همسات

 الحلقة 18 والأخيرة : محمود خرج ورجع البيت ومعاه واحد محمود : اتفضل عايزك تركبلي كاميرات في غرفة الأولاد وهنا وهنا محمود بيكلم نفسه : كده أطمن ومأظلمش ولادي وياويلك يا شهيرة لو كنتي بتخدعيني ******** شلبية ومنال وأم محمد قرروا ينفذوا فكرة شلبية كل أسبوع يوم الاثنين عند واحدة فيهم وبما ان أم محمد صاحبة الفكرة اتجمعوا عندها أول مرة أم محمد : يادي النور ، يارب دايما متجمعين في الخير شلبية : ده نورك يا زعيم منال : ههههههههههه خليتيها زعيمة شكلك هتودينا في داهية شلبية : وعلى ايه نخليها يا معلم أم محمد : صحيح معرفتوش ايه اللي حصل امبارح ؟ منال وشلبية : خير ايه اللي حصل ؟ أم محمد : شهيرة أخيرا أجدت جزاءها شلبية : ازاي ؟ أم محمد : أنا حكيتلكم اللي حصل لغاية ما زوجي كلم الأستاذ محمود في الجامع صح ؟ منال : اه أم محمد : امبارح الأستاذ محمود جه لأبو محمد علشان يشكره إنه فتح عنيه وده كان الحوار الأستاذ محمود : أنا جاي أشكرك على انك فتحت عيني على اللي بيحصل في بيتي أبو محمد : انا مش فاهم حاجة الأستاذ محمود : كلامك زرع الشك في لقبي انا معتمد على الكلام اللي بتقوله وقعدت افكر ايه اللي يضمنلي إن ده...

 الحلقة 17 : محمود بعد تفكير طويل قرر يعمل حاجة مجنونة بس هتريح قلبه وتطمنه على أولاده وعلشان ينفذ الفكرة لازم يبعد شهيرة عن البيت محمود : صباح الفل يا شوشو شهيرة : صباح الفل يا حودة محمود : ايه رايك مكافأة على تعبك في البيت والأولاد تاخدي أجازة منهم النهاردة وتروحي تغيري جو عند والدتك ؟ شهيرة فرحانه : بتتكلم جد ؟ موافقة طبعا محمود : يالا بسرعة قبل ما أرجع في كلامي شهيرة وهي بتنط من على السرير : ترجع في كلامك ايه ثواني واكون جاهزة وابتسم محمود ابتسامة خبيثة ************* شهيرة عند والدتها وجت سيرة يوسف وجيهان شهيرة : متجبيليش سيرتهم ما صدقت خلصت منهم يوم أم شهيرة : حرام عليكي والله هتتحاسبي عليهم دول غلابة مادام مش هتعامليهم بما يرضي الله بتتجوزي واحد عنده عيال ليه ؟ شهيرة : ميصعبش عليكي غالي دول يستاهلوا الذبح  ، امتى أخلص منهم أم شهيرة : أعوذ بالله ، تخيلي لو كانوا ولادك وواحدة عاملتهم زي ما بتعامليهم شهيرة : بعد الشر عمري ما ولادي اللي هاخلفهم يحصل معاهم كده أم شهيرة : وعرفتي ازاي اعمل ما شئت كما تدين تدان شهيرة : يييييييه يعني انا اخلص منهم هناك اجي اتكلم عليهم هنا أم شهير...

 الحلقة 16 : لسه محمود بيفكر في كلام أبو محمد وعمال يسأل نفسه أتأكد ازاي راح للولاد غرفتهم وفتح الباب محمود وهو فاتح ذراعه : حبايب قلبي مين هيجيب حضن لبابا الأول ؟ يوسف وجيهان جريوا عليه وفضلوا يحضنوا فيه وقعد يلاعبهم ويهزر معاهم وبعدين سألهم : عاملين ايه مع ماما شهيرة ؟ الولاد بصوا لبعض بنظرة كلها خوف وتساؤل عن سبب سؤال أبوهم : وقالوا : الحمد لله محمود : بتعاملكم كويس وبتحبوها ؟ لتاني مرة يبصوا لبعض لكن المرة دي لمحوا شهيرة بتتسنط عليهم من ورا الباب المفتوح حتة منه بصوا للباب وقالوا : اه طبعا محمود : أي حد يضايقكم جري تقولولي اتفقنا ؟ الأولاد: اتفقنا يا بابا باس راسهم وخرج من الباب وهو عمال يفكر في نظراتهم لبعض وزادت شكوكه ************* وفي بيت فوزية كان في بركان على وشك الانفجار لكن فوزية مبطلتش استغفار وذكر من ساعة ما حصل اللي حصل لأنها عارفة ان من لزم الاستغفار جعل الله له من كل هم فرجا ومن كل ضيق مخرجا أحمد : ممكن أعرف ايه اللي عملتيه النهاردة ؟ فوزية : وهي بترسم البراءة على وشها : عملت ايه ؟ أحمد : ازاي تقولي لبابا اننا بعنا الحلق ؟ فوزية : وايه المشكلة ؟ ده والدك ، هو أنا قل...

 الحلقة 15 الكل سعيد ومبسوط في الجنينة  وعمالين يلعبوا كورة  وراكيت ويجروا ويتنططوا  وقعدوا يستريحوا شوية خالد: حضرتك وعدتنا يا بابا انك تحكيلنا حاجة عن ذكرياتك زغلول : طيب لما نروح البيت خالد : هنا في الهواء الطلق أحسن زغلول : هأكيلكم على حاجة جدتكم قالتها لي زمان وخلتها قدام عيني ولازم تحطوها قدام عينكم كمان ريم : احكي يا باب شوقتنا قالتلي مرة : عايزاك تقول حلال وانت قافل بؤك حاولت معرفتش ، قالتلي طيب جرب تقول حرام وبؤك مفتوح كمان معرفتش جربوا كده كله قعد يجرب معرفش زغلول : مش هتقدروا أبدا الحلال دايما بيكون في النور، والحرام في الظلام، الحلال تقدر تعمله قدام الناس وانت مش خايف والحرام تعمله وإنت خايف حد يشوفك شلبية: فكرتني بقول الإمام الشافعي جمع الحرام على الحلال ليكثره دخل الحرام على الحلال فبعثره زغلول : بالظبط اياكم والحرام كفاية عليكم كده النهاردة يالا على البيت *********** أبو محمد والأستاذ محمود خارجين من الصلاة مع بعض أبو محمد : تقبل الله محمود : منا ومنكم ابو محمد : اخبارك وأخبار الأولاد محمود : الحمد لله بخير وكنت خايف انهم ميتعودوش على زوجتي بعد ما وال...

 الحلقة 14: حسن طالع من صلاة الجمعة وبيفتح باب الشقة راح واقف وقال : أكيد أنا غلطت في الشقة منال ضاحكة : لا متخافش دي شقتك حسن: ومين حضرتك يا فندم ؟ جاية تزوري منال ؟ منال : بطل غلاسة بقى ومتضيعش اللحظة الرومانسية دي حسن : ماهو سفرة فيها مالذ وطاب وشموع وورودوبتقولي رومانسية كمان يبقى انا غلطان في الشقة فعلا منال : خلاص نروح نشيل كل ده حسن : لااااااااااااااااااااااااااااااااااااااااااااااااا اااااااااااااااااااااااااا اوعي ده انا ما صدقت بس خير اللهم أجعله خير منال : مفيش حبيت اصالحك بعد اللي حكته ولاء امبارح عرفت قيمتك وأوعدك حياتنا هتتغير وانسى منال القديمة خالص **************** شلبية وهند وريم هيحصل ليهم حاجة من الرعب لو زغلول شاف الزجاج المكسور شلبية وريم : هند علشان خاطرنا يا رويتر متقوليش حاجة لبابا لغاية ما نرجع علشان الخروج متبوظش احنا مستنينها من زمان هند : حاضر يا ماما ريم : هأديلك الموبايل بتاعي تلعبي باللعبة بس متقوليش لبابا علشان خاطري هند : اتفقنا واول ما اتفتح باب الشقة هند جري على الباب وشلبية وريم بيغمزولها هند : بابا بابا أنا مش هأقولك إن ريم كسرت ازاز الترابيزة ع...

 الحلقة 13 : ولاء بتبكي ومنال قامت تقعد جنبها تحضنها وتحاول تخفف عنها وتعرف مالها منال : ايه اللي حصل يابنتي معقولة ولاء ملكة جمال الجامعة اللي الكل كان بيجري وراها وكانت الضحكة مش بتفارقها بقى ده حالها ولاء : نصيبي والحمد لله على كل حال منال : احكيلي بالتفصيل ولاء : فاكرة ازاي كانت احلامي بسيطة مجرد بيت بسيط وزوج حنين يتقبل مرضي بالسكر ونعيش في تبات ونبات ونخلف صبيان وبنات لكن امي الله يرحمها كانت تقولي جمالك ده مينفعش لأي حد وكانت بترفض أي حد يتقدملي مهما كان على دين وخُلق لغاية ما جه عمرو واتقدملي و فلوسه زغللت عين ماما حاولت اقاوم وارفض كتير لأني مكنتش مستريحة ليه لكن معرفتش اقاوم التيار خصوصا انتي عارفة من ساعة والدي ما توفى وأعمامي مش بيسألوا عننا ومليش غير أمي وأخويا وانتي عارفة اخويا مش بيفكر غير في نفسه منال : الله يرحم عمو كان راجل طيب وبيخاف عليكم من الهوا وعمره مغصبكم على حاجة ولاء : الله يرحمه واتجوزت عمرو بعد ما حفي ورايا بكل الطرق وأنا كنت رافضاه لكن من أول يوم حاسس إنه متجوزاه على طمع واصبحت الفيلا اللي عايشة فيها مجرد سجن كبير كل حاجة في الدنيا ممنوعة إهانات وشتايم...

 الحلقة 12 : أبو محمد رجع من الشغل بس كان بياكل وهو سرحان شوية أكلوا وشربوا الشاي وكله اخر تمام أم محمد : خير مالك مش عوايدك ، في حاجة ؟ أبو محمد : لا الحمد لله بخير أم محمد : اسكت متعرفشي ايه اللي حصل النهاردة قعدت تحكي اللي حصل كله لكن ابو محمد شكله في وادي تاني خالص أم محمد قلقانة : شكلي بكلم نفسي من ساعتها الموضوع كبير ومش هسيبك الا لما تحكي ده انا عجناك وخبزاك وعارفة شكلك لما تكون متضايق ************ رن جرس الباب عند منال أكيد دي ولاء جت ومعاها أحلى ذكريات هتقعد معاها وتسترجع اللي فات من أيام المدرسة والكلية ليهم صولات وجولات منال وهي واخدة ولاء بالأحضان والقبلات : وحشاني يا بنتي النهاردة عيد ولاء ضاحكة : بالراحة عليا شوية يا بنتي لسه مجنونة زي ما انتي منال : ماشي يا عاقلة أخدتها ودخلوا على الصالون ولاء : ماشاء الله سندس كبرت ، اخر مرة شفتها وهي لسه مولودة منال : أعملك ايه ماهو انتي اختفيتي فجاة ومأعرفش عنك حاجة وحتى نمرة موبايلك غير متاحة دايما ومصدقتش لما سمعت صوتك في التليفون ولاء بحزن : معلش غصب عني منال بجدية : مالك يا ولاء شكلك مش عاجبني ولا صوتك كمان وانفجرت ولاء باكية ...

 الحلقة 11: ريم وشلبية بيكملوا كلامهم مع بعض شلبية : وبعدين ايه اللي حصل ؟ ريم : قلت معنديش مانع يا مس شيماء بس ممكن تسمعي ايه اللي حصل الأول قبل ما ننزل للمديرة مس شيماء: أسمع ايه ؟ المنظر اللي شفتك يه وعصبيتك وغضبك ميحصلش الا لو واحدة اتهمتك في عرضك مش لعب عيال في المدرسة ريم : ممكن نتكلم بره الفصل ؟ مس شيماء: تعالي نشوف أخرة لعب العيال ده ايه خرجت ريم وميرنا ومعلمتهم شيماء وريم طلبت كمان يخرج معاهم مي علشان تشهد على الكلام وريم حكت كل اللي حصل وميرنا حاطة وشها في الأرض ومش قادرة تنطق مس شيماء : الكلام ده حصل يا مي ؟ مي : ايوه يا مس مس شيماء : ليه يا مرنا انتي مش عارفة إن ده حرام ومن كبائر الذنوب ؟ هتستفيدي ايه من كده قال تعالى : ( وَ الَّذِينَ يُؤْذُونَ الْمُؤْمِنِينَ وَ الْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَ إِثْمًا مُبِينًا ) والنبي صلى الله عليه وسلم يقول : ( ‏إِنَّ مِنْ ‏ أَرْبَى ‏ ‏الرِّبَا الاسْتِطَالَةَ ‏ ‏فِي عِرْضِ الْمُسْلِمِ بِغَيْرِ حَقٍّ ‏) . مش أمر سهل اللي عملتيه وانتي كمان يا مي ازاي تصدقي على زميلتك من غير بينة ؟ شفتي بعينك وهي ...

 الحلقة العاشرة : أم محمد دخلت البلكونة تلم الغسيل وطبعا بملابسها الرسمية بالحجاب الكامل يعني ماهو البلكونة جزء من الشارع مش جزء من البيت وإذا بها تنزل عليها صاعقة من السماء عااااااااااااااااااااااااااااااااااااااااااااااااا ااااااا الغسيل بقى لونه اسود الجيران اللي فوق كنسوا البلكونة ورموا التراب عليه ومش كده بس دول مسحوها ورموا المية فوق الغسيل أم محمد : إنا لله وإنا إليه راجعون ، منك لله يا شهيرة حسبي الله ونعم الوكيل فيكي والله ما أنا سكتالك مشفتش غير الأذى منك من ساعة ما عرفتك ، والصبر ليه حدود وجري على باب الشقة تطلع تكلمها وخلاص الدخان هيطلع من مناخيرها لكن وهي طالعة على السلم لقت يوسف وجيهان قاعدين على السلم أم محمد متفاجأة : مالك يا حبايبي قاعدين هنا ليه ؟ هي شهيرة مش في البيت ولا ايه ؟ يوسف: في البيت يا طنط أم محمد : وقاعدين هنا ليه ؟ جيهان : علشان مش بترضى تدخلنا البيت لغاية قبل ما بابا يجي من الشغل على طول أم محمد : المفترية ، حسبنا الله ونعم الوكيل فيها ، الله يرحم أمكم كان مفيش زيها تعالو معايا أنا رايحة ليها يوسف وجيهان اتفزعوا وبان على عنيهم الرعب يوسف : لا يا طنط أ...

 الحلقة التاسعة : نرجع لشلبية واختها والبيت اللي هيتبني شلبية وهي بتضحك : بيت ايه اللي هيتبني يا منمن ناوية تطلعي مهندسة ولا ايه ؟ منى : لا يا خالتو ، تعالي ابني معانا بيت كمان وهنادي على الكل علشان نبني بيوت كتير وجريت منى تنادي اخوها وأولاد خالتها بسرررررررعة جرررررررررري كله يجي علشان نبني بيت جه الكل بيجري علشان يعرف فيه ايه وشلبية قاعدة تبص باستغراب على اللي بيحصل أما فوزية قعدت الأولاد حواليها وقالت : مين عايز يبني قصر في الجنة ؟ كله قال: أنااااااااااااا فوزية : يبقى نبدأ مع بعض نقرأ سورة الإخلاص 10 مرات يقول صلى الله عليه وسلم : كله قعد يقرأ لغاية ما خلصوا. فوزية : ايه رأيكم نزين القصر ده بشجر حلو ؟ ريم : ازاي يا خالتو؟ فوزية : بسيطة يا حبيبتي ، غرس الجنة سبحان الله و الحمد لله و لا إله إلا الله و الله أكبر ، وعلى قد ما تقوليها على قد ما تغرسي شجر في الجنة . تيجوا نغرس 100 شجرة واحنا قاعدين ؟ وكله بدأ يغرس شجر ليه في الجنة شلبية: ربنا يكرمك يا زوزو حسستيني باحساس جميل الكلام أخدنا ومأكلناش حاجة وقامت عملت واجب الضيافة وقضوا ليلية جميلة مع بعض ************** طلع النهار والصبح...

 الحلقة الثامنة : شلبية وأختها قاعدين في الصالون بيتكلموا مع بعض شلبية : خير يا حبيبتي مالك ، فضفضي فوزية : مش عارفة اقول ايه ، لكن محتاجة نصيحتك انتي عارفة ظروف منى الصحية والحمد لله فضل ونعمة من ربنا لما اتولدت وعندها ضمور في كليتها الشمال وكليتها اليمين محتاجة علاج وبتاخد علاج ميقلش عن 1000 جنيه في الشهر ومستورة والحمد لله لكن حماتي مش سايبانا في حالنا، انتي عارفة ان أحمد جوزي ولد على بنتين والبنتين متجوزين وميسورين الحمد لله وحتى حماتي وحمايا معاشهم كويس ماشاء الله ربنا يبارك ليهم ، لكن حماتي الله يهديها حاسة ان كل قرش بيصرفوا أحمد علينا بناتها أولى بيه وإني غريبة مليش حق في مال ابنها ، وعلشان كده مش بتبطل طلبات علشان ميفضلش لينا حاجة . هات يا احمد علشان عازمة اخواتك البنات وازواجهم على مصيف في الغردقة ، هات يا أحمد أصلي مش عاجبني ديكور الشقة وعايزة أغير فيه شوية شلبية : معلش يا فوزية أمه برده ومش هيقدر يقولها حاجة! فوزية : انتي هتجننيني كمان ماهو كل شوية يقولي انت ومالك لابيك يعني يرضي ربنا يستلف علشان يطلعهم مصيف وانا بايعة حلق بنتي علشان أجيب لها العلاج هو عمر ومنى أولادي بس...

 الحلقة السابعة : فتح الأستاذ حسن باب الشقة ولقى حماته قدامه حسن : ايه المفاجات الحلوة دي ست الحبايب عندنا أم منال : الله يكرمك يابني وميحرمنيش منك طبعا منال هتتجنن من وصلة الحب دي بتقوله يابني وميحرمنيش منك بدل ما تديله كلمتين في العظم أكلوا الحمد لله وشربوا الشاي واخر تمام وجه وقت الخناق قصدي العتاب أم منال : تعالى يا حسن يابني عايزاك لوحدنا ودخلوا الصالون وقفلوا عليهم الباب حسن : خير يا أمي ؟ أم منال : مزعل منال ليه يا حسن ؟ حسن : هي حكيتلك ؟ أم منال : ايوه بس عايزة اسمع منك كمان حسن : يا حاجة والله خناقتنا كلها على حاجات هايفة وبسيطة وهي نفسها من يوم ما اتجوزنا مفيش اهتمام بنظافة البيت ، دايما البيت مبهدل ومش نظيف أجيب الخضار والفاكهة تفضل في الثلاجة لغاية ما تبوظ وقعدالي قدام التلفزيون ليل ونهار وحجتها البنت حرقت براد الشاي ده مليون مرة لأنها بتسيب المية على النار لغاية ما تنشف ، اللبن ده متيألي من ساعة ما اتجوزنا محصلش إنه اتغلى من غير ما يفور ، ونفسي اكل أكل حلو من غير شياط أقول لها متهزريش مع الرجالة اللي مش محارم ليكي مفيش فايدة عايزة تمشي كلمتها عليا وصاحب ده ومتصاحبش ده ...

 الحلقة السادسة : جه معاد الرجوع من المدرسة وشلبية قاعدة مستنية على نار ريم عملت ايه وأخيرا رن جرس الباب والأولاد جم بتفتح الباب لاقت ريم شايلة هم الدنيا والحزن مالي عنيها سلمت عليهم بسرعة واخدت ريم على جنب ريم فتحت في العياط منهارة وحطت راسها في حضن مامتها شلبية : مالك يا ريم ايه اللي حصل ؟ ريم : حسبنا الله ونعم الوكيل ليه تعمل معايا كده شلبية: اهدي كده واحكيلي ايه اللي حصل . ريم : أنا رحت لأميرة أعز صحباتي أسالها في ايه ، وهي تتجنبني قلتلها ايه اللي حصل يا أميرة ؟ أنا عملت حاجة تزعلك ؟ ليه بتتهربي مني ؟ ده انتي أعز أصحابي . قالتلي : متقوليش صاحبتي أنا مش بصاحب الأشكال دي قلتلها : أنا عملت ايه ؟ قالتلي : انتي عارفة ومشيت وسابتني رحت لمي وسألتها : ولما لقيتني بعيط ، قالتلي : بصراحة ميرنا قالت لينا إنك بتصاحبي أولاد وبتخرجي معاهم لوحدكم وقالت كلام ميصحش وحلفت وقالت إنها شافتك بعينها وأميرة قالت للكل . ريم : أعمل ايه يا ماما انتي عارفاني وعارفة أخلاقي وأصلا باص المدرسة بيوديني ويجيبني ومش بخرج الا معاكم شلبية بتطبطب على ريم وبتقول : معلش يا حبيبتي ولا يهمك هتتحل متقلقيش ياما حذرتك قب...