناه واضح ولا يحتاج إلى تفسير من الشارع لبيان المراد منه : اللفظ في الآية دلَّ بنفس صيغتِهِ على إحلال البيع وتحريم الرّبا . ولم يكن مسوقاً بالأصل لإفادة هذا المعنى : الأية نفسها...
قراءة المزيد

اسئلة لمراجعة سورة القصص

  اسئلة لمراجعة سورة القصص السؤال الأوّل : أكملي الآيات 1-و لقد وصّلنا لهم القول ...... لا نبتغي الجاهلين. 2-و قال موسى ..... أنّهم إلينا لا يرجعون. 3-إنّ الذي فرض عليك القرءان ..... و إليه ترجعون. 4-و ما أوتيتم من شيء ...... كنتم تزعمون. 5-قال ذلك بيني و بينك ..... لعلكم تصطلون. 6-و قالوا إن نتبع الهدى ..... و أهلها ظالمون. 7-فإن لم يستجيبوا لك ..... هم به يؤمنون. 8-فأخذناه و جنوده ..... لعلّهم يتذكّرون . 9-و لمّا بلغ أشدّه ..... ظهيرًا للمجرمين. 10-اسلك يدك ..... الغالبون. 11-و نزعنا من كلّ أمّة ...... الفرحين. 12-و لمّا توجّه ..... القوم الظالمين. 13-فلمّا قضى موسى الأجل ..... من الآمنين. 14-و قال فرعون ..... لايرجعون. 15-ولقد ءاتينا موسى الكتاب ..... و لكنّا كنّا مرسلين. 16-ومن رحمته ..... ما كانوا يفترون. 17-قلمّا أتاها ..... قومًا فاسقين. 18-إنّ قارون ..... حظٌ عظيم . 19-إنّ فرعون ..... ما كانوا يحذرون. 20-قال الذين حقّ عليهم القول ..... من المفلحين. ---------------------------------------------------- السؤال الثاني : اذكري من الآيات ما يدلّ على ذلك 1-جعل الله الدار الآخرة لم...
قراءة المزيد

أسئلة مراجعة سورة الشورى

صورة
  أسئلة مراجعة سورة الشورى   السؤال الأول: أكملى الآيات الآتية 1- وجزاؤا سيئة حتى قوله تعالي وما لكم من نكير. 2- ذلك الذي يبشر الله عباده حتى قوله تعالي إنه بعباده خبير بصير. 3- لله ملك السموات والأرض حتى قوله تعالي إلي الله تصير الأمور. 4- له مقاليد السموات والأرض حتى قوله تعالي لفي شك منه مريب. 5- ومن آياته الجوار حتى قوله تعالي هم ينتصرون. 6- وتراهم يعرضون عليها حتى قوله تعالي فإن الإنسان كفور. 7- من كان يريد حرث الآخرة حتى قوله تعالي الفضل الكبير. 8- والذين اتخذوا من دونه أولياء حتى قوله تعالي وهو السميع البصير. 9- ويستجيب الذين آمنوا حتى قوله تعالي ولا نصير. 10- فلذلك فادع واستقم حتى قوله تعالي وهو القوي العزيز. السؤال الثانى: أذكري من الآيات ما يدل على ذلك 1- في الفضاء الخارجي مخلوقات ودواب غير مخلوقات الأرض. 2- ينزل الله الرزق علي عباده بقدر لأن الغني إذا افتقر فسد دينه، والفقير إذا أغتني فسد دينه وبغي كل منهم في الأرض. 3- أمر لرسول الله  بالاستقامة كما قال الله  في سورة هود ( فأس...
قراءة المزيد